Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ବିରାଟ କୋହଲିଙ୍କଠୁ ଏହି କ୍ରିକେଟରଙ୍କୁ ଖୁବ୍‌ ପସନ୍ଦ କରନ୍ତି ପାକିସ୍ତାନୀ, ଖୁଲାସା କଲେ ଶୋଏବ ଅଖତର

22/10/2021 at 4:32 PM

ନୂଆଦିଲ୍ଲୀ ୨୨/୧୦:  ପାକିସ୍ତାନର ପୂର୍ବତନ ଦ୍ରୁତ ବୋଲର ଶୋଏବ ଅଖତର ବଡ଼ ଖୁଲାସା କରିଛନ୍ତି । ପାକିସ୍ତାନର କ୍ରିକେଟ ପ୍ରେମୀ ଭାରତୀୟ ଟିମ୍‌ର କେଉଁ ଖେଳାଳିଙ୍କୁ ଅଧିକ ପସନ୍ଦ କରନ୍ତି ସେନେଇ ଶୋଏବ କହିଛନ୍ତି । ଶୋଏବଙ୍କ ଏହି ଖୁଲାସା ପରେ ଭାରତରେ ମଧ୍ୟ ଚର୍ଚ୍ଚା ଆରମ୍ଭ ହୋଇଯାଇଛି। ପାକିସ୍ତାନରେ ବିରାଟ କୋହଲିଙ୍କ ଅପେକ୍ଷା ଟିମ୍‌ ଇଣ୍ଡିଆର ଉନଅଧିନାୟକ ରୋହିତ ଶର୍ମାଙ୍କୁ ଲୋକେ ଅଧିକ ପସନ୍ଦ କରନ୍ତି ବୋଲି ଶୋଏବ ଅଖତର କହିଛନ୍ତି ।  ରୋହିତଙ୍କୁ ପାକ୍‌ କ୍ରିକେଟ ପ୍ରେମୀ ଭୂୟସୀ ପ୍ରଶଂସା କରୁଥିବା ବେଳେ ତାଙ୍କୁ ପାକିସ୍ତାନର ଇଂଜମାମ ବୋଲି କହୁଛନ୍ତି।

ପୂର୍ବତନ ପାକିସ୍ତାନ ଅଧିନାୟକ ଇଂଜମାମ-ଉଲ-ହକ୍‌ଙ୍କୁ ବିଶ୍ବର ସର୍ବକାଳୀନ ମହାନ ବ୍ୟାଟ୍ସମ୍ୟାନଙ୍କ ମଧ୍ୟରେ ବିଚାର କରାଯାଏ। ସେ କ୍ରିଜ୍‌ରେ ଅଧିକ ସମୟ ରହି ଖେଳୁଥିଲେ।  ତାଙ୍କୁ କ୍ରିକେଟ ଭାଷାରେ ‘ଲେଜି ଏଲିଗାନ୍ସ’ ପାଇଁ ପସନ୍ଦ କରାଯାଏ।  ତାଙ୍କ ଭଳି ରୋହିତ ଶର୍ମା ମଧ୍ୟ ପଡ଼ିଆରେ ବହୁ ସମୟ ଧରି ଖେଳନ୍ତି । ଏହା ସହ ରୋହିତ ବହୁ ନମ୍ରତାର ସହ ଖେଳନ୍ତି। ଭାରତ ଏବଂ ପାକିସ୍ତାନ ମଧ୍ୟରେ ନିୟମତି ବ୍ୟବଧାନରେ ଆଉ ଖେଳ ହେଉନାହିଁ। କିନ୍ତୁ କ୍ରେକେଟ ପ୍ରେମୀଙ୍କ ଠାରେ ଆଗାମୀ ମୁକାବିଲାକୁ ନେଇ ରୋମାଞ୍ଚ ଭରି ହୋଇ ରହିଛି। ଦୁଇ ଟିମ୍‌ ଟି-୨୦ ୨୦୨୧ ବିଶ୍ବକପ୍‌ରେ ରବିବାର ସାମ୍ନାସାମ୍ନି ହେବେ। ଏହାକୁ ନେଇ ଦୁଇ ଦେଶର ପୂର୍ବତନ କ୍ରିକେଟର ନିଜ ନଜର ଅନୁଭୂତି ବଖାଣୁଛନ୍ତି।

ଜି ନ୍ୟୁଜ୍‌ ସହ ଆଲୋଚନା ବେଳେ ରାଓ୍ବଲପିଣ୍ଡି ଏକ୍ସପ୍ରେସ୍‌ କହିଛନ୍ତି, ପାକିସ୍ତାନର ଲୋକମାନେ ଭାରତୀୟ କ୍ରିକେଟରଙ୍କୁ ବହୁତ ପ୍ରାଶଂସା କରନ୍ତି । ଭାରତ ପାଇଁ ପାକିସ୍ତାନରେ ସକାରାତ୍ମକ ଭାବନା ଥିବା ମଧ୍ୟ ଶୋଏବ କହିଛନ୍ତି । ଆଜି ଏମିତି କେହି ପାକିସ୍ତାନୀ ନାହାଁନ୍ତି ଯିଏ କହିବେ କି ଭାରତ ପାଖରେ ଭଲ ଟିମ୍‌ ନାହିଁ । ସେମା​‌ନେ ଖୋଲାଖୋଲି ଭାରତର ପ୍ରଶଂସା କରୁଛନ୍ତି ।

ବିରାଟ କୋହଲିଙ୍କୁ ବଡ଼ ଖେଳାଳି ବୋଲି ମାନୁଛନ୍ତି କିନ୍ତୁ ତାଙ୍କଠୁ ବଡ଼ ରୋହିତ ଶର୍ମା ବୋଲି କହୁଛନ୍ତି । ସେ ଭାରତର ଇଂଜମାମ ବୋଲି ପାକିସ୍ତାନୀ କହୁଥିବା ପାକ୍‌ ପୂର୍ବତନ କ୍ରିକେଟର କହିଛନ୍ତି। ଏହା ସହ ରୁଷଭ ପନ୍ତ ଅଷ୍ଟେ୍ରଲିଆରେ ଯେମିତି ପ୍ରଦର୍ଶନ କରିଥିଲେ ସେଥିପାଇଁ ତାଙ୍କୁ ଲୋକେ ପସନ୍ଦ କରୁଛନ୍ତି। ତାଙ୍କ ପରେ ସୂର୍ଯ୍ୟକୁମାର ଯାଦବଙ୍କୁ ଲୋକେ ପ୍ରଶଂସା କରୁଛନ୍ତି। ପାକିସ୍ତାନରେ ଭାରତ ପ୍ରତି ସଦଭାବନା ରହିଥିବା ଶୋଏବ ଅଖତର କହିଛନ୍ତି ।

   Related Posts