ମୁମ୍ବାଇ ୧୫।୧୧: ମହାରାଷ୍ଟ୍ରରେ ପରବର୍ତ୍ତୀ ସରକାର ଗଠନ ପାଇଁ ଶିବସେନା-ଏନସିପି- କଂଗ୍ରେସ ମଧ୍ୟରେ ଏକରକମର ସହମତି ହୋଇଛି । ଏହି ତିନିଦଳର ନେତାଙ୍କର ବସିଥିବା ବୈଠକରେ ସରକାର ଗଠନର ପ୍ରକ୍ରିୟା ନେଇ ଆଲୋଚନା ହୋଇଥିଲା । ଏଥିରେ ମେଣ୍ଟ ପାଇଁ ସର୍ବନିମ୍ନ ସାଧାରଣ କାର୍ଯ୍ୟସୂଚୀକୁ ଚୂଡ଼ାନ୍ତ କରାଯାଇଛି ।
ତେବେ ଶିବସେନାର ହିନ୍ଦୁତ୍ବ ଆଭିମୁଖ୍ୟ ଉପରେ ଏବେବି କଂଗ୍ରେସର ଆପତ୍ତି ରହିଛି । ସେହିପରି କେନ୍ଦ୍ର ସରକାରରେ ଶିବସେନା ଅଂଶୀଦାର ଦଳ ହୋଇଥିବାରୁ ଏହା ଉପରେ ମଧ୍ୟ କଂଗ୍ରେସ ଆପତ୍ତି କରିଛି । ତେଣୁ ଆଗାମୀ ଏନଡିଏ ବୈଠକରେ ଶିବସେନା ଯୋଗ ନଦେଇପାରେ । ସେପଟେ ବିଜେପି ନେତା ନିତୀନ ଗଡକରି କହିଛନ୍ତି କ୍ରିକେଟ ଓ ରାଜନୀତିରେ କିଛି ବି ହୋଇପାରେ । ତେବେ ମହାରାଷ୍ଟ୍ରରେ ଯିଏ ବି ସରକାରା ଗଢୁ କିନ୍ତୁ ସ୍ଥାୟୀ ହେଉ ବୋଲି କହିଛନ୍ତି ।
