Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

‘ସର୍ଟ ଫିଲ୍ମ ଶୋ’ କେସ୍‌-୨୦୨୦’ – ମନୋରଞ୍ଜନ କ୍ଷେତ୍ରରେ ଏକ ନୂଆ ଅଧ୍ୟାୟ ଆରମ୍ଭ କରିଛି ସୁମା ରିୟଲ ମିଡିଆ

18/02/2020 at 10:28 PM

ଭୁବନେଶ୍ୱର ୧୮।୦୨ ମନୋରଞ୍ଜନ କ୍ଷେତ୍ରରେ ଏକ ନୂଆ ଅଧ୍ୟାୟ ଆରମ୍ଭ କରିଛି ସୁମା ରିୟଲ ମିଡିଆ । ଓଡ଼ିଶା ତଥା ଓଡ଼ିଶା ବାହାରେ ରହୁଥିବା ଯୁବ ଓ ଉତ୍ସାହୀ ଫିଲ୍ମ ନିର୍ମାତା, ଲେଖକ, କଳାକାରଙ୍କୁ  ପ୍ରୋତ୍ସାହିତ କରିବା ଉଦେଶ୍ୟରେ ଏକ ନୂଆ ପ୍ରୟାସ କରିଛି । ଆଗାମୀ ଦିନରେ ସେମାନଙ୍କୁ ସମ୍ମାନିତ କରିବାକୁ  ‘ସର୍ଟ ଫିଲ୍ମ ଶୋ’ କେସ୍‌-୨୦୨୦’  ଟ୍ରଫି ଉନ୍ମୋଚନ କରିଛି ସୁମା ରିୟଲ ମିଡିଆ । ଆଜି ଅନୁଷ୍ଠିତ ହୋଇଥିବା ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଏହି ଟ୍ରଫିକୁ  ଉନ୍ମୋଚନ କରିଥିଲେ ସୁମା ରିୟଲ ମିଡିଆର ନିର୍ଦେଶିକା ଶାଶ୍ବତୀ ଦାସ ।….

ରାଜ୍ୟ ତଥା ରାଜ୍ୟ ବାହାରେ କ୍ଷୁଦ୍ର ଫିଲ୍ମ ନିର୍ମାତାଙ୍କୁ ପ୍ରୋତ୍ସାହିତ କରିବାକୁ ସୁମା ରିୟଲ ମିଡିଆର ନୂଆ ପ୍ରୟାସ । ଗଣମାଧ୍ୟମ ଜଗତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଥିବା  ଦୈନିକ ଖବର କାଗଜ ପ୍ରମେୟ ଓ ବୈଦ୍ୟୁତିକ ଗଣମାଧ୍ୟମ ନ୍ୟୁଜ୍‌ 7ର ଅପୂର୍ବ ସଫଳତା ପରେ ସୁମା ରିୟଲ ମିଡିଆ ମନୋରଞ୍ଜନ କ୍ଷେତ୍ରରେ ଆଉ ଏକ ନୂଆ ଅଧ୍ୟାୟ ଆରମ୍ଭ କରିଛି । ଆଗାମୀ ଦିନରେ କ୍ଷୁଦ୍ର ଚଳଚ୍ଚିତ୍ର ନିର୍ମାଣ କ୍ଷେତ୍ରରେ ପ୍ରତିଯୋଗିତାର ଆୟୋଜନ କରିବା ସହ ଏହି କ୍ଷେତ୍ରରେ ସଫଳ ଫିଲ୍ମ ନିର୍ମାତା, ଲେଖକ, କଳାକାର, ଭିଡିଓ ଗ୍ରାଫର ଓ ଏଡିଟିଂ ସହିତ ଜଡ଼ିତ ଯୁବ ପ୍ରତିଭାଙ୍କୁ   ‘ସର୍ଟ ଫିଲ୍ମ ଶୋ’ କେସ୍‌-୨୦୨୦’ ରେ ସମ୍ମାନିତ କରିବାକୁ ଲକ୍ଷ୍ୟ ରଖିଛି ସୁମା ରିୟଲ ମିଡିଆ । ମଙ୍ଗଳବାର ଏକ ସ୍ବତନ୍ତ୍ର କାର୍ଯ୍ୟକ୍ରମରେ ‘ସର୍ଟ ଫିଲ୍ମ ଶୋକେସ୍‌-୨୦୨୦’ ଟ୍ରଫିକୁ ଉନ୍ମୋଚନ କରିଛନ୍ତି ସୁମା ରିୟଲ ମିଡିଆର ନିର୍ଦେଶିକା ଶାଶ୍ବତୀ ଦାସ । ଏହି ଅବସରରେ ଜାତୀୟ ପୁରସ୍କାରପ୍ରାପ୍ତ ଚଳଚିତ୍ର ନିର୍ମାତା ଓ ନିର୍ଦେଶକ ସବ୍ୟସାଚୀ ମହାପାତ୍ର, ଓଲିଉଡ୍‌ ସୁପରଷ୍ଟାର ତଥା ପୂର୍ବତନ ସାଂସଦ ସିଦ୍ଧାନ୍ତ ମହାପାତ୍ର, ପ୍ରମେୟ ନ୍ୟୁଜ୍‌ 7 ଚାନେଲର ସିଇଓ ସୁନୀଲ ଦାସ, ପ୍ରମେୟ ନ୍ୟୁଜ୍‌ 7 ଭାଇସପ୍ରେସିଡେଣ୍ଟ ସେଲ୍ସ ଲିଙ୍ଗରାଜ ଲେଙ୍କା, ନ୍ୟୁଜ୍‌ 7 କାର୍ଯ୍ୟକାରୀ ସଂପାଦକ ଦେବନାରାୟଣ ସେଠୀ ପ୍ରମୂଖ ମଧ୍ୟ ଉପସ୍ଥିତ ଥିଲେ ।

