Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରାର୍ଥୀ ତାଲିକା ଘୋଷଣା କଲେ ମମତା ବାନାର୍ଜୀ : ନନ୍ଦିଗ୍ରାମରୁ ଲଢିବେ ଦିଦି, ମୁସଲିମ ପ୍ରାର୍ଥୀଙ୍କୁ ପ୍ରାଧାନ୍ୟ
  • ||
  • ଆଠଗଡ : କାଜୁ ବଗିଚାରୁ ଅଜଣା ମହିଳାଙ୍କ ମୃତଦେହ ଠାବ, ହତ୍ୟା ନା ଆତ୍ମହତ୍ୟା ?
  • ||
  • ଭଦ୍ରକ : ସେବା ସମବାୟ ସମିତିରେ ଧାନ କିଣାକୁ ନେଇ ବ୍ୟାପକ ଜାଲିଆତି, ଡାଟା ଏଣ୍ଟ୍ରି ଅପରେଟର ଓ ସମ୍ପାଦକ ନିଲମ୍ବିତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୯୧ କୋଭିଡ୍ ପଜିଟିଭ୍, ୩୩୭୬୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେବଗଡ : ଅଭିଯୋଗକାରିଣୀଙ୍କୁ ଲାଞ୍ଚ ମାଗି ନିଲମ୍ବିତ ହେଲେ ଏଏସଆଇ
  • ||
  • ନୀଳଗିରି : ମହିଳା ସମିତି ସଭ୍ୟାଙ୍କୁ ଦୁର୍ବ୍ୟବହାର ଅଭିଯୋଗ, ବିଜେଡି ବିଧାୟକ ପ୍ରାର୍ଥୀଙ୍କ ନାଁରେ ମାମଲା ରୁଜୁ
  • ||
  • ବିନିକା : ସହିପାରିଲେନି ବାପଘରୁ ବିଦା ହେବାର ଦୁଃଖ, କାନ୍ଦି କାନ୍ଦି ଚାଲିଗଲା ନବବଧୂଙ୍କ ଜୀବନ
  • ||
  • ଆଠଗଡ : ବାଇକ୍‌କୁ ଧକ୍କା ଦେଲା ‘ନିଶା’ : ଆରୋହୀ ମୃତ, ବସ୍ ଡ୍ରାଇଭର ଫେରାର
  • ||
  • ବଲାଙ୍ଗିର : ନାଳରୁ ଯୁବକଙ୍କ ମୃତଦେହ ଉଦ୍ଧାର, ବେଡ୍‌ସିଟ୍ ଗୁଡାଇ ଛାତ ଉପରୁ ଫିଙ୍ଗି ଦେଇଥିବା ସନ୍ଦେହ
  • ||
  • ବାରଙ୍ଗ : ବହୁଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା : ସିନ୍ ରିକ୍ରିଏସନ୍ କଲା ସିବିଆଇ ଟିମ୍, ବିବନ ବଖାଣିଲା ୨୨ବର୍ଷ ତଳର ଲୋମଟାଙ୍କୁରା ଘଟଣା
  • ||

ରେଡ୍ ମାର୍କରେ ସେୟାର ବଜାର : ସେନସେକ୍ସ ୪୭୭ ଅଙ୍କ ହ୍ରାସ, ଡଲାର ତୁଳନାରେ କମୁଛି ଟଙ୍କାର ମୂଲ୍ୟ

18/01/2021 at 3:25 PM

ନୂଆଦିଲ୍ଲୀ ୧୮/୦୧ : ସପ୍ତାହର ପ୍ରଥମ କାରବାର ଦିନରେ ସେୟାର ବଜାର ଲାଲ ସଙ୍କେତ ସହ ଆରମ୍ଭ ହୋଇଛି । ସୋମବାର ବମ୍ବେ ଷ୍ଟକ୍ ଏକ୍ସଚେଞ୍ଜର ସୁଚକାଙ୍କ ଅନୁଯାୟୀ ସେନସେକ୍ସ ୨୭ ଅଙ୍କ ବୃଦ୍ଧି ପାଇ ୪୯,୦୬୧ରେ ଖୋଲିଥିଲା । ସେହିପରି ନେସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୨୦ ଅଙ୍କ ବୃଦ୍ଧି ପାଇ ୧୪,୪୫୩.୩୦ରେ ଖୋଲିଥିଲା ।

