Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ବିଦେଶୀ ଯୁବତୀ ନଗ୍ନ ହୋଇ ଡେଇଁଲେ ନଦୀକୁ : ଥାନା ଅଧିକାରୀ ନିଜ ଜୀବନକୁ ବାଜିରେ ଲଗାଇ ବଞ୍ଚାଇଲେ ତାଙ୍କୁ,ଏହାପରେ….

12/08/2019 at 2:41 PM

ଜୟପୁର ୧୨/୮: ରାଜସ୍ତାନର ରାଜଧାନୀ ଜୟପୁରରେ  ପୋଲିସର ଜଣେ ଏସଏଚଓଙ୍କ ବାସ୍ତବ ସିଂଘମ୍ ରୂପ ସାମନାକୁ ଆସିଛି। ଏହି ଏସଏଚଓ ଜଣକ ନିଜ ଜୀବନକୁ ବାଜି ଲଗାଇ ଆତ୍ମହତ୍ୟା ଉଦ୍ୟମ କରୁଥିବା ବିଦେଶୀ ଯୁବତୀଙ୍କୁ ବଞ୍ଚାଇଥିଲେ। ସୂଚନା ଅନୁସାରେ ଜୟପୁରର ଶିପ୍ରାପଥ ଥାନା ଅଞ୍ଚଳରେ ଶନିବାର ସନ୍ଧ୍ୟାରେ ଜଣେ ବିଦେଶୀ ଯୁବତୀ ଦ୍ରବ୍ୟବତୀ ନଦୀକୁ ଡେଇଁ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ। ଶିପ୍ରାପଥ ଥାନା ଅଧିକାରୀ ସୁରେନ୍ଦ୍ର ଯାଦବ ନିଜ ଜୀବନକୁ ବାଜି ଲଗାଇ ତାଙ୍କୁ ବଞ୍ଚାଇଥିଲେ। ଏହି ଯୁବତୀଙ୍କ ନାଁ ଓଶିନ ମିଶେଲ ଭାକରେ। ସେ ଜଣେ ପ୍ରବାସୀ ଭାରତୀୟ। ସେ ଓମାନର ରାଜଧାନୀ ମସ୍କଟରେ ରୁହନ୍ତି। ବର୍ତ୍ତମାନ ସେ ଦୁର୍ଗାପୁରା ସ୍ଥିତ ଡାଲଡା ଫ୍ୟାକ୍ଟ୍ରି ପାଖରେ ଥିବା ଏକ ଆପାର୍ଟମେଣ୍ଟରେ ରହୁଥିଲେ।

  ଏହି ଯୁବତୀ ସନ୍ଧ୍ୟାରେ ଦ୍ରବ୍ୟବତୀ ନଦୀ କୂଳରେ ବୁଲୁଥିବା ଦେଖାଯାଇଥିଲା। ଏହି ସମୟରେ ହଠାତ୍ ସେ ତାଙ୍କ ପୋଷାକ ଖୋଲି ନଗ୍ନ ହୋଇ ନଦୀକୁ ଡେଇଁଥିଲେ। ଯୁବତୀ ନଦୀକୁ ଡେଇଁବାର ସୂଚନା ପାଇ ଏସଏଚଓ ସୁରେନ୍ଦ୍ର ଯାଦବ ଘଟଣାସ୍ଥଳକୁ ପହଞ୍ଚିଥିଲେ। ସେ ସମୟ ନଷ୍ଟ ନକରି ସେଠାରେ ଉପସ୍ଥିତ ଥିବା ଗାର୍ଡ଼ଙ୍କଠୁ ଦଉଡ଼ି ନେଇ ନିଜ ଅଣ୍ଟାରେ ବାନ୍ଧିଥିଲେ ଏବଂ ଖାକି ପୋଷାକରେ ନଦୀକୁ ଡେଇଁଥିଲେ। କିଛି ସମୟ ପରେ ସେ ଯୁବତୀଙ୍କୁ ନଦୀରୁ ବାହାର କରିଥିଲେ ଏବଂ ତାଙ୍କୁ ଜୟପୁର ହସ୍ପିଟାଲକୁ ନେଇ ପହଞ୍ଚାଇଥିଲେ।

ସୁରେନ୍ଦ୍ର ଯାଦବ ଯୁବତୀଙ୍କୁ ପାଣିରୁ ବାହାର କରିବା ସମୟରେ ଯୁବତୀ ଏହାର ବିରୋଧ କରିଥିଲେ ଏବଂ ହାତ ଗୋଡ଼ ଛାଟିଥିଲେ। ଏହା ସହ ସୁରେନ୍ଦ୍ରଙ୍କୁ କାମୁଡ଼ି ଦେଇଥିଲେ। ଅନେକ କଷ୍ଟରେ ସେ ଯୁବତୀଙ୍କୁ ସକୁଶଳ ନଦୀରୁ ବାହାର କରି ପାରିଥିଲେ। ସେଠାରେ ଉପସ୍ଥିତ ଥିବା ମହିଳାମାନେ ଯୁବତୀଙ୍କ ଶରୀରରେ ଓଢ଼ଣୀ ଢାଙ୍କି ଦେଇଥିଲେ। ଏହା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ। ବର୍ତ୍ତମାନ ଯୁବତୀ କାହିଁକି ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ ତାହା ଜଣାପଡ଼ିନାହିଁ।  

ଏହି ଘଟଣା ପରେ ଜୟପୁର ପୋଲିସ୍ ନିଜ ଫେସବୁକ୍ ପେଜରେ ଏସଏଚଓ ସୁରେନ୍ଦ୍ର ଯାଦବଙ୍କ ଉତ୍ସାହିତ କରିବା ପାଇଁ ଲେଖିଛନ୍ତି ଯେ ଆମେ ଅଭିନନ୍ଦନ ଜଣାଉଛୁ ଯେ ଆମ ହୀରୋ ସୁରେନ୍ଦ୍ର ଯାଦବ ନିଜ ଜୀବନକୁ ବାଜି ଲଗାଇ ଦ୍ରବ୍ୟବତୀ ନଦୀକୁ ଡେଇଁ ଯୁବତୀଙ୍କ ଜୀବନ ବଞ୍ଚାଇଥିଲେ। ସେ କୈାଣସି ଉପକରଣ ବିନା ନଦୀକୁ ଡେଇଁଥିଲେ ଏବଂ ଯୁବତୀଙ୍କ ଜୀବନ ବଞ୍ଚାଇଥିଲେ।

ସୁରେନ୍ଦ୍ର ଯାଦବ ୧୯୯୭ମସିହାରେ ଏସଆଇ ଭାବେ ପୋଲିସ୍ ବାହିନୀରେ ସାମିଲ ହୋଇଥିଲେ। ୨୦୧୫ମସିହାରେ ଇନସ୍ପେକ୍ଟର ଭାବେ ତାଙ୍କର ପଦୋନ୍ନତି ହୋଇଥିଲା।

   Related Posts