Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଘର ସହ ନଥିଲା ସମ୍ପର୍କ, ଏନଆରସି ତାଲିକାରେ ନାହିଁ ନାମ, ଏବେ କୁଆଡେ ଯିବେ ସେକ୍ସ ୱାର୍କର ?

20/09/2019 at 11:13 PM

ଗୌହାଟୀ: ଆସାମ ସିଲଚରରେ ୨ଶହ ଯୌନ କର୍ମୀ ଏନଆରସିଙ୍କ ତାଲିକାରୁ ବାଦ ପଡିଛନ୍ତି। ଏହା ମାନେ ନୁହେଁ ଯେ ସେମାନେ ଦେଶକୁ କେଉଁ ଆଡୁ ଚାଲିଆସିଛନ୍ତି। ସେମାନେ ବି ଏହି ଦେଶର ନାଗରିକ ଓ ଏଠାରେ ସେମାନଙ୍କ ପରିବାର ବି ରହୁଛନ୍ତି। ହେଲେ ସେମାନେ ଘୃଣ୍ୟ ବୃତ୍ତିକୁ ଆଦରି ନେଇଥିବାରୁ ପରିବାରସହ ସେମାନଙ୍କ ସମସ୍ତ ସମ୍ପର୍କ ଛିନ୍ନ ହୋଇଛି। ଏଣୁ ନାଗରିକ ପଞ୍ଜିକରଣ ବେଳେ ପରିବାର ସଦସ୍ୟଙ୍କ ଆତ୍ମସମ୍ମାନ ଲାଗି ନିଜ ସମ୍ପର୍କିତ କାଗଜପତ୍ରର ବ୍ୟବହାର କରିନାହାନ୍ତି। ଏଣୁ ନାଗରିକ ସୂଚୀରେ ନାମ ନଥିବାରୁ ସେମାନେ ଏବେ ଡିଟେନସନ କ୍ୟାମ୍ପକୁ ଡରି ଦିନକାଟୁଛନ୍ତି। 

ସିଲଚର ରେଡଲାଇଟର ୧୪ ନମ୍ବର ଗଳି, ଅଞ୍ଚଳର କୁଖ୍ୟାତ ବେଶ୍ୟାଳୟ ଲାଗି ଜଣାସୁଣା। ଏଠାରେ ରହୁଥିବା ଅନେକ ଯୌନ କର୍ମୀଙ୍କ ନାମ ଏନଆରସିଙ୍କ ସୂଚୀରେ ନାହିଁ। ଏହାର ଏକ କାରଣ ହେଲା ମାନବ ତସ୍କରୀ। କେବେ କେଉଁଠାରୁ ଅପହରଣ ହୋଇ ଆସିଥିଲେ ତାହା ବି ମନେପକାଇ ପାରୁନାହାନ୍ତି । ଏଥିରେ ସେମାନେ ନାଗରିକତା ଲାଗି ଆବେଦନ କରିବେବା କିପରି। ଏଣୁ ଏନଆରସି ତାଲିକାରୁ ବାଦ ପଡିବା ପରେ ଅନିଶ୍ଚିତତା ମଧ୍ୟରେ ସେମାନଙ୍କ ଦିନ କଟୁଛି ।

ଜନୈକା ସ୍ୱେଚ୍ଛାସେବୀଙ୍କ ଅନୁସାରେ ଏଠାରେ ଏପରି ଅନେକ ମହିଳା ଅଛନ୍ତି ଯେଉଁମାନଙ୍କର ଆଧାରକାର୍ଡ ଦୂରର କଥା ଭୋଟର ପରିଚୟପତ୍ର ବି ନାହିଁ। ଏଣୁ ସେମାନଙ୍କ ନାଗିରକତା ପ୍ରମାଣ ଲାଗି ଏବେ ଆମେ ସଂଘର୍ଷ କରୁଛୁ ବୋଲି ସ୍ୱେଚ୍ଛା ସେବୀ କହିଛନ୍ତି। ଏଠାରେ କାର୍ଯ୍ୟ କରୁଥିବା ଅନ୍ୟଜଣେ ସ୍ୱେଚ୍ଛାସେବୀ ଅତୀତରେ ଏଠାରେ ସେମାନଙ୍କୁ ଭୋଟର ପରିଚୟପତ୍ର ଦେବାକୁ ଉଦ୍ୟମ କରିଥିଲେ ବୋଲି କହିଛନ୍ତି। ହେଲେ ତାଙ୍କ ଉଦ୍ୟମ ଫଳପ୍ରଦ ହୋଇପାରିନଥିଲା। କାରଣ ସେମାନେ ଏଥିଲାଗି ଆବଶ୍ୟକ ହେଉଥିବା କୌଣସି କାଗଜ ଉପସ୍ଥାପନ କରିପାରିନଥିଲେ। ଏଠାରେ ରହୁଥିବା ଅଧିକାଂଶ ଭୁଟ୍ଟାନ, ନେପାଲ ଓ ବାଂଲାଦେଶର ବୋଲି କୁହାଯାଉଛି। ହେଲେ ସେମାନେ ନିଜ ସମ୍ପର୍କରେ ସମ୍ପୂର୍ଣ୍ଣ ଅଜ୍ଞ। ତେବେ ଯଦି ଡିଟେନସନ କ୍ୟାମ୍ପରେ ପକାଇ ଦିଆଯାଏ  ତେବେ କଣ ହେବ ସେମାନଙ୍କର ସେହି ଚିନ୍ତାରେ ପଡିଛନ୍ତି ସମସ୍ତେ।  

   Related Posts