ସୁମା ରିୟଲ ମିଡିଆ ଦ୍ବାରା ଆୟୋଜିତ ଏହି କ୍ଷୁଦ୍ର ଫିଲ୍ମ ପ୍ରତିଯୋଗିତାରେ ଅଂଶ ଗ୍ରହଣ କରିବାକୁ ଥିବା ଫିଲ୍ମଗୁଡ଼ିକର ଅବଧି ସର୍ବାଧିକ ୧୨ ମିନିଟ୍‌ ବା ତା’ ଠାରୁ କମ୍‌ ହୋଇଥିବା ଆବଶ୍ୟକ । ସିନେମା ନିର୍ମାତାଙ୍କ ମୌଳିକ କାହାଣୀ, ହିଂସା, ବିଭେଦ ବା ସାମାଜିକ ଭେଦଭାବକୁ ଦର୍ଶାଉଥିବା ଫିଲ୍ମକୁ ଏହି ପ୍ରତିଯୋଗିତାରେ ସୁଯୋଗ ଦିଆଯିବ ନାହିଁ । ପୂର୍ବରୁ କୌଣସି ସାମାଜିକ ଗଣମାଧ୍ୟମ ବା ସେଭଳି କୌଣସି ପ୍ଲାଟଫର୍ମ ବା ସିନେ ଶିଳ୍ପ ସହ ଜଡ଼ିତ କୌଣସି ମାଧ୍ୟମରେ ପ୍ରଦର୍ଶିତ ହୋଇନଥିବା ଦରକାର । ଫିଲ୍ମ ନିର୍ମାତା ବା ପ୍ରତିଯୋଗୀଙ୍କ ବୟସ ୧୫ରୁ ୪୦ ବର୍ଷ ଭିତରେ ହୋଇଥିବା ଆବଶ୍ୟକ । ଓଡ଼ିଆ ଭାଷା ସହ ଅନ୍ୟ ଭାଷାର କ୍ଷୁଦ୍ର ଚଳଚିତ୍ରକୁ ଏହି ପ୍ରତିଯୋଗିତାରେ ସ୍ଥାନ ଦିଆଯିବ । ମନୋନୀତ ସମସ୍ତ ଫିଲ୍ମକୁ ନ୍ୟୁଜ୍‌ 7 ଟେଲିଭିଜନ ସହ ସୁମା ରିୟଲ ମିଡିଆ ପରିଚାଳିତ ସମସ୍ତ ଡିଜିଟାଲ ପ୍ଲାଟଫର୍ମରେ ପ୍ରସାରିତ ଓ ପ୍ରଦର୍ଶିତ କରାଯିବ ।

ଦର୍ଶକଙ୍କ ପସନ୍ଦ ଓ ବିଚାରକୁ ନଜରରେ ରଖି ଶେଷ୍ଠ କ୍ଷୁଦ୍ର ଚଳଚ୍ଚିତ୍ରକୁ ୫୦ ହଜାର ଟଙ୍କା, ଦ୍ବିତୀୟ ଚଳଚ୍ଚିତ୍ରକୁ ୩୦ହଜାର ଏବଂ ତୃତୀୟ ଚଳଚ୍ଚିତ୍ରକୁ ୨୦ହଜାର ଟଙ୍କାର ପୁରସ୍କାର ରାଶି ପ୍ରଦାନ କରାଯିବ । ଏହା ଫିଲ୍ମ ସହ ଜଡ଼ିତ ବିଭିନ୍ନ ବର୍ଗଙ୍କ ପାଇଁ ୧୦ହଜାର ଟଙ୍କା ଲେଖାଏଁ ପୁରସ୍କାର ରାଶି ରହିଛି ।

   Related Posts