ନୂଆଦିଲ୍ଲୀ ୬|୬: କିଏ ହେବ ଲୋକସଭାର ଉପ-ବାଚସ୍ପତି ତାକୁ ନେଇ ସସପେନ୍ସ ବଢି ବଢି ଚାଲିଛି । ବିଜେଡି ପକେଟକୁ ଏହି ପୋଷ୍ଟ ଯିବା ନେଇ ଗଣମାଧ୍ୟମରେ ଜୋରସୋରରେ ଚର୍ଚ୍ଚା ଚାଲିଥିବା ବେଳେ, ଏବେ ଏହି ଘଟଣାରେ ଟ୍ବିଷ୍ଟ ଆସିଛି । ହଠାତ୍ ଏନଡିଏ ସହଯୋଗୀ ଶିବସେନା ଲୋକସଭାର ଡେପୁଟି ସ୍ପିକର ପଦ ପାଇଁ ଲବି ଆରମ୍ଭ କରିଛି ।
ବାଜପେୟୀ ସରକାରରେ ଶିବସେନା ପାଖରେ ରହିଥିଲା ବାଚସ୍ପତି ଚୌକି । ମନୋହର ଯୋଶୀ ସେ ସମୟରେ ହୋଇଥିଲେ ବାଚସ୍ପତି । ତେଣୁ ଶିବସେନାର ଡିମାଣ୍ଡ ପରେ ବିଜେଡି ପାଖକୁ ଉପବାଚସ୍ପତି ପଦବୀ ଆସିବ ନା ନାହିଁ ସେନେଇ ଆରମ୍ଭ ହୋଇଛି ଚର୍ଚ୍ଚା । ପୂର୍ବରୁ ବିଜେଡିର ଭର୍ତ୍ତୃହରି ମହତାବଙ୍କୁ ଉପବାଚସ୍ପତି କରିବା ଲାଗି ବିଚାର ବିମର୍ଶ ଚାଲିଥିଲା। ଗୋଟିଏ ପଟେ ବିଜେଡି ଏନେଇ ପ୍ରତିକ୍ରିୟା ରଖିନଥିବା ବେଳ ସେପଟେ ଶିବସେନାର ଦାବି ପରେ ଏହାକୁ ନେଇ ପୁଣି ଜୋର ଧରିଛି ଚର୍ଚ୍ଚା।
