Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ମଧ୍ୟପ୍ରଦେଶ ହନିଟ୍ରାପ ମାମଲା : ଶ୍ୱେତା ବିଜୟ ଜୈନଙ୍କ ଲକର ଖୋଲିଲା ଏସଆଇଟି, ଜାଣନ୍ତୁ ମିଳିଛି କ’ଣ

25/10/2019 at 3:27 PM

ଭୋପାଲ: ମଧ୍ୟପ୍ରଦେଶର ଚର୍ଚ୍ଚିତ ହନିଟ୍ରାପ ମାମଲାରେ ଗିରଫ ହୋଇଥିବା ମହିଳା ଶ୍ୱେତା ବିଜୟ ଜୈନଙ୍କ ଲକର ଖୋଲିଛି ଏସଆଇଟି। ଭୋପାଲ ପ୍ରଭାତ ସ୍କୋୟରସ୍ଥିତ ଆଇସିଆଇସିଆଇ ବ୍ୟାଙ୍କରେ ଥିବା ଏହି ଲକର ଖୋଲିବା ଲାଗି ଏସଆଇଟି ଶ୍ୱେତାଙ୍କୁ  ନେଇ ବ୍ୟାଙ୍କକୁ ଯାଇଥିଲା। ବ୍ୟାଙ୍କ ଅଧିକାରୀଙ୍କ ଉପସ୍ଥିତିରେ ଖୋଲାଯାଇଥିବା ଲକରରୁ ଜାହା ମିଳିଲା ତାହା କେବଳ ବ୍ୟାଙ୍କ ଅଧିକାରୀ ନୁହଁନ୍ତି ମାମଲାର ତଦନ୍ତକାରୀ ଅଧିକାରୀ ଓ କର୍ମଚାରୀଙ୍କୁ ବି ବିଶ୍ମିତ କରିଛି। ତେବେ ଆସନ୍ତୁ ଜାଣିବା ଶ୍ୱେତାଙ୍କ ଲକରରୁ ମିଳିଛି କ’ଣ ?

ଶ୍ୱେତା ବିଜୟ ଜୈନଙ୍କ ଆଇସିଆଇସିଆଇ ବ୍ୟାଙ୍କରେ ଥିବା ଲକରରୁ ନଗଦ ୪୭ ଲକ୍ଷ ଟଙ୍କା ସାଙ୍ଗକୁ ବିପୁଳ ପରିମାଣରେ ମହଙ୍ଗା ସ୍ୱର୍ଣ୍ଣଳଙ୍କାର  ମିଳିଛି। ସ୍ୱର୍ଣ୍ଣଳଙ୍କାରକୁ ଓଜନ କରାଯିବାରେ ଏହାର ବଜାର ମୂଲ୍ୟ ପ୍ରାୟ ୩୭ ଲକ୍ଷ ଟଙ୍କା ହେବ ବୋଲି ଏସଆଇଟି କହିଛି। ପୂର୍ବରୁ ଏସଆଇଟି ତାଙ୍କର ଏଚଡିଏଫସି ବ୍ୟାଙ୍କ ଲକର ଖୋଲିଥିଲା। ସେଠାରୁ ନଗଦ ୧୩ଲକ୍ଷ ଟଙ୍କା ଜବତ କରାଯାଇଥିଲା। ଏଣୁ ଆଇସିଆଇସିଆଇ ଲକରରୁ ସେଭଳି କିଛି ମିଳିବ ବୋଲି ଆଶା କରାଯାଉଥିବା ବେଳେ ହେଲେ ମିଳିଥିବା ଦାମୀ ସ୍ୱର୍ଣ୍ଣଳଙ୍କାର ଓ ନଗଦ ଟଙ୍କା ସମସ୍ତଙ୍କୁବିସ୍ମିତ କରିଛି।

ଲୋକେ ସାଧାରଣତଃ ଲକରକୁ ମହଙ୍ଗା ସ୍ୱର୍ଣ୍ଣଳଙ୍କାର ଓ ଜରୁରି କାଗଜପତ୍ର ରଖିବା ଲାଗି ବ୍ୟବହାର କରନ୍ତି। ହେଲେ ସେକ୍ସ ରାକେଟ୍ ଚଳାଇ ଲୋକଙ୍କୁ ବ୍ଲାକମେଲିଂ କରୁଥିବା ଏହି ମହିଳାମାନେ ଆୟକର ଫାଙ୍କି ଲାଗି ନଗଦ ଟଙ୍କାବି ଲକରରେ ରଖିଥିବା ପ୍ରଥମ ଥର ଦେଖାଯାଇଛି। ତେବେ ଲକର ଖୋଲିବା ପରେ ଏସଆଇଟି ଅଧିକାରୀ ପ୍ରଥମେ ଲକରରେ ଥିବା ସମସ୍ତ ଟଙ୍କା, ସୁନା ଓ ଅନ୍ୟ ସାମଗ୍ରୀ ଖାଲି କରିଥିଲେ। ସେସବୁକୁ ବ୍ୟାଙ୍କ ମ୍ୟାନେଜରଙ୍କ କ୍ୟାବିନକୁ ନେଇ ଟଙ୍କା ଗଣିବା ଲାଗି ମେସିନ ମଗାଇଥିଲେ। ଟଙ୍କା ଗଣାଯିବା ପରେ ମୋଟ ୪୭ ଲକ୍ଷ ଟଙ୍କା ଥିବା ଜଣାପଡିଥିଲା। ପରେ ସ୍ୱର୍ଣ୍ଣଳଙ୍କାର ଓଜନ କରାଯାଇଥିଲା। ଯାହାର ମୂଲ୍ୟ ୩୭ ଲକ୍ଷରୁ ବି ଅଧିକ ହେବ ବୋଲି ଅନୁମାନ କରାଯାଉଛି।

କିଛିଦିନ ପୂର୍ବରୁ ମଧ୍ୟପ୍ରଦେଶରେ ନେତା ଓ ଅଧିକାରୀମାନଙ୍କୁ କିଛି ମହିଳା ନିଜ ଜାଲରେ ଫସାଇ ବ୍ଲାକମେଲ କରୁଥିବାର ଅଭିଯୋଗ ମିଳିଥିଲା। ମାମଲର ତଦନ୍ତ କରି ଏସଆଇଟି ଜଣେ ପୁରୁଷ ଓ ୫ ଜଣ ମହିଳାଙ୍କୁ ଗିରଫ କରିଥଲା। ଗିରଫ ମହିଳାଙ୍କ ମଧ୍ୟରେ ଜଣେ ଛାତ୍ରୀ ବି ଥିଲେ। ତଦନ୍ତ ବେଳେ ଛାତ୍ରୀ ଓ ମହିଳାମାନେ ମିସି ଅନୁନ୍ୟ ୨୦ ଜଣ ନେତା ଓ ଅଧିକାରୀଙ୍କ ସହ ସେମାନଙ୍କର ଅନ୍ତରଙ୍ଗ ମୁହୁର୍ତ୍ତର ଭିଡିଓ କରିଥିଲେ। ଯେଉଁ ଭିଡିଓ ଗୁଡିକୁ ସେମାନେ ଭାଇରାଲ କରିଦେବାର ଧମକ ଦେଇ ସେମାନଙ୍କ ଠାରୁ ପ୍ରାୟ ୧୫ କୋଟି ଟଙ୍କା ଅସୁଲ କରିଥିବା ତଦନ୍ତରୁ ଏବେ ଜଣାପଡିଛି।

   Related Posts