ଭଦ୍ରକ ୨୨।୩: ଅଗ୍ନିକାଣ୍ଡରେ ଜଳିଗଲା ଘର ଓ ଦୋକାନ । ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ ହୋଇଯାଇଛି । ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା  ଓଲଙ୍ଗ ପଞ୍ଚାୟତର ସାରତୋଳା ଗାଁରେ ଅଗ୍ନିକାଣ୍ଡ ଘଟିଛି ।

ସୂଚନାଯୋଗ୍ୟ ଯେ, ସାରତୋଳା ଗାଁର ଧନେଶ୍ବର ବେହେରାଙ୍କ ଦୋକାନରେ ବିଳମ୍ବିତ ରାତିରେ ନିଆଁ ଲାଗିଥିଲା । ପରେ ନିଆଁ ଘରକୁ ବ୍ୟାପିଯାଇଥିଲା । ଦୋକାନ ସହ ୩ ବଖରା ଘର ଜଳିଯାଇଥିବା ସୂଚନା ମିଳିଛି । ପରିବାର ଲୋକେ ସୌଭାଗ୍ୟକ୍ରମେ ସୁରକ୍ଷିତ ଘରୁ ବହାରି ଆସିଥିଲେ । ଭଦ୍ରକ ଅଗ୍ନିଶମ ବାହିନୀର ୨ଟି ଗାଡି ଆସି ନିଆଁକୁ ଆୟତ୍ତ କରିଥିବା ଜଣାପଡିଛି ।