ପାଟଣା ୦୨।୧୦: କରୋନା ମହାମାରୀ ସାରା ବିଶ୍ୱରେ ଆତଙ୍କ ଖେଳାଇଛି। କରୋନାର ଦ୍ୱିତୀୟ ଲହର ଯାଇସାରିଛି । ଆଗାମୀ ଦିନରେ କରୋନାର ତୃତୀୟ ଲହର ବିଶେଷ ରୂପେ ଶିଶୁଙ୍କ ଉପରେ ପ୍ରଭାବ ପଡିବ ବୋଲି ବିଶେଷଜ୍ଞମାନେ ଅନୁମାନ କରୁଛନ୍ତି ।
ଖବର ଅନୁଯାୟୀ, ଦ୍ଵିତୀୟ ଲହର ପରେ ଏବେ ପାଟଣା ବ୍ଲକ ଅଞ୍ଚଳରେ ଗାଁ ଗାଁ ରେ ଶିଶୁ ମାନେ ଥଣ୍ଡା ଜ୍ୱର କାଶ ଛିଙ୍କରେ ଆକ୍ରାନ୍ତ ହୋଇଛନ୍ତି । ଏକ ସପ୍ତାହ ମଧ୍ୟରେ ପାଟଣା ବ୍ଲକରେ ୩ଜଣ ଶିଶୁ କରୋନା ପିଜେଟିଭ ଚିହ୍ନଟ ହୋଇଥିବା ପାଟଣା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ପକ୍ଷରୁ ସୂଚନା ମିଳିଛି। ପାଟଣା ବ୍ଲକର ବଲାଣିପଶି ଗ୍ରାମର ୮ ଦିନର ଶିଶୁ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଡଳଙ୍ଗ ଓ ଜମୁନଳିଆ ଗାଁର ଏକ ମାସର ଦୁଇ ଶିଶୁ କୋଭିଡ଼ରେ ଆକ୍ରାନ୍ତ ହୋଇଛନ୍ଚି । କରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି ଶିଶୁମାନଙ୍କ ସ୍ୱାସ୍ଥ୍ୟ ଉପରେ ନଜର ରଖାଯାଇଛି ।