Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ନୱାଫ ଅଲ-ଅହମ୍ମଦ ହେଲେ କୁଏତର ନୂଆ ଅମୀର

30/09/2020 at 8:38 PM

କୁଏତସିଟି ୩୦।୯: କୁଏତର ୱଲି ଅହଦ ଶେଖ ନୱାଫ ଅଲ ଅହମ୍ମଦ ଅଲ ଶବାହ ବୁଧବାର ଦେଶର ନୂଆ ଅମୀର(ଶାସକ) ଭାବେ ପଦ ଓ ଗୋପନୀୟତାର ଶପଥପାଠ କରିଛନ୍ତି। ତୈଳ ସମୃଦ୍ଧ ଏହି କ୍ଷୁଦ୍ର ଦେଶର ଶାସକ ତଥା ଶେଖ ନୱାଫଙ୍କ ସାବତ ଭାଇ ଶେଖ ସବାହ ଅଲ ଅହମ୍ମଦ ଅଲ ସବାହଙ୍କର ମଙ୍ଗଳବାର ପରଲୋକ ହୋଇଛି। ଏଣୁ ଦେଶର ନୂଆ ଅମୀର ଭାବେ ଶେଖ ନୱାଫ ଦାୟିତ୍ୱଗ୍ରହଣ କରିଛନ୍ତି।

୮୩ ବର୍ଷ ବୟସ୍କ ଶେଖ ନୱାଫ ଦୀର୍ଘ ସମୟ ପର୍ଯ୍ୟନ୍ତ ଦେଶର ସୁରକ୍ଷାସେବା ସହ ନିଜକୁ ସମ୍ପୃକ୍ତ ରଖିଥିଲେ। ତେବେ ଶେଖ୍ ନୱାଫ ଅମୀର ହେବାପରେ ଏବେ ନୂଆ ୱଲି ଅହମ୍ମଦଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ପଡୋଶୀ ଆରବ ଦେଶମାନଙ୍କ ତୁଳନାରେ କୁଏତ ଅଧିକ ସ୍ୱତନ୍ତ୍ର। ଏଠାରେ ସାଂସଦ ନିର୍ବାଚିତ ହୁଅନ୍ତି। ତେବେ ଦେଶର ପୂର୍ବ ଅମୀରଙ୍କ ପରଲୋକରେ ବୁଧବାରଠାରୁ ଆଗାମୀ ୪୦ ଦିନ ପର୍ଯ୍ୟନ୍ତ ରାଷ୍ଟ୍ରୀୟ ଶୋକ ପାଳନ ହେବ।

ଶେଖ ନୱାଫ ଅତୀତରେ ଦେଶର ଗୃହମନ୍ତ୍ରୀ, ପ୍ରତିରକ୍ଷାମନ୍ତ୍ରୀ, ସାମାଜିକ କାର୍ଯ୍ୟମନ୍ତ୍ରୀ ଭାବେ ଦକ୍ଷତାର ସହ ଦାୟିତ୍ୱ ତୁଲାଇଥିବା ବେଳେ ସେନା ବାହିନୀର ଉପମୁଖ୍ୟ ପଦରେ ମଧ୍ୟ କାର୍ଯ୍ୟ କରିସାରିଛନ୍ତି। ଶେଖ ସବାହ ତାଙ୍କର ଚତୁର କୂଟନୀତି ଓ ଶାନ୍ତି ପ୍ରୟାଶ ଲାଗି ସାରା ବିଶ୍ୱରେ ପରିଚିତ ଥିଲେ।  ତାଙ୍କ ବିୟୋଗରେ ଭାରତ ସମେତ ବିଭିନ୍ନ ଦେଶ ଦୁଃଖ ବ୍ୟକ୍ତ କରିଛନ୍ତି।

   Related Posts