ନ୍ୟୁ ଜର୍ସି ୨।୪: ଗ୍ରାମୀ ଏବଂ ଏମି ବିଜେତା ଗାୟକ ତଥା ରକ୍ ବ୍ୟାଣ୍ଡ ଫାଉଣ୍ଟେନ୍ସ ଅଫ୍ ୱେନ ପାଇଁ ଜଣାଶୁଣା ଗୀତିକାର ଆଡାମ ଶ୍ଲେସିଙ୍ଗର୍ କରୋନା ଭାଇରସରେ ଆକ୍ରାନ୍ତ ହେବା ପରେ ତାଙ୍କର ଦେହାନ୍ତ ହୋଇଛି । ଭେରାଇଟି ପକ୍ଷରୁ ଏନେଇ ରିପୋର୍ଟ କରାଯାଇଛି । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ବୟସ ହୋଇଥିଲେ ।
ଆଡାମ ବ୍ୟାଣ୍ଡ ଫାଉଣ୍ଟେନ୍ସ ଅଫ୍ ୱେନର ବ୍ୟାସ ପ୍ଲେୟାର ଏବଂ ସହ-ଗୀତିକାର ଥିଲେ । ଷ୍ଟେସିସ୍ ମମ୍ ଏବଂ ହେ ଜୁଲି ପରି ହିଟ୍ ସଙ୍ଗୀତ ପରିବେଷଣ କରିଥିଲେ | ଗଲ୍ଡେନ୍ ଗ୍ଲୋବସ୍, ଟୋନିସ୍, ଗ୍ରାମିସ୍ ଏବଂ ଏମିସ୍ ସମେତ ସମସ୍ତ ପ୍ରମୁଖ ପୁରସ୍କାର ପାଇଁ ତାଙ୍କୁ ମନୋନୀତ କରାଯାଇଥିଲା । ସେ ୨୦୦୯ରେ ଏକ କଲବର୍ଟ ଖ୍ରୀଷ୍ଟମାସ ପାଇଁ ଗ୍ରାମି ଜିତିଥିଲେ । ସେ ତିନୋଟି ଏମି ମଧ୍ୟ ଜିତିଥିଲେ । ସେ ‘ହ୍ୟାଙ୍କ୍ସ ଫିଲ୍ମ ଦି ଥିଙ୍ଗ୍ ୟୁ ଡୁ’ର ଟାଇଟଲ୍ ଟ୍ରାକ୍ ପଛରେ ଗୀତିକାର ଥିଲେ, ଯେଉଁଥିପାଇଁ ତାଙ୍କୁ ଓସ୍କାର ଏବଂ ଗୋଲ୍ଡେନ୍ ଗ୍ଲୋବ ପୁରସ୍କାର ପାଇଁ ମନୋନୀତ କରାଯାଇଥିଲା ।
ନିକଟରେ କରୋନା ଭାଇରସ୍ ରେ ଆକ୍ରାନ୍ତ ହୋଇଥିବା ଅଭିନେତା ଟମ୍ ହ୍ୟାଙ୍କ ଟ୍ବିଟରରେ ଆଡାମଙ୍କ ମୃତ୍ୟୁକୁ ନେଇ ତାଙ୍କ ଟ୍ବିଟର ଆକାଉଣ୍ଟରେ ଜଣାଇଛନ୍ତି । ଡ୍ୟାସବୋର୍ଡ କନଫେସନାଲର କ୍ରିସ୍ କାରାବବା ମଧ୍ୟ ଶ୍ଲେସିଙ୍ଗରଙ୍କ ମୃତ୍ୟୁକୁ ନେଇ ଟ୍ବିଟ୍ କରିଛନ୍ତି । ଗୀତିକାର ଡିଆନ୍ ୱାରେନ୍ ମଧ୍ୟ ଏନେଇ ଟ୍ବିଟ୍ କରିଛନ୍ତି ।
