ନୂଆଦିଲ୍ଲୀ ୦୨/୦୬: ବଲିଉଡର ପ୍ରସିଦ୍ଧ ଗାୟିକା ଶ୍ରେୟା ଘୋଷଲ ବିବାହର ୫ ବର୍ଷ ପରେ ନିକଟରେ ଏକ ପୁତ୍ର ସନ୍ତାନର ମା’ ହୋଇଛନ୍ତି। ଯାହାର ସୂଚନା ସେ ନିଜେ ଇନଷ୍ଟାଗ୍ରାମରେ ଦେଇଥିଲେ । ବର୍ତ୍ତମାନ ସେ ତାଙ୍କ ପୁଅର ପ୍ରଥମ ଝଲକ ଦେଖାଇଛନ୍ତି। ବାସ୍ତବରେ ଆଜି ଶ୍ରେୟା ସୋସିଆଲ ମିଡିଆ ମାଧ୍ୟମରେ ପୁଅର ପ୍ରଥମ ଫଟୋ ପୋଷ୍ଟ କରିଛନ୍ତି । ଯାହାକୁ ଫ୍ୟାନ୍ସମାନେ ଖୁବ୍ ପସନ୍ଦ କରୁଛନ୍ତି ।
wp:html/wp:html
ଏହାପୂର୍ବରୁ ଶ୍ରେୟା ମଧ୍ୟ ପୁଅର ନାମ ଘୋଷଣା କରିଛନ୍ତି, ଗାୟିକା ତାଙ୍କ ପୁଅର ନାମ ରଖିଛନ୍ତି- ଦେବୟାନ ମୁଖୋପାଧ୍ୟାୟ। ଶ୍ରେୟା କହିଛନ୍ତି ଯେ ମେ ୨୨ ରେ ତାଙ୍କ ପୁଅ ଜନ୍ମ ହୋଇଥିଲା ଏବଂ ତାଙ୍କ ଜୀବନକୁ ସମ୍ପୂର୍ଣ୍ଣ ବଦଳାଇ ଦେଇଛି ।
ସେ ଲେଖିଛନ୍ତି ଯେ ପୁଅର ପ୍ରଥମ ଝଲକ ଦେଖିବା ପରେ କ’ଣ ଅନୁଭବ ହୁଏ ତାହା କେବଳ ବାପା-ମା ହିଁ ବୁଝିପାରିବେ। ଶ୍ରେୟା କହିଛନ୍ତି ଯେ ତଥାପି ଏସବୁ ତାଙ୍କ ପାଇଁ ଏକ ସ୍ୱପ୍ନ ଭଳି ଲାଗୁଛି |
ଶ୍ରେୟା ତାଙ୍କ ପିଲାଦିନର ବନ୍ଧୁ ଶିଲାଦିତ୍ୟ ମୁଖୋପାଧ୍ୟାୟଙ୍କୁ ୨୦୧୫ ରେ ବିବାହ କରିଥିଲେ। ବିବାହ ପୂର୍ବରୁ ଦୁହେଁ ପ୍ରାୟ ୧୦ ବର୍ଷ ଧରି ପରସ୍ପରକୁ ଡେଟ କରିଥିଲେ, ଯାହା ପରେ ସେମାନେ ବିବାହ କରିବାକୁ ନିଷ୍ପତ୍ତି ନେଇଥିଲେ । ବର୍ତ୍ତମାନ ବିବାହର ୫ ବର୍ଷ ପରେ ଶ୍ରେୟା ଜଣେ ମା’ ହୋଇପାରିଛନ୍ତି ।
