ଖୋର୍ଦ୍ଧା ୧୮/୮: ବେଆଇନ ଖଣି ଖନନ ମାମଲାରେ ଖୋର୍ଦ୍ଧା ତହସିଲଦାର ଶୁଭେନ୍ଦ୍ର ସାମଲ ଓ ସଦର ଥାନା ଆଇଆଇସି ବିକ୍ରମ ଜେନାଙ୍କୁ କ୍ରାଇମବ୍ରାଞ୍ଚ ଏସଟିଏଫରେ ପୁଣିଥରେ ହାଜର ହେବାପାଇଁ ନିର୍ଦ୍ଦେଶ ଦିଆଯାଇଛି। ଏହି ୨ ଅଧିକାରୀ ଆସନ୍ତା ୨୧ ତାରିଖରେ ପୁଣି ଏସଟିଏଫ୍ ନିକଟରେ ହାଜର ହେବେ । ଗତକାଲି କ୍ରାଇମବ୍ରାଞ୍ଚ ଏସଟିଏଫ୍ ଉଭୟଙ୍କୁ ୫ ଘଣ୍ଟା ଧରି ଜେରା କରିଥିଲା ।
ସେହିପରି ଖୋର୍ଦ୍ଧାର ଖଣି ମାଫିଆ କୈଳାଶ ପରିଜାଙ୍କୁ କୋଲକାତାରୁ ଗିରଫ କରିଛି ଏସଟିଏଫ୍ । ତାଙ୍କୁ ସ୍ଥାନୀୟ କୋର୍ଟରେ ହାଜର କରାଯିବା ପରେ ଆଲିପୁର ସେଣ୍ଟ୍ରାଲ ଜେଲକୁ ପଠାଇ ଦିଆଯାଇଛି । ଆସନ୍ତା ୨୨ ତାରିଖରେ କୈଳାଶ ପରିଜାଙ୍କୁ ଓଡ଼ିଶା ଆଣିବ କ୍ରାଇମବ୍ରାଞ୍ଚ ଏସଟିଏଫ୍।
