Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

୧୨ ବର୍ଷ ପରେ ପୁଣି ଅନଓ୍ୱାଣ୍ଟେଡ୍ ରେକର୍ଡ ରିପିଟ୍ କଲେ ଭାରତୀୟ ଦଳ, ସିଡନୀ ଟେଷ୍ଟରେ ୩ ଖେଳାଳି ରନ୍ ଆଉଟ୍

9/01/2021 at 1:55 PM

ସିଡନୀ,୦୯/୦୧:  ସିଡନୀରେ ଖେଳାଯାଉଥିବା ତୃତୀୟ ଟେଷ୍ଟର ପ୍ରଥମ ଇନିଂସରେ ଭାରତୀୟ ବ୍ୟାଟସମ୍ୟାନ୍ ଅଷ୍ଟ୍ରେଲିଆ ବୋଲରଙ୍କ ଆଗରେ ଆତ୍ମସମର୍ପଣ କରିଦେଇଛନ୍ତି । ଫଳରେ ଟିମ୍ ଇଣ୍ଡିଆ ୨୪୪ ରନରେ ଅଲଆଉଟ୍ ହୋଇଯାଇଛି । ଏହାସହ କଙ୍ଗାରୁ ଟିମ୍ ପ୍ରଥମ ଇନିଂସରେ ୯୪ ରନରେ ଆଗରେ ରହିଛି ।

ଭାରତ ତରଫରୁ କେବଳ ଶୁଭମନ ଗିଲ୍ ଓ ଚେତେଶ୍ୱର ପୂଜାରା ଅର୍ଦ୍ଧଶତକ ହାସଲ କରିଥିଲେ । ଭାରତୀୟ ବ୍ୟାଟସମ୍ୟାନ୍ ଖରାପ ପ୍ରଦର୍ଶନ କରିଥିଲେ । ଏହାସହ ୩ ଜଣ ଖେଳାଳି ରନ୍ ଆଉଟ୍ ହୋଇଥିଲେ । ପ୍ରଥମ ଇନିଂସରେ ହନୁମା ବିହାରୀ ୪ ରନ୍, ଆର ଅଶ୍ୱିନ ୧୦ ଓ ଜସପ୍ରିତ ବୁମରାହ ୦ ରନ୍ କରି ରନଆଉଟ୍ ହୋଇଥିଲେ । ଫଳରେ ଦଳ ଏପରି ଲଜ୍ଜାଜନକ ରେକର୍ଡ ହାସଲ କରିଛି ଯାହା କେହି କରିବାକୁ ଚାହିଁବେ ନାହିଁ ।

ଟିମ୍ ଇଣ୍ଡିଆ ଟେଷ୍ଟ ଇତିହାସରେ ସପ୍ତମ ଥର ଗୋଟିଏ ଇନିଂସରେ ୩ ବା ତଦୁର୍ଦ୍ଧ ବ୍ୟାଟସମ୍ୟାନ୍ ରନ୍ ଆଉଟ୍ ହୋଇଛନ୍ତି । ଶେଷ ଥର ୨୦୦୮ରେ ଇଂଲଣ୍ଡ ବିପକ୍ଷରେ ମୋହାଲି ଟେଷ୍ଟରେ ବିରେନ୍ଦ୍ର ସେହ୍ୱାଗ, ଯୁବରାଜ ସିଂ ଓ ଭିଭିଏସ ଲକ୍ଷ୍ମଣ ରନ୍ ଆଉଟ୍ ହୋଇଥିଲେ ।

ସିଡନୀ ଟେଷ୍ଟରେ ଭାରତୀୟ ଇନିଂସର ୬୮ ତମ ଓଭରରେ ନାଥନ ଲାୟନଙ୍କ ବଲରେ ହନୁମା ବିହାରୀ ମିଡ୍ ଅନରେ ସଟ୍ ଖେଳିଥିଲେ ।ଏହାପରେ ସେ ସିଙ୍ଗଲ୍ ନେବାକୁ ଦୌଡିଥିଲେ । କିନ୍ତୁ ଜୋସ୍ ହେଜଲଉଡ୍ ବାଇଭ୍ କରି ବଲ ଧରିବା ସହ ଓ୍ୱିକେଟରୁ ଥ୍ରୋ କରିଥିଲେ । ହନୁମା କ୍ରିଜରେ ପହଁଚି ପାରିନଥିଲେ । ରନ୍ ଆଉଟ୍ ହୋଇ ପ୍ୟାଭିଲିୟନ ଫେରିବାକୁ ହୋଇଥିଲା ।

ସେହିପରି ପାଳିର ୯୩ ତମ ଓଭରରେ କ୍ୟାମରନ୍ ଗ୍ରୀନଙ୍କ ବଲରେ ଆର ଅଶ୍ୱିନ ମିଡଅଫରେ ଖେଳି ୧ ରନ୍ ନେବାକୁ ଚାହିଁଥିଲେ । ଫିଲ୍ଡିଂ କରୁଥିବା ପ୍ୟାଟ୍ କମିନ୍ସ କିପର୍ ଏଣ୍ଡକୁ ବଲ୍ ଫିଙ୍ଗିଥିଲେ । ଅଶ୍ୱିନ୍ କ୍ରିଜରେ ପହଁଚିବା ପୂର୍ବରୁ ଲାବୁସେନ୍ ଓ୍ୱିକେଟରେ ବଲ ଲଗାଇ ସାରିଥିଲେ ।

ଏତତ୍ ବ୍ୟତୀତ ୯୭ ତମ ଓଭରରେ ଜାଡେଜା ସଟ୍ ଖେଳି ୨ ରନ୍ ନେବାକୁ ପ୍ରୟାସ କରିଥିଲେ । ଲାବୁସେନ୍ ବୋଲିଂ ଏଣ୍ଡରେ ସିଧା ବଲକୁ ଥ୍ରୋ କରିଥିଲେ । ବୁମରାହ କ୍ରିଜରେ ପହଁଚିନଥିଲେ । ଏପରି ଭାବେ ସେ ଆଉଟ୍ ହୋଇଥିଲେ ।

ଗୋଟିଏ ଟେଷ୍ଟ ପାଳିରେ ଭାରତ ତରଫରୁ ଏବେସୁଦ୍ଧା ସର୍ବାଧିକ ୪ ଜଣ ଖେଳାଳି ରନ୍ ଆଉଟ୍ ହୋଇଛନ୍ତି । ୧୯୫୫ରେ ପାକିସ୍ତାନ ବିପକ୍ଷରେ ଭାରତ ଏହି ମ୍ୟାଚ୍ ଖେଳିଥିଲା ।

   Related Posts