Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ରସିକିଆ ବର ; ୧୩ ବର୍ଷର କନ୍ୟାକୁ ୪୮ ବର୍ଷୀୟ ବର, ନାବାଳିକାଜଣକ ବ୍ୟକ୍ତିଙ୍କ ୫ମ ପତ୍ନୀ

16/11/2020 at 7:32 PM

ଫିଲିପାଇନ୍ସ ୧୬/୧୧ : ଭାରତରେ ବାଲ୍ୟ ବିବାହ ଏକ ସାଂଘାତିକ ଅପରାଧ ଭାବେ ପରିଗଣିତ ହୁଏ । ଆମ ଦେଶରେ ବାଲ୍ୟ ବିବାହକୁ ଯେଉଁମାନେ ପ୍ରୋତ୍ସାହିତ କରନ୍ତି ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଏ । କିନ୍ତୁ ନିକଟରେ ଫିଲିପାଇନ୍ସରେ ଏକ ବାଲ୍ୟବିବାହ ମାମଲା ସାମ୍ନାକୁ ଆସିଛି । ମାତ୍ର ୧୩ ବର୍ଷ ନାବାଳିକାକୁ ବିବାହ କରୁଛି ଜଣେ ୪୮ ବର୍ଷର ବ୍ୟକ୍ତି । କେବଳ ସେତିକି ନୁହେଁ ଅସନାଇରା ପାମାନସାଙ୍ଗ ମୂଗାଲିଙ୍ଗ ନାମକ ନାବାଳିକା ହେଉଛନ୍ତି ଅବଦୁଲ୍ଲଜକ ଅମ୍ପାଟୁଆନଙ୍କ ୫ମ ପତ୍ନୀ । ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ୍ୟ ।

ଏହି ବିବାହରେ ନାବାଳିକା ଜଣକ ଖୁସିଥିବା କହିଛନ୍ତି । ସେ କହିଛନ୍ତି ଅବଦୁଲ୍ଲଜକକୁ ଡରନ୍ତି ନାହିଁ ଏବଂ ତାଙ୍କ ସହିତ ବିବାହ କଲେ କୌଣସି ଅସୁବିଧା ନାହିଁ । ନାବାଳିକା ଜଣକ କହିଛନ୍ତି କିପରି ଖାଇବା ତିଆରି କରାଯାଏ ସେ ଶିଖୁଛନ୍ତି ଏବଂ ତାଙ୍କ ସ୍ବାମୀଙ୍କୁ ଖୁସି ରଖିବାକୁ ଚାହୁଁଛନ୍ତି । ବାହାଘର ପରେ ଉଭୟେ ସାଥିରେ ରହିବାକୁ ଗୋଟିଏ ଘର ମଧ୍ୟ ତିଆରି କରିଛନ୍ତି । ଅବଦୁଲ୍ଲଜକ ଅମ୍ପାଟୁଆନ ଜଣେ କୃଷକ ଭାବେ କାମ କରୁଛନ୍ତି । ଅସନାଇରା ଘର କାମ କରୁବା ସହିତ  ଅବଦୁଲ୍ଲଜକଙ୍କର ପିଲାମାନଙ୍କ ଯତ୍ନ ନେଉଛନ୍ତି ଯିଏକି ତାଙ୍କରି ବୟସର ।

 ଅବଦୁଲ୍ଲଜକ କହିଛନ୍ତି ସେ ଏହି ବିବାହକୁ ନେଇ ଏବଂ ତାଙ୍କ ପିଲାମାନଙ୍କ ଦାୟିତ୍ବ ନେଉଥିବାରୁ ସେ ବହୁତ ଖୁସି ଅଛନ୍ତି । ସେ କହିଛନ୍ତି ଅସନାଇରାଙ୍କୁ ଯେତେବେଳେ  ୨୦ ବର୍ଷ ହୋଇଯିବ ସେମାନେ ପିଲା ଜନ୍ମ କରିବାକୁ ଯୋଜନା ମଧ୍ୟ କରିବେ । ଅବଦୁଲ୍ଲଜକ ଆହୁରି ମଧ୍ୟ କହିଛନ୍ତି ଯେ ଅସନାଇରାଙ୍କ ପାଠପଢା ଏବଂ ସ୍କୁଲ ଖର୍ଚ୍ଚ ସେ ବହନ କରିବେ ।

 ମିଳିତ ଜାତିସଂଘ ବାଲ୍ୟ ବିବାହକୁ ଔପଚାରିକ ଆନୁଷ୍ଠାନିକ ବିବାହ କିମ୍ବା ଅନଔପଚାରିକ ୟୁନିଅନ୍ ଭାବେ ବ୍ୟାଖ୍ୟା କରେ ଯେଉଁଠାରେ ଗୋଟିଏ କିମ୍ବା ଉଭୟ ପକ୍ଷ ୧୮ ବର୍ଷରୁ କମ୍ । ଏଥିରେ ଦର୍ଶାଯାଇଛି ଯେ ବାଲ୍ୟ ବିବାହ ଝିଅମାନଙ୍କର ବିକାଶ ଏବଂ ପ୍ରାରମ୍ଭିକ ଗର୍ଭଧାରଣ ଏବଂ ସାମାଜିକ ବିଚ୍ଛିନ୍ନତା ସୃଷ୍ଟି କରିଥାଏ | ଫିଲିପାଇନ୍ସର କିଛି ମୁସଲିମ ଅଞ୍ଚଳରେ ଶାରିଆ ନିୟମକୁ ଆଧାର କରି ନାବାଳିକାଙ୍କ ଯୌବନ ଆରମ୍ଭରୁ ବିବାହକୁ ଅନୁମତି ଦିଆଯାଇଛି । ୟୁନିସେଫ୍ ଆକଳନ ଅନୁଯାୟୀ ଫିଲିପାଇନ୍ସରେ ୭ ଲକ୍ଷ ୨୬ ହଜାର ବାଲ୍ୟ ବର ଅଛନ୍ତି ଯାହାକି ପୂରା ବିଶ୍ବର ୧୨ ପ୍ରତିଶତ । ଏକ ତଥ୍ୟରୁ ଜଣାପଡିଛି ଯେ ଫିଲିପାଇନ୍ସରେ ବିବାହ କରୁଥିବା ପ୍ରାୟ ୧୫ ପ୍ରତିଶତ ନାବାଳିକାଙ୍କର ବୟସ ୧୮ ବର୍ଷରୁ କମ ଏବଂ ବିବାହ କରୁଥିବା ପ୍ରାୟ ଦୁଇ ପ୍ରତିଶତଙ୍କ ବୟସ ୧୫ ବର୍ଷରୁ କମ ।

   Related Posts