Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ସୋନୁ ସୁଦଙ୍କୁ ବଡ ଉପହାର, ପ୍ରବାସୀ ରୋଜଗାରରେ ୨୫୦ କୋଟି ଟଙ୍କା ନିବେଶ କରିବ ସିଙ୍ଗାପୁର କମ୍ପାନୀ ଟେମାସେକ୍

26/11/2020 at 1:26 PM

ନୂଆଦିଲ୍ଲୀ,୨୬|୧୧: ସିଙ୍ଗାପୁରର କମ୍ପାନୀ ଗୁଡ୍ ଓ୍ୱାର୍କର୍ ବଲିଉଡ୍ ଅଭିନେତା ସୋନୁ ସୁଦ ଓ ଧନ୍ଦାମୂଳକ ଶିକ୍ଷା ପ୍ରଦାନକାରୀ ସଂସ୍ଥା ସ୍କୁଲ୍ ନେଟ୍ ମିଳିତ ଭାବେ ଏକ ରାଜିନାମା ସ୍ୱାକ୍ଷର କରିଛନ୍ତି । ଗୁଡ୍ ଓ୍ୱାର୍କର ପ୍ରବାସୀ ଶ୍ରମିକଙ୍କ ରୋଜଗାର ଓ ତାଲିମ ପାଇଁ ୨୫୦ କୋଟି ଟଙ୍କା ନିବେଶ କରିବେ । ଏହା ଦ୍ୱାରା ଦେଶର ପ୍ରାୟ ୧୦ ଲକ୍ଷ ପ୍ରବାସୀ ଶ୍ରମିକ ଉପକୃତ ହେବେ ବୋଲି ଲକ୍ଷ୍ୟ ରଖାଯାଇଛି । ଏହି ଶ୍ରମିକଙ୍କୁ ରୋଜଗାର ମିଳିବା ସହ ଦକ୍ଷତା ବିକାଶ ଦିଗରେ ମଧ୍ୟ କାମ କରାଯିବ ।

ଗୁଡ୍ ଓ୍ୱାର୍କର ବୋର୍ଡ ମେମ୍ବର ପ୍ରଦ୍ୟୁମ୍ନ ଅଗ୍ରଓ୍ୱାଲ କହିଛନ୍ତି ଯେ, ସେମାନେ ପୂର୍ବରୁ ମଧ୍ୟ ଭାରତରେ ନିବେଶ କରିବା ପାଇଁ ଯୋଜନା କରିଥିଲେ । ପରେ ସେମାନେ ସୋନୁ ସୁଦଙ୍କ ପ୍ରବାସୀ ରୋଜଗାର ଓ ସ୍କୁଲ ନେଟ୍‌ର ସଂସ୍ପର୍ଶରେ ଆସିଥିଲେ । ଏହି ଦୁଇ ସଂସ୍ଥା ୪୦୦ ଜିଲ୍ଲାରେ କାମ କରିଛନ୍ତି । ଏହାକୁ ଆହୁରି ତ୍ୱରାନ୍ୱିତ କରିବାକୁ ଗୁଡ ଓ୍ୱାର୍କର ସୋନୁ ସୁଦଙ୍କ ସହ କାମ କରିବ । ପ୍ରଯୁକ୍ତିବିଦ୍ୟା ପ୍ରୟୋଗ କରି କିପରି ଉପଯୁକ୍ତ ଦକ୍ଷତା ବିକାଶ କରାଯିବ ସେନେଇ ମଧ୍ୟ ଫୋକସ୍ କରାଯିବ । ଗୁଡ୍ ଓ୍ୱାର୍କର ହେଉଛି ସିଙ୍ଗାପୁରର ଏକ କମ୍ପାନୀ । ଏହାର ମୂଳ କମ୍ପାନୀ ହେଉଛି ଟେମାସେକ୍ ।

ସୂଚନାଯୋଗ୍ୟ ପ୍ରବାସୀ ରୋଜଗାର ସୋନୁ ସୁଦଙ୍କ ଦ୍ୱାରା ଜୁଲାଇ ୨୦୨୦ରେ ଆରମ୍ଭ ହୋଇଥିଲା । ଏହି ପୋର୍ଟାଲରେ ଚାକିରୀ ଖୋଜୁଥିବା ପ୍ରାର୍ଥୀ ସେମାନଙ୍କ ଦକ୍ଷଚା ଅନୁସାରେ ରୋଜଗାର ପାଇଥିଲେ । ମୁଖ୍ୟତଃ କରୋନା ପାଇଁ ରୋଜଗାର ହରାଇଥିବା ପ୍ରବାସୀ ଶ୍ରମିକଙ୍କ ପାଇଁ ଏହା ପ୍ରସ୍ତୁତ ହୋଇଥିଲା ।

ଗତ ୪ ମାସରେ ଏହି ପୋର୍ଟାଲ ଦ୍ୱାରା ପ୍ରାୟ ୧୦ ଲକ୍ଷରୁ ଅଧିକ ପ୍ରବାସୀ ଶ୍ରମିକ ଉପକୃତ ହୋଇଛନ୍ତି । ଏବେ ଗୁଡ୍ ଓ୍ୱାର୍କର ସହ ସହଭାଗୀତା ପରେ ଅଧିକରୁ ଅଧିକ ଲୋକଙ୍କୁ ରୋଜଗାର ମିଳିବା ସହ ଦକ୍ଷତା ବିକାଶ ହୋଇପାରିବ ବୋଲି ଆଶା ରଖିଛନ୍ତି ସୋନୁ ସୁଦ୍ । ଏପରିକି ପ୍ରବାସୀ ଶ୍ରମିକମାନେ ଏକ ସୁସ୍ଥ ବାତାବରଣରେ କାମ କରିପାରିବେ । ୨୦୨୧ ଆରମ୍ଭରୁ ଏହା କାର୍ଯ୍ୟକ୍ଷମ ହେବ ବୋଲି ସୂଚନା ମିଳିଛି ।

   Related Posts