ଚଣ୍ଡିଖୋଲ, ୦୧/୦୫: କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ ଏହାକୁ ଦୃଷ୍ଟିରେ ରଖି ଶନିବାର ଓ ରବିବାର ଯାଜପୁରରେ ପଞ୍ଚାୟତସ୍ତରୀୟ ସଟଡାଉନ ଲାଗୁ ହୋଇଛି । ଏନେଇ ଘୋଷଣା କରିଛନ୍ତି ଯାଜପୁର ଜିଲ୍ଲାପାଳ ।
ରାଜ୍ୟର ସହରାଞ୍ଚଳ ମାନଙ୍କରେ ସାପ୍ତାହିକ ସଟଡାଉନ ଚାଲୁ ରହିଥିବା ବେଳେ ଯାଜପୁର ଜିଲ୍ଲାର ଯାଜପୁର ଓ ବ୍ୟାସନଗର ବ୍ଲକ୍ ସଟଡାଉନ ରହିଛି । ଯାଜପୁର ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ସରପଞ୍ଚମାନେ ପଞ୍ଚାୟତକୁ ସଟଡାଉନ କରିବା ପାଇଁ ଜିଲ୍ଲାପାଳଙ୍କୁ ଅନୁମତି ମାଗିଥିଲେ ।
ଏନେଇ ଜିଲ୍ଲାପାଳ ଜିଲ୍ଲାର ସମସ୍ତ ସରପଞ୍ଚଙ୍କୁ ପଂଚାୟତକୁ ସଟଡାଉନ ଘୋଷଣା କରିବା ପାଇଁ ନିର୍ଦେଶ ଦେଇଥିଲେ । ଶନିବାର ଜିଲ୍ଲାର ପ୍ରମୁଖ ଛକ ଚଣ୍ଡିଖୋଲ, ଜାରକା, ଛତିଆ, ବାଲିଚନ୍ଦ୍ରପୁର ବଜାର ସମ୍ପୂର୍ଣ ବନ୍ଦ ରହିଛି । କେବଳ ଅତ୍ୟାବଶ୍ୟକ ସେବା ଜାରି ରହିଥିବା ବେଳେ ସମସ୍ତ ଦୋକାନ ବଜାର ବନ୍ଦ ରହିଛି । ଦର୍ପଣ ଅତିରିକ୍ତ ତହସିଲଦାର ଓ ବଡ଼ଚଣା ପୋଲିସ ସଟଡାଉନକୁ କଡାକଡି ପାଳନ କରିବା ନିମନ୍ତେ ପ୍ରମୁଖ ଛକ ମାନଙ୍କରେ ପହଁଚି ଯାଞ୍ଚ କରିବା ସହ ଅମାନିଆଙ୍କୁ ତାଗିଦ କରୁଥିବାର ଦେଖିବାକୁ ମିଳିଛି ।
