ଆପଣମାନେ କେତେବେଳେ ଭାବିଛନ୍ତି କି ଏକ ଭଲ ବ୍ରାଣ୍ଡର LED ଟିଭି ଯଦି ଆପଣଙ୍କୁ ୧୦ ଭାଗରୁ ଭାଗେ ଦାମ୍ରେ ମିଳିବ, ତେବେ ଆପଣ କରିବେ କଣ? ୩୨ହଜାର ଟଙ୍କା ଦାମ୍ LEDଉପରେ ୨୪୫୦ ଟଙ୍କାର ଷ୍ଟିକର । ବଡବଚତ୍ ଖୁସିରେ ଗ୍ରାହକ । ତାପରେ ଯାହାହେଲା ତାହାହିଁ ଚମକ୍ଦାର ଖବର। ଏପରି ଘଟଣା ଦେଖିବାକୁ ମିଳିଥିଲା ଫ୍ରାନ୍ସର ଏକ ସପିଙ୍ଗ ମଲ୍ରେ ।
{"id":210674,"sizeSlug":"large"}ସପିଙ୍ଗ ମଲ୍ରେ ୩୧୫୦୦ ଟଙ୍କା ଦାମ୍ର LED ଟିଭି ୨୪୫୦ଟଙ୍କାରେ ମିଳୁଛି ବୋଲି ଭୁଲରେ ଏକ ବୋର୍ଡରେ ଷ୍ଟିକର ଲାଗିଯାଇଥିଲା । ତେବେ ଏହାକୁ ନେଇ ସୋସିଆଲ ମିଡିଆରେ ଫଟୋଟି ଭାଇରାଲ ହେବା ପରେ ଲୋକମାନେ ସପିଙ୍ଗ ମଲ୍ର ଠିକଣା ଖୋଜି ପହଞ୍ଚିଯାଇଥିଲେ ଟିଭି କିଣିବାକୁ । ଦେଖୁ ଦେଖୁ ଲୋକଙ୍କ ଭିଡ ଅଧିକ ଭାବେ ବଢିଯାଇଥିଲା ।
{"id":210675,"width":568,"height":432,"sizeSlug":"large"}ସପିଙ୍ଗ ମଲ୍ ପହଞ୍ଚି ଲୋକମାନେ ନିଜ ସପିଙ୍ଗ ବାସ୍କେଟରେ ୪-୪ଟା ଲେଖାଏଁ LED ଟିଭି ଲୋଡ କରି କାଉଣ୍ଟରରେ ପହଞ୍ଚିଯାଇଥିଲେ । ସପିଙ୍ଗ ମଲ୍ର କର୍ମଚାରୀମାନେ ଗୋଟିଏ LED ଟିଭିର ଦାମ୍ ୩୨ହଜାର ଟଙ୍କା ବୋଲି କହିଥିଲେ , ଏହାପରେ ଉପସ୍ଥିତ ଥିବା ଗ୍ରାହକମାନେ କମ୍ ଦାମ୍ରେ ଟିଭି ନେବାକୁ ଦାବି କରିଥିଲେ । ଶସ୍ତା ଟିଭି କିଣିବାକୁ ଦୋକାନ ବା ସପିଙ୍ଗ ମଲ୍ରେ ଏତ ସଂଖ୍ୟକ ଲୋକଙ୍କୁ ଦେଖି ସପିଙ୍ଗ ମଲ୍ର ମାଲିକ ପୋଲିସକୁ ଖବର ଦେଇଥିଲେ । ମଲ୍ରେ ଥିବା ଗ୍ରାହକମାନଙ୍କୁ ମାଲିକ ବୁଝାଉଥିଲେ ଯେ, ଏହା ଭୁଲରେ ହୋଇଯାଇଛି । ଲୋକମାନେ ବୁଝିବାକୁ ନାରାଜ । ସେମାନେ ଶସ୍ତା ଦାମ୍ରେ LED ଟିଭି କିଣିବାକୁ ଦାବି ଦୋହରାଇଥିଲେ । ତେବେ ପୋଲିସ ଘଟଣାସ୍ଥଳରେ ପହଞ୍ଚି ୨ଘଣ୍ଟା ମଧ୍ୟରେ ଦୋକାନ ଖାଲି କରିବାକୁ କହିବା ପରେ ଧୀରେ ଧୀରେ ଦୋକାନରୁ ଲୋକମାନେ ଚାଲିଯାଇଥିଲେ ।