Sunday, July 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚାକିରୀ ଏବଂ ବ୍ୟବସାୟ କ୍ଷେତ୍ରରେ ଉନ୍ନତି ପାଇଁ ଶନିଦେବଙ୍କୁ କିଭଳି ପ୍ରସନ୍ନ କରିବେ ଜାଣନ୍ତୁ

ଭୁବନେଶ୍ୱର ୨୩/୩ : ଭଗବାନ ଶନିଦେବଙ୍କୁ କର୍ମ ଏବଂ ନ୍ୟାୟର ଦେବତା ବୋଲି କୁହାଯାଏ | ଆମର ଭଲ ଏବଂ ଖରାପ କର୍ମ ପଛରେ ଶନିଦେବଙ୍କ ହାତ ରହିଥାଏ ବୋଲି ହିନ୍ଦୁ ଧର୍ମରେ କୁହାଯାଇଛି | ମଣିଷର କର୍ମ ଉପରେ ଶନିଦେବଙ୍କ ନିୟନ୍ତ୍ରଣ ରହିଥିବାରୁ ଶନିଙ୍କ ମହତ୍ୱ ବଢି ଯାଇଥାଏ | କୁଣ୍ଡଳିରେ ଶନିଦେବଙ୍କ ସ୍ଥିତି ଭଲ ଥିଲେ ମଣିଷକୁ କମ ସମୟ ମଧ୍ୟରେ ବଡ ସଫଳତା ମିଳିଥାଏ | କୁଣ୍ଡଳିରେ ଶନିଙ୍କ ସ୍ଥିତି ଭଲ ନଥିଲେ ବହୁତ ଚେଷ୍ଟା ସତ୍ୱେ କିଛି ବି ଭଲ ହୋଇନଥାଏ ଏବଂ ମଣିଷ ନାନା ଅସୁବିଧାର ସମ୍ମୁଖୀନ ହୋଇଥାଏ | ସେଥିପାଇଁ ଯଥା ସମ୍ଭବ ଶନିଦେବଙ୍କୁ ପ୍ରସନ୍ନ କରିବା ଉଚିତ |


ଶନିଙ୍କ କୃପା କେବେ ମିଳିଥାଏ ଜାଣନ୍ତୁ :
ଯେତେବେଳେ ମଣିଷ ସତ୍ୟ ବଚନ କହିଥାଏ ଏବଂ ଅନୁଶାସିତ ରହେ
ଯେତେବେଳେ ମଣିଷ ଦୁଃଖୀ ଏବଂ ଦୁର୍ବଳ ଲୋକଙ୍କ ସେବା କରିଥାଏ
ଯେତେବେଳେ ମଣିଷ ବୟସ୍କଙ୍କ ସେବା କରିଥାଏ
ଯେତେବେଳେ ମଣିଷ ଫଳଗଛ ଏବଂ ବଡ ବଡ ଗଛ କିମ୍ବା ବହୁତ ଦିନ ବଂଚିବା ଭଳି ଗଛ ଲାଗିଥାଏ
ଯେତେବେଳେ ମଣିଷ ଭଗବାନ ଶିବ ଏବଂ ଶ୍ରୀକୃଷ୍ଣଙ୍କ ନିୟମ ମୁତାବକ ପୂଜାର୍ଚ୍ଚନା କରିଥାଏ



ଶନିଙ୍କ ପ୍ରିୟ ବସ୍ତୁ :
ଶନିଙ୍କ ପ୍ରଥମ ପ୍ରିୟ ବସ୍ତୁ ହେଲା କଳା କପଡା
ଶନିଙ୍କୁ ପ୍ରସନ୍ନ କରିବା ପାଇଁ ସୂର୍ଯ୍ୟୋଦୟ ପୂର୍ବରୁ ଉଠିବେ
ଅଶ୍ୱସ୍ଥ ଗଛ ମୂଳରେ କଞ୍ଚା କ୍ଷୀରରେ କଳା ରାଶି ଏବଂ ମହୁ ମିଶାଇ ଅର୍ପଣ କରିବେ
ଶନିବାର ସନ୍ଧ୍ୟାରେ କୌଣସି ଗରିବ ଲୋକକୁ କଳା ବସ୍ତ୍ର ଦାନ କରି ତାଙ୍କର ଆଶୀର୍ବାଦ ନେବେ
ଏଭଳି କରିବା ଦ୍ୱାରା ଚାକିରୀ ସମସ୍ୟା ଦୂର ହୋଇଥାଏ


ଅତି କମରେ ୧୧ଟି ଶନିବାର ପର୍ଯ୍ୟନ୍ତ ଏହା କରିବେ
ଶନିଙ୍କୁ ପ୍ରସନ୍ନ କରିବା ପାଇଁ ଶନିବାର ଦିନ ସୋରିଷ ତେଲ ଦାନ କରିବେ
ସୋରିଷ ତେଲରେ ଖାଦ୍ୟ ପ୍ରସ୍ତୁତ କରି ଶନିବାର ସନ୍ଧ୍ୟାରେ ଗରିବକୁ ବାଣ୍ଟିବେ
ଶନିବାର ସୂର୍ଯ୍ୟୋଦୟ ହେବା ପୂର୍ବରୁ ଏବଂ ସୂର୍ଯ୍ୟାସ୍ତ ହେବା ପରେ ସୋରିଷ ତେଲର ଚଉମୁଖୀ ଦୀପ ଅଶ୍ୱସ୍ଥ ଗଛ ମୂଳରେ ଲଗାଇବେ

ଏହା କରିବା ଦ୍ୱାରା ବ୍ୟବସାୟରେ ଉନ୍ନତି ହେବ ଏବଂ ଧନ ମଧ୍ୟ ବୃଦ୍ଧି ହେବ
ଶନିବାର ଦିନ କଳା ବିରି ଦାନ କଲେ ଶନିଦେବ ପ୍ରସନ୍ନ ହୁଅନ୍ତି


ଅଶ୍ବସ୍ଥ ପତ୍ରରେ ୨୭ଟି କଳା ବିରି ରଖି ଶନି ମନ୍ଦିରରେ ଅର୍ପଣ କରିବେ | ଏହା କରିବା ଦ୍ୱାରା ସ୍ୱାସ୍ଥ୍ୟଗତ ସମସ୍ୟା ଦୂର ହୋଇଥାଏ |


ଏକ ବଡ ପାନ ପତ୍ରରେ ନିଜ ବୟସ ଅନୁଯାୟୀ ସେହି ସଂଖ୍ୟକ କଳା ବିରି ବୋହି ଯାଉଥିବା ପାଣିରେ ପ୍ରବାହ କରିବେ | ଏହି ଉପାୟ କରିବା ଦ୍ୱାରା ନକାରାତ୍ମକ ଶକ୍ତି ଦୂର ହୋଇଥାଏ |

828 Views

   ସମ୍ବନ୍ଧିତ ଖବର