Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ଇତିହାସ ରଚିଲେ ଶେଫାଳୀ, ସବୁଠୁ କମ ବୟସରେ ତିନି ଫର୍ମାଟ୍‌ରେ ପଦାର୍ପଣ କରିବାରେ ପ୍ରଥମ ଭାରତୀୟ ଖେଳାଳି

27/06/2021 at 6:08 PM

ନୂଆଦିଲ୍ଲୀ ୨୭।୦୬: ଇତିହାସ ରଚିଲେ ଭାରତୀୟ ମହିଳା କ୍ରିକେଟ୍ ଖେଳାଳି ଶେଫାଳୀ ବର୍ମା। ୧୭ ବର୍ଷ ବୟସର ଏହି ଯୁବ ଖେଳାଳି ଇଂଲଣ୍ଡ ବିପକ୍ଷ ଦିନିକିଆରେ ପଦାର୍ପଣ କରିଛନ୍ତି। ଏଥିସହ ତିନି ଫର୍ମାଟ୍‌ରେ ସବୁଠୁ କମ ବୟସରେ ଡେବ୍ୟୁ କରିବାରେ ପ୍ରଥମ ଭାରତୀୟ ଖେଳାଳି ହେବାର ଗୌରବ ଅର୍ଜନ କରିଛନ୍ତି। ୧୭ ବର୍ଷ ୧୫୦ ଦିନ ବୟସରେ ଶେଫାଳୀ ନିଜର ପ୍ରଥମ ଦିନିକିଆ ମ୍ୟାଚ୍ ଖେଳିବାକୁ ଆଜି ପଡିଆକୁ ଓହ୍ଲାଇଛନ୍ତି। ହେଲେ ସେ ଅଧିକ ସମୟ କ୍ରିଜରେ ତିଷ୍ଠି ପାରିନଥିଲେ। ମାତ୍ର ୧୫ ରନ କରି ଆଉଟ୍ ହୋଇଥିଲେ।

ସୂଚନାଯୋଗ୍ୟ, ଶେଫାଳୀ ୧୫ ବର୍ଷ ୨୩୯ ଦିନ ବୟସରେ ପ୍ରଥମ ଟି-୨୦ ଅନ୍ତରାଷ୍ଟ୍ରୀୟ ମ୍ୟାଚ୍ ଖେଳିଥିଲେ। ସେହି ପରି ୧୭ ବର୍ଷ ୧୩୯ ଦିନ ବୟସରେ ଟେଷ୍ଟ ପଦାର୍ପଣ କରିଥିଲେ। ଶେଫାଳି ଏ ପର୍ଯ୍ୟନ୍ତ ୨୨ ଅନ୍ତରାଷ୍ଟ୍ରୀୟ ଟି-୨୦, ଗୋଟିଏ ଟେଷ୍ଟ ଖେଳିଛନ୍ତି। ୧୭ ବର୍ଷୀୟ ଏହି ଖେଳାଳି ନିଜ ପ୍ରଦର୍ଶନ ବଳରେ ସଭିଙ୍କ ଦୃଷ୍ଟି ଆକର୍ଷଣ କରିଛନ୍ତି।

ରବିବାର ଭାରତ ଓ ଇଂଲଣ୍ଡ ମହିଳା କ୍ରିକେଟ୍ ଦଳ ମଧ୍ୟରେ ପ୍ରଥମ ଦିନିକିଆ ମ୍ୟାଚ୍ ଖେଳା ଯାଉଛି। ଇଂଲଣ୍ଡ ମହିଳା ଦଳ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଭାରତ ପକ୍ଷରୁ ଶେଫାଳି ବର୍ମା ପଦାର୍ପଣ କରିଥିବା ବେଳେ ଏହି ଫର୍ମାଟରେ ଶିଖା ପାଣ୍ଡେ ଓ ତାନିଆ ଭାଟିଆଙ୍କ ଦଳକୁ ପ୍ରତ୍ୟାବର୍ତ୍ତନ  ଘଟିଛି। ଶେଫାଳୀ ନିଜର ପଦାର୍ପଣ ମ୍ୟାଚ୍‌ରେ ୧୪ ବଲ୍‌ରୁ ୩ ଚୌକା ସହ ୧୫ ରନ କରି ଆଉଟ୍ ହୋଇଛନ୍ତି। ଖବର ଲେଖାଯିବା ସୁଦ୍ଧା ଭାରତୀୟ ଦଳ ୩୯ ଓଭରରେ ୪ ଓ୍ଵିକେଟ୍  ହରାଇ ୧୩୧ ରନ କରିଛି। ଅଧିନାୟକ ମିତାଲି ରାଜ ୪୬ ଏବଂ ଦୀପ୍ତି ଶର୍ମା ୧୯ ରନ କରି ଖେଳୁଛନ୍ତି। ଭାରତ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟର ଶିକାର ହୋଇ ୮୪ ରନରେ ୪ ଓ୍ଵିକେଟ୍ ହରାଇଥିଲା।

ତିନି ଫର୍ମାଟ୍‌ରେ ସବୁଠୁ କମ ବୟସରେ ପଦାର୍ପଣ କରିଥିବା ଖେଳାଳି

୧୭ ବର୍ଷ ୭ ଦିନ- ମୁଜିବ ଉର ରେହମାନ (ଆଫଗାନିସ୍ତାନ)

୧୭ ବର୍ଷ ୮୬ ଦିନ- ସେରା ଟେଲର (ଇଂଲଣ୍ଡ ମହିଳା କ୍ରିକେଟ୍‌ର)

୧୭ ବର୍ଷ ୧୦୪ ଦିନ- ଏଲିସ ପେରି (ଅଷ୍ଟ୍ରେଲିଆ ମହିଳା କ୍ରିକେଟର)

୧୭ ବର୍ଷ ୧୦୮ ଦିନ- ମହମ୍ମଦ ଆମିର (ପାକିସ୍ତାନ)

୧୭ ବର୍ଷ ୧୫୦ ଦିନ- ଶେଫାଳୀ ବର୍ମା (ଭାରତ ମହିଳା)

   Related Posts