ନାଗପୁର ୧୧/୪ : ଆଜି ପ୍ରଥମ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ଭୋଟ ଗ୍ରହଣ ଚାଲିଛି | ଦୁନିଆର ସବୁଠାରୁ କମ ଉଚ୍ଚତା ବିଶିଷ୍ଟ ମହିଳା ଜ୍ୟୋତି ଆମଗେ ନାଗପୁରରେ ଭୋଟ ଦେଇଛନ୍ତି | ଜ୍ୟୋତି ଆମଗେ ଜଣେ ଅଭିନେତ୍ରୀ ହେବାସହ ଗିନିଜ ୱାର୍ଲଡ ରେକର୍ଡରେ ନିଜ ନାଁ ସାମିଲ କରିଛନ୍ତି | ତାଙ୍କ ଉଚ୍ଚତା ୬୩ ସେଣ୍ଟିମିଟର | ଜ୍ୟୋତିଙ୍କ ବୟସ ୨୫ ବର୍ଷ | ଉଚ୍ଚତା କମ ଥିଲେ ସୁଦ୍ଧା ସେ ନିୟମ ଅନୁଯାୟୀ ଲାଇନରେ ଛିଡା ହୋଇ ଭୋଟ ସାବ୍ୟସ୍ତ କରିଥିଲେ |
{"id":102385}
ଭୋଟ ଦେବାପରେ ସେ ସମସ୍ତ ନାଗରିକଙ୍କୁ ନିଜ ନିଜ ଭୋଟ ସାବ୍ୟସ୍ତ କରିବା ପାଇଁ ଅନୁରୋଧ କରିଥିଲେ | କାରଣ ଭୋଟ ଦେବା ଭାରତୀୟ ନାଗରିକଙ୍କ ଅଧିକାର | ପ୍ରଥମେ ଭୋଟ ଦେଇ ତା'ପରେ ନିଜର ଜରୁରୀ କାମ କରିବା ପାଇଁ ସେ ଲୋକଙ୍କୁ ଅନୁରୋଧ କରିଥିଲେ |
ଜ୍ୟୋତି ବିଗ ବଶର ଷଷ୍ଠ ସିଜନକୁ ଯାଇଥିଲେ | ସେ ଅଭିନେତ୍ରୀ ମଧ୍ୟ | ଆମେରିକୀୟ ଏବଂ ଇଟାଲିୟନ ଟିଭି ସିରିଜରେ ମଧ୍ୟ ଜ୍ୟୋତି କାମ କରିସାରିଛନ୍ତି | ପୁନେ ସ୍ଥିତ ସେଲିବ୍ରିଟି ୱାକ୍ସ ମ୍ୟୁଜିୟମରେ ଜ୍ୟୋତିଙ୍କ ଷ୍ଟାଚ୍ୟୁ ମଧ୍ୟ ଅଛି |
