Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦକ୍ଷିଣ ଆଫ୍ରିକା ଗସ୍ତ ପାଇଁ ୧୮ ଜଣିଆ ଭାରତୀୟ ଦଳ ଘୋଷିତ, ଜାଣନ୍ତୁ କେଉଁ କେଉଁ ଖେଳାଳିଙ୍କୁ ମିଳିଲା ସ୍ଥାନ
  • ||
  • ରୋହିତ ଶର୍ମା ହେଲେ ଟିମ ଇଣ୍ଡିଆର ନୂତନ ଦିନିକିଆ ଅଧିନାୟକ, ବିରାଟଙ୍କୁ କେବଳ ଟେଷ୍ଟ ଦାୟିତ୍ଵ
  • ||
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||

Zoom ଭିଡିଓ କଲ୍ ଜରିଆରେ ଅପରାଧୀକୁ ମୃତ୍ୟୁଦଣ୍ଡ ଶୁଣାଇଲେ କୋର୍ଟ

20/05/2020 at 3:12 PM

ସିଙ୍ଗାପୁର ୨୦/୦୫ : Zoom ଭିଡିଓ କଲ୍ ମାଧ୍ୟମରେ ସିଙ୍ଗାପୁରରେ ଜଣେ ବ୍ୟକ୍ତିଙ୍କୁ ମୃତ୍ୟୁ ଦଣ୍ଡ ଦିଆଯାଇଛି | ବ୍ୟକ୍ତି ଜଣକ ଡ୍ରଗ୍ସ କାରବାରରେ ଜଡିତ ଥିବା ଯୋଗୁଁ ତାଙ୍କୁ ମୃତ୍ୟୁଦଣ୍ଡ ଦିଆଯାଇଛି | ମାଲେସିଆ ବାସିନ୍ଦା ୩୭ ବର୍ଷ ବୟସ୍କ ପୁନିଥନ୍ ଜେନାସାନ୍ ୨୦୧୧ ମସିହାରେ ଡ୍ରଗ୍ସ କାରବାରରେ ଜଡିତ ଥିବା ଯୋଗୁଁ ତାଙ୍କୁ ଶୁକ୍ରବାର ଦିନ କୋର୍ଟ ଦଣ୍ଡ ଶୁଣାଇଛନ୍ତି |

ଏସିଆରେ ସିଙ୍ଗାପୁର କରୋନା ଭାଇରସ ଯୋଗୁଁ ବହୁତ ମାତ୍ରାରେ ପ୍ରଭାବିତ ହୋଇଛି | କରୋନା ସଂକ୍ରମଣ ଯୋଗୁଁ ସିଙ୍ଗାପୁରରେ ମଧ୍ୟ ଲକଡାଉନ ଜାରି ରହିଛି | ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି କୋର୍ଟର ସମସ୍ତ କାର୍ଯ୍ୟ ଭିଡିଓ କଲ୍ ଜରିଆରେ ହୋଇଥିଲା | ଭିଡିଓ କଲ୍ ଜରିଆରେ କୋର୍ଟରେ ସମସ୍ତ ଦଲିଲ୍ ପେଶ କରାଯାଇଥିଲା | ସିଙ୍ଗାପୁରରେ ଭିଡିଓ କଲ୍ ମାଧ୍ୟମରେ ମୃତ୍ୟୁ ଦଣ୍ଡ ଶୁଣାଇଥିବା ଏହା ପ୍ରଥମ ମାମଲା | 

ପୁନିଥନ୍ ଜେନାସାନ୍ ଙ୍କ ଓକିଲ ପିଟର କହିଛନ୍ତି ଯେ ପୁନିଥନଙ୍କ ଦଣ୍ଡବିଧାନ Zoom କଲ୍ ମାଧ୍ୟମରେ ବିଚାରପତି ଶୁଣାଣି କରିଥିଲେ | ଏନେଇ ସେ ଆବେଦନ ମଧ୍ୟ କରିଥିଲେ | ତେବେ ବିଚାରପତିଙ୍କ ଭିଡିଓ କଲ ଶୁଣାଣିକୁ ଅନେକ ଗୋଷ୍ଠୀ ନିନ୍ଦା କରିଛନ୍ତି | କିନ୍ତୁ ପୁନିଥନଙ୍କ ଓକିଲ ପିଟର ଭିଡିଓ କଲ୍ ଶୁଣାଣିକୁ ବିରୋଧ କରି ନାହାନ୍ତି | ସେ କହିଛନ୍ତି କେବଳ ବିଚାରପତିଙ୍କ ଶୁଣାଣି କରିବାର ଥିଲା, ଯେହେତୁ ମାମଲାରେ ଆଉ କୌଣସି ଯୁକ୍ତିତର୍କ କରିବାର ନଥିଲା ସେଥିପାଇଁ ଏଥିରେ କିଛି ଭୁଲ ନାହିଁ ବୋଲି ସେ କହିଛନ୍ତି |

ଲକଡାଉନ ପାଇଁ ସିଙ୍ଗାପୁରରେ ଅନେକ ମାମଲାର ଶୁଣାଣି ହୋଇପାରୁନାହିଁ | ଏପ୍ରିଲ ପହିଲାରୁ ଆରମ୍ଭ ହୋଇଥିବା କିଛି ମାମଲା ଏବେ ଯାଏଁ ସ୍ଥଗିତ ରହିଛି | ସିଙ୍ଗାପୁରରେ ଲକଡାଉନ ଜୁନ ୧ ତାରିଖ ପର୍ଯ୍ୟନ୍ତ ଜାରି ରହିବ | ଏହା ଭିତରେ କୌଣସି ଜରୁରୀ ମାମଲା ଥିଲେ ତାର ଶୁଣାଣି ଭିଡିଓ କଲ ମାଧ୍ୟମରେ କରାଯିବ |

ସିଙ୍ଗାପୁରରେ ବେଆଇନ ଡ୍ରଗ୍ସ କାରବାରକୁ ଜିରୋ ଟଲେରାନ୍ସ ପଲିସୀର ମାନ୍ୟତା ଦିଆଯାଇଛି | ଏଠାରେ ଡ୍ରଗ୍ସ କିମ୍ବା ନିଶା କାରବାରରେ ଲିପ୍ତ ଥିବା ଅନେକ ଲୋକଙ୍କୁ ମୃତ୍ୟୁ ଦଣ୍ଡ ଦିଆଯାଇଛି | ସେମାନଙ୍କ ମଧ୍ୟରେ ଅନେକ ବିଦେଶୀ ମଧ୍ୟ ଅଛନ୍ତି | ଏଠାରେ ଅତ୍ୟନ୍ତ ନିଷ୍ଠୁର ଓ ଅମାନୁଷିକ ମୃତ୍ୟୁଦଣ୍ଡ ଦିଆଯାଇଥାଏ | ତେବେ ଭିଡିଓ କଲ ମାଧ୍ୟମରେ ମୃତ୍ୟୁ ଦଣ୍ଡ ଏହାକୁ ଆହୁରି ନିଷ୍ଠୁର ପ୍ରମାଣିତ କରିଛି |

   Related Posts