Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଅନଲକ୍-୧ର ପ୍ରଥମ ସଟଡାଉନ୍: ସବୁ ବନ୍ଦ, ରାସ୍ତା ଶୂନଶାନ୍

6/06/2020 at 6:03 PM

ଭୁବନେଶ୍ୱର, ୦୬|୦୬:  ଅନଲକ୍-୧ର ପ୍ରଥମ ସଟ୍ ଡାଉନ୍ । ଦୋକାନ ବଜାର ବନ୍ଦ, ରାସ୍ତାଘାଟ ଶୂନଶାନ୍ । ରାସ୍ତାରେ କାଁ ଭାଁ ଗାଡି ମଟର ଚାଲୁଛି । ଜରୁରୀ କାମ ନଥିଲେ ଲୋକେ ଘରୁ ବାହାରୁନାହାନ୍ତି । ବିଭିନ୍ନ ସ୍ଥାନରେ ନାକାବନ୍ଦୀ କରି ଅନାବଶ୍ୟକ ଯାତାୟତ ଉପରେ ରୋକ୍ ଲଗାଇଛି ପୋଲିସ ।  ସଟ୍ ଡାଉନ ପାଇଁ କଡା କଟକଣା । ପୋଲିସର କଡା ପହରା ।  ଯାଆସ କରୁଥିବା ଲୋକଙ୍କୁ ଚେକିଂ କରାଯାଉଛି ।  ବିଭିନ୍ନ ଟ୍ରାଫିକ୍ ଏବଂ ଅନ୍ୟ ସ୍ଥାନରେ ନାକାବନ୍ଦୀ କରାଯାଇଛି ।  ସଟ୍ ଡାଉନରେ ପୁରା ଠପ୍ ହୋଇଯାଇଛି ବସଷ୍ଟାଣ୍ଡ । କେବଳ କିଛି ଯାତ୍ରୀ ବସକୁ ଅପେକ୍ଷା କରିଥିବା ଦେଖବାକୁ ମିଳିଥିଲା । ଭୁବନେଶ୍ବର ଭଳି ସମାନ ଅବସ୍ଥା ଦେଖିବାକୁ ମିଳିଛି କଟକରେ ।  ଏଠି ବି ରାସ୍ତାଘାଟ ଖାଁ ଖାଁ । ପୋଲିସର ଜୋରଦାର ପାଟ୍ରୋଲିଂ । ଅଯଥାରେ ଲୋକେ ଯେଭଳି ଘରୁ ନବାହାରିବେ ସେଥିପାଇଁ ସଜାଗ ଆଉ ସତର୍କ ରହିଛି ପୋଲିସ ।

ଖୋର୍ଦ୍ଧା, କଟକ, ପୁରୀ, ନୟାଗଡ଼, ଜଗତସିଂହପୁର ସମେତ ୧୧ ଜିଲ୍ଲାରେ ସକାଳ ୬ରୁ ଆରମ୍ଭ ହୋଇଛି ୪୮ ଘଣ୍ଟିଆ ସଟ୍ ଡାଉନ୍ । ଗ୍ରାମାଞ୍ଚଳଠୁ ସହରାଞ୍ଚଳରେ ସଟ୍ ଡାଉନର ବେଶୀ ପ୍ରଭାବ ଦେଖିବାକୁ ମିଳିଛି । ଔଷଧ ଦୋକାନକୁ ବାଦଦେଲେ ସବୁ ଦୋକାନ ବନ୍ଦ ରହିଥିଲା । ସଟ୍ ଡାଉନ୍ ଜିଲ୍ଲା ମଧ୍ୟରେ ପୁରୀ ରହିଥିଲେ ମଧ୍ୟ ଶନିବାର ଗୋଟିଏ ଦିନ ପୁରୀ ପୌରାଞ୍ଚଳକୁ ସଟଡ଼ାଉନ୍ କଟକଣାରୁ ବାଦ୍ ଦିଆଯାଇଥିଲା । ଦେବସ୍ନାନ ପୂର୍ଣ୍ଣିମା ପାଇଁ ୪ ତାରିଖ ରାତିରୁ ୧୪୪ ଧାରା ଜାରି କରାଯାଇଥିବାରୁ ଜିଲ୍ଲା ପ୍ରଶାସନ ବ୍ୟବସାୟୀଙ୍କ ପାଇଁ ଆଜି ଦିନଟା କୋହଳ କରିଥିଲା । ଫଳରେ ବଡ଼ଦାଣ୍ଡ ସମେତ ସହରରର ବିଭିନ୍ନ ସ୍ଥାନରେ ଦୋକାନ ଖୋଲିଥିଲା ।

ଜରୁରୀକାଳୀନ ସ୍ବାସ୍ଥ୍ୟ ସେବା, ଏଟିଏମ, କ୍ରିଟିକାଲ ଫାଇନାନସିଆଲ ହାଉସ, ଆରବିଆଇ, ଭଳି ଗୁରୁତ୍ବପୂର୍ଣ୍ଣ ଆର୍ଥିକ ପ୍ରତିଷ୍ଠାନ, ବିମାନବନ୍ଦର, ରେଳ ଷ୍ଟେସନ, ବସ ଟର୍ମିନାଲ ଏବଂ ଏଥିରେ ସଂପୃକ୍ତ କାର୍ଯ୍ୟାଳୟ, ରନ୍ଧନ ଗ୍ୟାସ୍ର ହୋମ୍ ଡେଲିଭରିକୁ ସଟ୍ ଡାଉନ କଟକଣାରୁ ବାଦ ଦିଆଯାଇଛି ।

   Related Posts