ଆସନ୍ତା ୬ ତାରିଖରୁ ଆରମ୍ଭ ହେଉଛି ଚୈତ୍ର ନବରାତ୍ରି : କ'ଣ କରିବେ କ'ଣ ନ କରିବେ ଜାଣନ୍ତୁ

Published By : Prameya-News7 Bureau | April 03, 2019 IST

ଭୁବନେଶ୍ୱର ୩/୪ : ଏଥର ଚୈତ୍ର ନବରାତ୍ରି ଏପ୍ରିଲ ୬ ତାରିଖରୁ ୧୪ ତାରିଖ ପର୍ଯ୍ୟନ୍ତ ୯ ଦିନ ଯାଏଁ ପାଳନ କରାଯିବ | ଚଳିତ ଥର ନବରାତ୍ରିରେ ଅନେକ ଶୁଭ ଯୋଗ ମଧ୍ୟ ହେଉଛି | ଜ୍ୟୋତିଷଶାସ୍ତ୍ର ଅନୁଯାୟୀ, ନବରାତ୍ରିରେ କାର୍ଯ୍ୟସିଦ୍ଧି, ଅର୍ଥସିଦ୍ଧି, ପଦ ପ୍ରତିଷ୍ଠା ପାଇଁ ଦେବୀ ମନ୍ଦିରରେ ବିଶେଷ ପୂଜାର୍ଚ୍ଚନା କରାଯିବ | ନବରାତ୍ରି ଅବସରରେ ଦେବୀଙ୍କୁ ଆରାଧନା କଲେ ବିଶେଷ ଫଳ ପ୍ରାପ୍ତି ହୋଇଥାଏ |

{"id":99576}

ନବରାତ୍ରି ଅବସରରେ ୯ଦିନ ୯ ଦେବୀଙ୍କ ଉପାସନା କରାଯାଇଥାଏ | ମା ଶୈଳପୁତ୍ରୀ, ବ୍ରହ୍ମଚାରିଣୀ, ଚନ୍ଦ୍ରଘଣ୍ଟା, କୁଷ୍ମାଣ୍ଡା, ସ୍କନ୍ଦମାତା, କାତ୍ୟାୟନୀ, କାଳରାତ୍ରି, ମହାଗୌରୀ ଏବଂ ମା' ସିଦ୍ଧିଦାତ୍ରୀଙ୍କୁ ଉପାସନା କରାଯାଇଥାଏ |

{"id":99577}

ଚୈତ୍ର ନବରାତ୍ରିରୁ ହିନ୍ଦୁ ନବବର୍ଷ ଆରମ୍ଭ ହୋଇଥାଏ | ଚୈତ୍ର ମାସ ଆରମ୍ଭରୁ ହିନ୍ଦୁ ଧର୍ମରେ ପାଞ୍ଜି ଗଣନା ମଧ୍ୟ ଆରମ୍ଭ ହୋଇଥାଏ | ପୁରାଣ ଅନୁଯାୟୀ, ଚୈତ୍ର ନବରାତ୍ରି ପୂର୍ବରୁ ମା'ଦୁର୍ଗା ଧରାପୃଷ୍ଠକୁ ଅବତରଣ କରିଥିଲେ | ବ୍ରହ୍ମା ପୁରାଣ ଅନୁଯାୟୀ, ଦେବୀ ବ୍ରହ୍ମାଙ୍କୁ ସୃଷ୍ଟି ନିର୍ମାଣ କରିବା ପାଇଁ କହିଥିଲେ | ଚୈତ୍ର ନବରାତ୍ରିର ତୃତୀୟ ଦିନ ଭଗବାନ ବିଷ୍ଣୁ ମୃତ୍ୟୁ ରୂପରେ ଅବତାର ଗ୍ରହଣ କରିଥିଲେ | ଶ୍ରୀରାମଙ୍କ ଜନ୍ମ ମଧ୍ୟ ଚୈତ୍ର ମାସରେ ହୋଇଥିଲା | ଜ୍ୟୋତିଷଶାସ୍ତ୍ର ଅନୁଯାୟୀ, ଚୈତ୍ର ମାସର ବିଶେଷ ମହତ୍ୱ ରହିଛି | କାରଣ ଚୈତ୍ର ମାସରେ ରବିଙ୍କ ରାଶି ପରିବର୍ତ୍ତନ ହୋଇଥାଏ | ନବରାତ୍ରିରେ ଦେବୀ ଏବଂ ନବଗ୍ରହଙ୍କ ପୂଜା କରିବା ଦ୍ୱାରା ବର୍ଷସାରା ଗ୍ରହଙ୍କ ସ୍ଥିତି ଅନୁକୂଳ ରହିଥାଏ | ଚୈତ୍ର ନବରାତ୍ରି ସମୟରେ ସ୍ୱୟଂ ମା' ଧରାପୃଷ୍ଠକୁ ଅବତରଣ କରିଥାନ୍ତି ବୋଲି ପଣ୍ଡିତମାନେ ବିଚାର କରନ୍ତି | ସେଥିପାଇଁ ମା'ଙ୍କ ଆରାଧନା କରିବା ଦ୍ୱାରା ଇଛା ମୁତାବକ ଫଳ ପ୍ରାପ୍ତି ହୁଏ ବୋଲି ବିଶ୍ୱାସ ରହିଛି |

{"id":99578}