କାରବାର ସମୟରେ ସେନସେକ୍ସ ଏବଂ ନିଫ୍ଟି ଉଭୟ ହ୍ରାସ ପାଇଥିବା ଦେଖିବାକୁ ମିଳିଛି । ସକାଳ ସାଢେ ୧୦.୩୦ ସୁଦ୍ଧା ସେନସେକ୍ସ ୪୭୭ ଅଙ୍କ ହ୍ରାସ ପାଇ ୪୮,୫୫୭ ଅଙ୍କକୁ ଖସିଆସିଥିଲା । ନିଫ୍ଟି ମଧ୍ୟ ହ୍ରାସ ପାଇ ୧୪,୨୬୩.୬୦ ଅଙ୍କକୁ ଖସିଆସିଥିଲା । ନେସନାଲ ଷ୍ଟକ୍ ଏକ୍ସଚେଞ୍ଜ ନିଫ୍ଟିର ପ୍ରାୟ ୭୧୦ ସେୟାରରେ ବୃଦ୍ଧି ଏବଂ ୬୬୨ଟି ସେୟାରରେ ହ୍ରାସ ପାଇଥିଲା । ଅନ୍ତରାଷ୍ଟ୍ରୀୟ ବଜାର ଏବଂ ଘରୋଇ ବଜାରରେ କାରବାରରେ ମିଶ୍ରିତ ଫଳାଫଳ ହେତୁ ସେନସେକ୍ସ ଏବଂ ନିଫ୍ଟିରେ ମଧ୍ୟ ସେଭଳି ପ୍ରଭାବ ଦେଖାଯାଉଛି ।

କରେନା ଟିକାକରଣ ଅନେକ ସ୍ଥାନରେ ସଫଳତାର ସହ ଆରମ୍ଭ ହୋଇଯାଇଛି ଏହା ସହ କିଛି ଦେଶରେ କରୋନା ମାମଲା ବୃଦ୍ଧି ପାଉଛି । ଲକଡାଉନ୍‌ ମଧ୍ୟ ଘୋଷଣା କରାଯାଇଛି । ଖାସ କରି ଚୀନର ଅନେକ ସ୍ଥାନରେ ଏଭଳି ଖବର ସାମ୍ନାକୁ ଆସିଛି । ଏହାକୁ ନେଇ ନିବେଶକମାନଙ୍କ ଚିନ୍ତା ବଢିଯାଇଛି ।

ସୋମବାର ଡଲାର ତୁଳନାର ଟଙ୍କାର ମୂଲ୍ୟ ମଧ୍ୟ ସାମାନ୍ୟ ହ୍ରାସ ପାଇଥିବା ଦେଖିବାକୁ ମିଳିଛି । ଟଙ୍କାର ମୂଲ୍ୟ ୧୦ ପଇସା ହ୍ରାସ ପାଇ ୭୩.୨୨ରେ ଖୋଲିଥିଲା । ଶୁକ୍ରବାର ଟଙ୍କାର ମୂଲ୍ୟ ୭୩.୧୨ରେ ବନ୍ଦ ହୋଇଥିଲା । ମେଟାଲ ଇଣ୍ଡେକ୍ସ୍‌ରେ ୪ ପ୍ରତିଶତ ହ୍ରାସ ପରିଲକ୍ଷିତ ହୋଇଛି । ଅଟୋ ଏବଂ ଫାର୍ମା ଇଣ୍ଡେକ୍ସରେ ୨ ଲେଖାଏଁ ହ୍ରାସ ପାଇଛି ।

ଶୁକ୍ରବାର କାରବାରର ଶେଷ ଦିନରେ ନିବେଶକମାନଙ୍କ ଉତ୍ସାହ ଦେଖିବାକୁ ମିଳିନଥିଲା । ବିଶ୍ବ ବଜାରରେ ମହଙ୍ଗାମାଡର ପ୍ରଭାବ ମଧ୍ୟ ସେୟାର ବଜାରରେ ଦେଖିବାକୁ ମିଳିଛି । ଶୁକ୍ରବାର ବମ୍ବେ ଷ୍ଟକ୍ ଏକ୍ସଚେଞ୍ଜର ସୁଚକାଙ୍କ ଅନୁଯାୟୀ ସେନସେକ୍ସ ୫୪୯.୪୯ ଅଙ୍କ ହ୍ରାସ ପାଇ ୪୯,୦୩୪.୬୭ରେ ବନ୍ଦ ହୋଇଥିଲା । ସେହିପରି ନେସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୧୬୧.୯୦ ଅଙ୍କ ହ୍ରାସ ପାଇ ୧୪,୪୩୩.୭୦ରେ ବନ୍ଦ ହୋଇଥିଲା ।

   Related Posts