ବୀରମହାରାଜପୁର ୧୨/୯: ବାରହା ଶିକାର ପାଇଁ ବିଦ୍ୟୁତ ବିଛେଇ ଥିବା ଶିକାରୀ ବିଦ୍ୟୁତ ସଂସ୍ପର୍ଶରେ ମୃତ । ବୀରମହାରାଜପୁର ଥାନା ଅଧିନସ୍ଥ କୋଟସମଲେଇ ଜଙ୍ଗଲରେ ଘଟିଛି ଏମିତି ଘଟଣା ।
ରବିବାର ନୁଆଖାଇ ପରବର୍ତ୍ତୀ ଛାଡଖାଇ ଦିନରେ ବାରହା ମାଂସ ଆଶାରେ ଶିକାର କରିବାକୁ ଜଙ୍ଗଲର ବିଭିନ୍ନ ସ୍ଥାନରେ ଜୀବନ୍ତ ବିଦ୍ୟୁତ ତାର ବିଛାଇଥିଲେ ଶିକାରୀ । ଭୋରରେ ଶିକାର ହୋଇଥିବା ବାରହା ଆଣିବାକୁ ଯାଇଥିବା ବେଳେ ଶିକାରୀ ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ । ଫଳରେ ତାଙ୍କର ମୃତ୍ୟୁ ଘଟିଥିଲା । ମୃତକ ଜଣକ ବାଘପାଲି ଗାଁର ହରିଶ୍ଚନ୍ଦ୍ର ପଧାନ ବୋଲି ଜଣାପଡିଛି ।
