ଭଦ୍ରକ୨୩/୭: ସଟ୍ଡାଉନ୍ରେ ଚାଲିଛି ବେଆଇନ ଗୋ ଚାଲାଣ। ତିନି ଚକିଆ ଅଟୋରେ ପାଲ ଢାଙ୍କି ଚାଲିଥିଲା ଗୋ ଚାଲାଣ । ଯାଞ୍ଚ ସମୟରେ ଧରିଲେ ବ୍ଲକ ଶିକ୍ଷାଧିକାରୀ । ଭଦ୍ରକ ଜିଲ୍ଲା ଧାମନଗର ଥାନା ଅଞ୍ଚଳର ଦକ୍ଷିଣବାଡ଼ ଛକ ନିକଟରେ ଏଭଳି ଘଟଣା ଘଟିଛି। ସୂଚନାଯୋଗ୍ୟ ଯେ ଭଦ୍ରକ ଜିଲ୍ଲା ଏ ସପ୍ତାହିକ ସଟଡାଉନ୍ କଟକଣା ବଳବତ୍ତର ରହିଛି । ସପ୍ତାହର ଶନିବାର ଓ ରବିବାର ଭଦ୍ରକ ଜିଲ୍ଲା ସମ୍ପୂର୍ଣ୍ଣ ସଟଡାଉନ ଘୋଷଣା କରାଯାଇଛି ।
ଏହି ସମୟ ମଧ୍ୟରେ ସରକାରୀ ଅଧିକାରୀମାନେ ବିଭିନ୍ନ ଅଞ୍ଚଳରେ ଚେକିଂ ମଧ୍ୟ କରୁଛନ୍ତି । ଧାମନଗର ଥାନା ଦକ୍ଷିଣବାଡ଼ ନିକଟରେ ବ୍ଲକ ଶିକ୍ଷାଧିକାରୀ ଚେକିଂ କରୁଥିବା ବେଳେ ଏକ ୩ ଚକିଆ ଅଟୋକୁ ଅଟକାଇଥିଲେ। ଅଟୋରେ ପଲିଥିନ ଢଙ୍କା ହୋଇଥିଲା । ଚେକିଂ ସମୟରେ ଏହି ଅଟୋ ଡାଲାରେ ୪ଟି ଗୋରୁ ବୋଝେଇ ହୋଇଥିଲା। ଅଟୋ ଡ୍ରାଇଭରକୁ ପୋଲିସ ଅଟକ ରଖିଥିବା ବେଳେ ଗୋରୁ ବୋଝେଇ ଅଟୋ ମଧ୍ୟ ଥାନାରେ ଅଟକ ଥିବା ସୂଚନା ମିଳିଛି ।