Tuesday, January 21, 2020

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନାଗରିକ ସଂଶୋଧନ ବିଲ : ସଂସଦରେ ସମର୍ଥନ ପରେ ସଂଜୟ ରାଉତ କହିଲେ- ରାଜନୀତିରେ ଅନ୍ତିମ କିଛି ନଥାଏ…

ମୁମ୍ବାଇ ୧୦।୧୨: ସୋମବାର ଲୋକସଭାରେ ନାଗରିକ ସଂଶୋଧନ ବିଲ୍ -୨୦୧୯ ପାସ ହୋଇଛି ।ବିଲ ସପକ୍ଷରେ ୩୧୧ ଖଣ୍ଡ ଭୋଟ ପଡିଥିବା ବେଳେ ବିଲ୍ ବିପକ୍ଷରେ ୮୦ଖଣ୍ଡ ପଡିଥିଲା । ବିଲ୍‌କୁ ସମର୍ଥନ କରିଥିବା ଦଳ ମଧ୍ୟରେ ଶିବସେନା ବି ରହିଛି  ।

ସୂଚନାଯୋଗ୍ୟ ଯେ, ଲୋକସଭାରେ ନାଗରିକତା ସଂଶୋଧନ ବିଲ-୨୦୧୯କୁ ଶିବସେନା ସମର୍ଥନ କରିଛି । ସେପଟେ ଶିବସେନା ନେତା ତଥା ରାଜ୍ୟସଭା ସାଂସଦ ସଂଜୟ ରାଉତ ଟ୍ବିଟ କରି  ରାଜନୀତିରେ କିଛି ଅନ୍ତିମ ନଥାଏ , ସବୁ କିଛି ଚାଲିଥାଏ ବୋଲି ଲେଖିଛନ୍ତି ।

ସଂଜୟ ରାଉତଙ୍କ ଟ୍ବିଟ ପରେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି ଯେ, ମହାରାଷ୍ଟ୍ରରେ କଂଗ୍ରେସ ଓ ଏନସିପି ସହିତ ମିଶି ସରକାର ଗଠନ କରିବା ପରେ ଶିବସେନା ନାଗରିକ ସଂଶୋଧନ ବିଲକୁ ସମର୍ଥନ କଣ ପାଇଁ କରିଛି । ପୂର୍ବରୁ ନାଗରିକତା ସଂଶୋଧନ ବିଲକୁ ନେଇ ଶିବସେନା ପ୍ରଶ୍ନ ଉଠାଇ କହିଥିଲା ଯେ, ଆମ ଦେଶରେ କଣ ସମସ୍ୟାର ଅଭାବ ଅଛି ଯେ ଆମେ ଅନ୍ୟଦେଶର ବୋଝ ନେବାକୁ ଯାଉଛେ । ଏହାସହିତ ସାମନାରେ ମଧ୍ୟ ଲେଖିଥିଲା ଯେ, ବେଆଇନ ଶରଣାର୍ଥୀଙ୍କୁ ସୀକୃତି ଦେବା ଦେଶରେ ଧର୍ମର ଯୁଦ୍ଧର ସାମ୍ନା କରିବା ଭଳି କାମ ଆମେ କରିବୁ ନାହିଁ ।

278 Views

   ସମ୍ବନ୍ଧିତ ଖବର


Loading...