Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନା ସଂକ୍ରମଣ ରୋକିବାକୁ ସଜାଗ ବଲାଙ୍ଗୀର ପ୍ରଶାସନ, ସଚେତନତା ସହ ଷ୍ଟେସନରେ ଯାଞ୍ଚ୍ ପ୍ରକ୍ରିୟା ଜୋରଦାର୍
  • ||
  • ନବୀନଙ୍କୁ ଚିଠି ଲେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପିଏମ୍ କିଷାନ ସମ୍ମାନ ନିଧି ଯୋଜନାରେ ଲୋଡିଲେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ
  • ||
  • କରୋନା ସଂକ୍ରମଣ ରୋକିବାକୁ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଜାରି ହେଲା ନୋଟିସ, ସନ୍ଧ୍ୟା ୭ଟା ୩୦ ସୁଦ୍ଧା ହଷ୍ଟେଲ ଫେରିବାକୁ ଛାତ୍ରଙ୍କୁ ନିର୍ଦ୍ଦେଶ
  • ||
  • ଚିକିତ୍ସା ଅବହେଳାରୁ ୨ ନବଜାତ ଶିଶୁ ପୁତ୍ର ମୃତ ! ନର୍ସ ଓ ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲେ ବାପା
  • ||
  • ଓଲଟି ପଡିଲା ପ୍ରିନ୍ସ, ମୃତ୍ୟୁ ମୁଖରୁ ବର୍ତ୍ତିଲେ ୪୬ ଯାତ୍ରୀ
  • ||
  • ଷ୍ଟିୟରିଂ ଉପରୁ ନିୟନ୍ତ୍ରଣ ହରାଇଲେ ଡ୍ରାଇଭର, ଓଲଟି ପଡିଲା ଟ୍ରକ, ୬ ଶ୍ରମିକ ମୃତ
  • ||

ବାଲିଯାତ୍ରା ପଞ୍ଚମ ସଂଧ୍ୟାରେ ଦଲେର ମହେନ୍ଦିଙ୍କ ଗୀତରେ ଝୁମିଥିଲେ ଦର୍ଶକ, ଆଜି ସୋନା ମହାପାତ୍ର ଦେଖାଇବେ ଜଲଓ୍ବା

17/11/2019 at 1:34 PM

କଟକ ୧୭।୧୧: କଟକର ଐତିହାସିକ ବାଲିଯାତ୍ରାର ଅନ୍ୟତମ ଆକର୍ଷଣ ପାଲଟିଥାଏ ଗଣ କବି ବୈଷ୍ଣବ ପାଣି ମଞ୍ଚରେ ହେଉଥିବା ସାଂସ୍କୃତି କାର୍ଯ୍ୟକ୍ରମ । ଚଳିତ ବର୍ଷ ବଲିଓଡର ନାମିଦାମୀ କଳାକାରଙ୍କ ଜଲଓ୍ବା ଏହି ମଞ୍ଚରେ ଦେଖିବାକୁ ମିଳୁଛି । ଶନିବାର ସଂଧ୍ୟା ଥିଲା ବାଲିଯାତ୍ରାର ପଞ୍ଚମ ସଂଧ୍ୟା ଆଉ ଏହି ସଂଧ୍ୟାର ମୁଖ୍ୟ ଆକର୍ଷଣ ଥିଲେ ବଲିଓଡ କଣ୍ଠଶିଳ୍ପୀ ଦଲେର ମହେନ୍ଦି । ଆଉ ଦଲେର ମେହନ୍ଦିଙ୍କ ଗୀତରେ ଝୁମିଥିଲା ପୁରା ଯାତ୍ରା ପଡିଆ ।

‘ମସ୍ତି ଭରି ରାତ୍ ହୈ ଶୋଣି ଗୁଡିଓଁକା ଭି ସାଥ୍ ହୈ’ ଗୀତରୁ ଆରମ୍ଭ ହୋଇଥିଲା ଦଲେର ମେହେନ୍ଦିଙ୍କ ଜଲଓ୍ବା । ଆଉ ଏହି ଗୀତରୁ ହିଁ ଝୁମିବା ଆରମ୍ଭ କରିଥିଲେ ଦର୍ଶକ । ପରେ ପରେ ଲୈଲା ହୋ ଲେଲା… ହାୟୋରବା ହାୟରବା… ସାଓ୍ବନ ମୈ ଲଗଗେଇ ଆଗ୍… ଭଳି ହିଟ୍ ଗୀତ ଗାଇଥିଲା । ଆଉ ସାରା ପଡିଆ ଝୁମିବାରେ ଲାଗିଥିଲା । ଯାଉଥିବା ଲୋକଟି ଅଟକିଯିବା ସହ ଗୀତ ଶୁଣିବା ପରେ ତାଳରେ କମ୍ପୁଥିଲା ପୁରା ବାଲିଯାତ୍ରା ପଡିଆ । ତେବେ ଓଡିଶାର ଏଭଳି ଏକ ଯାତ୍ରାରେ ଗାଇବାର ସୁଯୋଗ ମିଳିଥିବାରୁ ବେଶ୍ ଖୁସି ଥିବା କହିଛନ୍ତି ଦଲେର ମେହନ୍ଦି ।

ଶେଷରେ ପ୍ରସିଦ୍ଧ ବାହୁବଳୀ ଫିଲ୍ମର ଗୀତରେ କାର୍ଯ୍ୟକ୍ରମ ଶେଷ କରିଥିଲେ ଦଲେର ମେହନ୍ଦୀ । ଦଲେର ମେହେନ୍ଦିଙ୍କ ଏହି କାର୍ଯ୍ୟକ୍ରମକୁ ଉପଭୋଗ କରିଥିଲେ ବହୁ ବରିଷ୍ଠ ସରକାରୀ ଅଧିକାରୀ । ପୋଲିସ କମିଶନର, କଟକ ଡିସିପି, ଟ୍ରାଫିକ ଡିସିପି, ସିଏମସି କମିଶନରଙ୍କ ସହ ଜିଲ୍ଲାପାଳ ମଧ୍ୟ କାର୍ଯ୍ୟବ୍ୟସ୍ତତା ଭିତରେ ଏହାକୁ କିଛି ସମୟ ପାଇଁ ଉପଭୋଗ କରିଥିଲେ । ଏହି ଅବସରରେ ଓଡିଶା ଫୁଟବଲ କ୍ଲବ ତରଫରୁ ପ୍ରମୋସନ ପାଇଁ ଓଡିଶା ଫୁଟବଲ କ୍ଲବ ଜର୍ସି ପ୍ରଦାନ କରାଯାଇଥିଲା । ତେବେ ଓଡିଶା ଫୁଟବଲ ଟିମର ପ୍ରଚାର ପାଇଁ ଏଭଳି ପ୍ରୟାସ କରାଯାଇଥିବା କହିଛନ୍ତି ଖେଳାଳି ।

ଆଜି ଅର୍ଥାତ୍ ଷଷ୍ଠ ସଂଧ୍ୟାରେ ସୋନା ମହାପାତ୍ରଙ୍କ ଗୀତର ଯାଦୁରେ ଝୁମିବ କଟକର ଐତିହାସିକ ବାଲିଯାତ୍ରା ।

   Related Posts