Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଦୁଇ ସନ୍ତାନଙ୍କୁ ଗୁଳି କରି ଟ୍ରେନ ଲାଇନ୍‌ରେ ମୁଣ୍ଡ ଦେଲେ ବ୍ୟବସାୟୀ, ଆର୍ଥିକ ଅନାଟନ ଯୋଗୁଁ ମାନସିକ ଚାପରେ ଥିଲେ

10/02/2020 at 2:28 PM

ନୂଆଦିଲ୍ଲୀ ୧୦।୦୨: ପ୍ରଥମେ ପୁଅ-ଝିଅଙ୍କୁ ଗୁଳି କରି ହତ୍ୟା, ପରେ ନିଜେ ମେଟ୍ରୋ ଟ୍ରେନ ଆଗକୁ ଡେଇଁ ଆତ୍ମହତ୍ୟା । ନୂଆଦିଲ୍ଲୀ ଶାଲୀମାର ବାଗ୍‌ ଅଞ୍ଚଳରେ ବାସ କରୁଥିଲେ ୪୪ବର୍ଷୀୟ ମଧୁର ମଲାନୀ । ପୋଲିସ ଘଟଣାର ତଦନ୍ତ ଜାରି ରଖିଛି ।

ସୂଚନାଯୋଗ୍ୟ ଯେ, ଦିଲ୍ଲୀର ଶାଲୀମାର ବାଗ୍ ଅଞ୍ଚଳରେ ବାସ କରନ୍ତି ମଧୁର ମଲାନୀ । ରବିବାର ଦିନ ହଠାତ୍‌ ଘର ଭିତରୁ ଗୁଳିର ଶବ୍ଧ ଶୁଣିଥିଲେ ସ୍ଥାନୀୟଲୋକ , ପରେ ସେମାନେ ତୁରନ୍ତ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଦେଖେ ତ, ଘର ଭିତରୁ ୧୪ ବର୍ଷର ଝିଅ ଓ ୬ ବର୍ଷର ପୁଅକୁ ମୃତଦେହ ଉଦ୍ଧାର କରିଛି । ସେମାନଙ୍କ ପିତାକୁ ପୋଲିସ ଖୋଜାଖୋଜି ଆରମ୍ଭ କରିଥିଲା । କିନ୍ତୁ ସେହିସମୟରେ ଦିଲ୍ଲୀର ହାଇଦରପୁର ବୁଲାଣୀ ନିକଟରୁ ଜଣେ ବ୍ୟକ୍ତିଙ୍କ ମୃତଦେହ ମିଳିଛି ।

ସେ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି ବୋଲି ଉପସ୍ଥିତ ଥିବା ଲୋକମାନେ ସୂଚନା ଦେଇଛନ୍ତି । ତେବେ ପୋଲିସର ପ୍ରାଥମିକ ତଦନ୍ତ ଅନୁସାରେ ମଧୁର ପ୍ରଥମେ ନିଜ ୧୪ ବର୍ଷର ଝିଅ ଓ ୬ ବର୍ଷର ପୁଅକୁ ଗୁଳି ମାରିଥିଲା । ଏବଂ ପରେ ସେ ନିଜେ ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କରିଛି ।  

ପୋଲିସ ଅନୁସାରେ ଘଟଣା ସମୟରେ ସ୍ତ୍ରୀ ଘରେ ନ ଥିଲେ ବୋଲି ସେ ବଞ୍ଚିଯାଇଛନ୍ତି । ମଧୁରର ଏକ ଫ୍ୟାକ୍ଟ୍ର ଥିଲା , ଯାହା ୬ମାସ ତଳେ ବନ୍ଦ ହୋଇଯାଇଥିଲା । ଏହାକୁ ନେଇ ସେ ଗତ କିଛି ଦିନ ହେଲା ମାନସିକ ଚାପରେ ରହିଥିଲେ ।

ମୃତକଙ୍କ ପାଖରୁ କୌଣସି ଆତ୍ମହତ୍ୟା ଜନିତ ନୋଟ ଉଦ୍ଧାର ହୋଇ ନାହିଁ । ବ୍ୟକ୍ତି ଜଣକ ଆତ୍ମହତ୍ୟା କରିବା ପରେ କିଛି ଘଣ୍ଟା ଧରି ମେଟ୍ରୋ ଟ୍ରେନ ଗମନାଗମନରେ ଅସୁବିଧା ହୋଇଥିଲା । ପୋଲିସ ଘଟଣାର ତଦନ୍ତ କରୁଥିବା ଜଣାଯାଇଛି । 

   Related Posts