Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଏକାଠି ନିର୍ବାଚନ ଲଢିଥିବା ଶିବସେନା ଓ ବିଜେପି ମଧ୍ୟରେ ଏବେ ମନାନ୍ତର- ମୁଖ୍ୟମନ୍ତ୍ରୀ ପଦକୁ ନେଇ ଅଡି ବସିଛି ଶିବସେନା

26/10/2019 at 4:10 PM

ମୁମ୍ବଇ- ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଶିବସେନା ଓ ବିଜେପି ମଧ୍ୟରେ ମେଣ୍ଟ ହୋଇଥିଲା । ଏହି ମେଣ୍ଟ ବି ସଂଖ୍ୟା ଗରିଷ୍ଠତା ହାସଲ କରିଛି । ବିଜେପି ସର୍ବାଧିକ ଆସନରେ ବିଜୟ ଲାଭ କରିଥିବା ବେଳେ ଶିବସେନା ଦ୍ୱିତୀୟ ସ୍ଥାନରେ ରହିଛି । ଗତ ନିର୍ବାଚନରେ ବିଜେପି ୧୨୨ଟି ଆସନରେ ବିଜୟ ଲାଭ କରିଥିବା ବେଳେ ଚଳିତ ନିର୍ବାଚନରେ ୧୦୫ଟି ଆସନରେ ବିଜୟ ଲାଭ କରିଛି । ୧୫ ନିର୍ଦଳୀୟ ବିଧାୟକ ବିଜେପିକୁ ସମର୍ଥନ ଦେଉଥିବା ବିଜେପି ଦାବି କରିଛି । ଏମାନଙ୍କ ମଧ୍ୟରେ ବିଜେପିର ବିଦ୍ରୋହୀ ପ୍ରାର୍ଥୀ ଓ ସେମାନଙ୍କ ସମର୍ଥକ ରହିଛନ୍ତି । ଏବେ ଏମାନଙ୍କୁ ମିଶାଇଲେ ବିଜେପି ନିକଟରେ ୧୨୦ ଜଣ ବିଧାୟକ ରହିଛନ୍ତି । ଗତ ଥର ଶିବସେନାକୁ ୬୩ଟି ଆସନ ମିଳିଥିବା ବେଳେ ଚଳିତ ଥର ଏହା କମି ୫୬ରେ ପହଞ୍ଚିଛି । ମାତ୍ର ଶିବସେନା ଏବେ ୫୦-୫୦ ଭାଗୀଦାରି ପାଇଁ ଅଡି ବସିଥିବା ବେଳେ ମୁଖ୍ୟମନ୍ତ୍ରୀ ପଦ ପାଇଁଦାବି ବି କରିଛି ।

ଏପରି ମାନିପାରେ ଶିବସେନା
ଏବେ ଶିବସେନା ପ୍ରଥମ ଅଢେଇ ବର୍ଷ ଦେବେନ୍ଦ୍ର ଫଡନାଭିସ୍‌ ମୁଖ୍ୟମନ୍ତ୍ରୀ ରହିବେ ପରେ ଶିବସେନାର ଆଦିତ୍ୟ ଠାକରେଙ୍କୁ ଉପ ମୁଖ୍ୟମନ୍ତ୍ରୀ କରିବେ । ପରେ ସେ ଶାସନ କରିବା ବୁଝିଯିବା ପରେ ଆଦିତ୍ୟଙ୍କୁ ମୁଖ୍ୟମନ୍ତ୍ରୀ କରିବେ । ନହେଲେ ରାଜ୍ୟର ମହତ୍ତ୍ୱପୂର୍ଣ୍ଣ ଗୃହ ଓ ରାଜସ୍ୱ ମନ୍ତ୍ରାଳୟ ମିଳିଲେ ଶିବସେନା ମାନି ପାରେ ବୋଲି ରାଜନୈତିର ବିଶେଷଜ୍ଞ ମତ ପ୍ରକାଶ କରିଛନ୍ତି ।

ଏବେ ଶିବସେନା ପାଇଁ କଂଗ୍ରେସ ଓ ଏନ୍‌ସିପି ମେଣ୍ଟ ନିଜର ଦ୍ୱାର ଖୋଲା ରଖିଛନ୍ତି । ଶିବସେନା ବି ବିକଳ୍ପ ଖୋଲା ରଖିଛି । ଚଳିତ ଥର ଏନ୍‌ସିପି ୫୪ଟି ଆସନରେ ବିଜୟ ଲାଭ କରିଥିବା ବେଳେ କଂଗ୍ରେସ ୪୪ଟି ଆସନରେ ବିଜୟ ଲାଭ କରିଛି । ଶିବସେନାର ୫୬ଟି ଆସନ ଥିବା ବେଳେ ଆବଶ୍ୟକୀୟ ୧୪୪ ଆସନରୁ ଏହା ଅଧିକ ରହିଛି ।

ଏବେ କଂଗ୍ରେସ ଯେନତେନ ପ୍ରକାରଣେ ବିଜେପିକୁ ମହାରାଷ୍ଟ୍ରରେ ଶାସନ କ୍ଷମତାରୁ ଦୂରରେ ରଖିବା ପାଇଁ ଚାହୁଁଛି । ଏବେ ରାଜନୈତିକ ସମୀକରଣ କଣ ହେବା ତାକୁ କେବଳ ଅପେକ୍ଷା ।

   Related Posts