Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||

ଋଷରେ ଅବେଳ ଦୀପାବଳି, ବାଣ କାରଖାନାରେ ଲାଗିଗଲା ନିଆଁ, ଆକାଶରେ ଫୁଟିଲା ହଜାର ହଜାର ରକେଟ୍

7/12/2020 at 9:35 PM

ନୂଆଦିଲ୍ଲୀ ୦୭/୧୨ : ଋଷର ଏକ ବାଣ କାରଖାନାରେ ଭୟଙ୍କର ବିସ୍ଫୋରଣ ଘଟିଛି । ବିସ୍ଫୋରଣର ମାତ୍ରା ଏତେ ଭୟଙ୍କର ଥିଲା ଯେ ଆଖ ପାଖ ଅଞ୍ଚଳରେ ପ୍ରଚଣ୍ଡ ଶବ୍ଦ ହେବା ସହିତ ବାଣ ଗୁଡିକ ଚତୁଃର୍ଦିଗକୁ ଖେଳାଇ ହୋଇଯାଇଥିଲା । ଏହି ଦୁର୍ଘଟଣା ସାଉଥ୍ ଋଷିଆର ପୋର୍ଟ ସିଟିର ରୋଷଟୋଭ-ଅନ୍-ଡନ୍ ର ଏକ ବାଣ ଗୋଦାମରେ ଘଟିଛି । ତେବେ ଏହି ବିସ୍ଫୋରଣର ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି । ଭଳିକି ଭଳି ରକେଟ ବାଣ ଆକାଶରେ ଫୁଟୁଥିବା ଦେଖିବାକୁ ମିଳିଛି ।

ସୂଚନା ଅନୁସାରେ କୌଣସି କାରଣରୁ କାରଖାନାରେ ନିଆଁ ଲାଗିଯିବା ଫଳରେ ପ୍ରଚଣ୍ଡ ଶବ୍ଦରେ ଆରମ୍ଭ ହୋଇଯାଇଥିଲା ବିସ୍ଫୋରଣ । ଏହି ବିସ୍ଫୋଣ ବେଶ କିଛି ସମୟ ଧରି ଚାଲିଥିଲା । ଆକାଶ ଗୋଲାପୀ, ସବୁଜ, ଲାଲ ଏବଂ ସ୍ବର୍ଣ୍ଣ ରଙ୍ଗର ବାଣ ଏବଂ ରକେଟରେ ରଙ୍ଗିନ ହୋଇଯାଇଥିଲା ।

ପ୍ରଥମେ ସ୍ଥାନୀୟ ଲୋକେ ଛିଡା ହୋଇ ଦେଖୁଥିଲେ । କିନ୍ତୁ ନିଆଁ ଆହୁରି ତୀବ୍ର ହେବା ପରେ ସେହି ସ୍ଥାନରେ ପ୍ରାଣ ବିକଳରେ ସମସ୍ତେ ଦୌଡିବାକୁ ଲାଗିଥିଲେ । ତେବେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲା । କିନ୍ତୁ ଉକ୍ତ କାରଖାନଟି ଏତେ ଜୋରରେ ଜଳୁଥିଲା ଯେ ତାକୁ ଆୟତ କରିବା ଅସମ୍ଭବ ହୋଇପଡିଥିଲା । ପ୍ରାୟ ୪ଶହ ଅଗ୍ନିଶମ କର୍ମଚାରୀ ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ । ତେବେ ସମସ୍ତ କର୍ମଚାରୀଙ୍କ ଅକ୍ଳାନ୍ତ ପରିଶ୍ରମ ପରେ ନିଆଁ ଆୟତ ହୋଇଥିଲା ।

ବିସ୍ଫୋରଣର ଏତେ ଭୟଙ୍କର ଥିଲା ଯେ, ଆଖ ପାଖ ପ୍ରାୟ ୪ ହଜାର ବର୍ଗ ମିଟର ଯାଏଁ ଏହାର ପ୍ରଭାବ ଦେଖିବାକୁ ମିଳିଥିଲା । ତେବେ ସୌଭାଗ୍ୟବସତଃ ଏହି ବିସ୍ଫୋରଣରେ କେହି ମୃତାହତ ହୋଇନାହାନ୍ତି । ତେବେ କେଉଁ କାରଣରୁ କାରଖାନାରେ ବିସ୍ଫୋରଣ ହୋଇଥିଲା ତାହା ସ୍ପଷ୍ଟ ହୋଇନାହିଁ । ସ୍ଥାନୀୟ ପ୍ରଶାସନ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବା ସହିତ ଏହାର ତଦନ୍ତ ଚଳାଇଛି ।

   Related Posts