Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ପୁଣି ଇତିହାସ ରଚିଲା ସେୟାର ବଜାର : ପ୍ରଥମ ଥର ପାଇଁ ସେନସେକ୍ସ ୪୮ ହଜାର ପାର, ଆକାଶ ଛୁଆଁ ନିଫ୍ଟି

4/01/2021 at 4:26 PM

ନୂଆଦିଲ୍ଲୀ ୦୪/୦୧ : ସପ୍ତାହର ପ୍ରଥମ କାରବାର ଦିନରେ ସେୟାର ବଜାରରେ ଜବରଦସ୍ତ ଆରମ୍ଭ ହୋଇଛି । ଇତିହାସରେ ପ୍ରଥମ ଥର ପାଇଁ ସେନସେକ୍ସ ୪୮ ହଜାର ଅଙ୍କ ପାର କରିଛି । ଏହା ସହ ନିଫ୍ଟି ମଧ୍ୟ ୧୪ ହଜାର ଅଙ୍କ ପାର କରିଛି । ସୋମବାର ବମ୍ବେ ଷ୍ଟକ୍ ଏକ୍ସଚେଞ୍ଜର ସୁଚକାଙ୍କ ଅନୁଯାୟୀ ସେନସେକ୍ସ ୨୪୧ ଅଙ୍କ ବୃଦ୍ଧି ପାଇ ୪୮,୧୦୯ରେ ଖୋଲିଥିଲା । ସେହିପରି ନେସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ୮୬ ଅଙ୍କ ବୃଦ୍ଧି ପାଇ ୧୪,୧୦୪.୩୫ରେ ଖୋଲିଥିଲା ।

କାରବାର ସମୟରେ ସେନସେକ୍ସ ୪୮,୧୬୮.୨୨ ଯାଏଁ ଛୁଇଁଥିଲା । ସେହିପରି ନିଫ୍ଟି ମଧ୍ୟ ପ୍ରଥମ ଥର ପାଇଁ ୧୪,୧୧୪.୧୫ ଛୁଇଁଥିଲା । କାରବାର ଆରମ୍ଭରୁ ନିଫ୍ଟିର ପ୍ରାୟ ୧୩୭୪ ସେୟାରରେ ବୃଦ୍ଧି ଏବଂ ୨୨୩ଟି ସେୟାରରେ ହ୍ରାସ ଘଟିଛି । ସମସ୍ତ ସେକ୍ଟରରେ କାରବାର ସବୁଜ ସଙ୍କେତ ସହ ଜାରି ରହିଛି । ଆଇଟି ଏବଂ ପିଏସୟୁ ବ୍ୟାଙ୍କ୍ ସେୟାରରେ ୧ ପ୍ରତିଶତ ଲେଖାଏଁ ବୃଦ୍ଧି ପାଇଛି ।

ସୋମବାର କାରବାର ଆରମ୍ଭରୁ ଡଲାର ତୁଳନାରେ ଟଙ୍କାର ମୂଲ୍ୟରେ ମଧ୍ୟ ଅଭିବୃଦ୍ଧି ଦେଖାଯାଇଛି । ଡଲାର ତୁଳନାରେ ଟଙ୍କା ୧୮ ପଇସା ବୃଦ୍ଧି ପାଇ ୭୨.୯୪ ଟଙ୍କା ପ୍ରତି ଡଲାର ରହିଛି । ଶୁକ୍ରବାର ଡଲାର ତୁଳନାରେ ଟଙ୍କାର ମୂଲ୍ୟ ୭୩.୧୨ ଟଙ୍କା ଥିଲା ।

ଏହା ପୂର୍ବରୁ ଶୁକ୍ରବାର ବମ୍ବେ ଷ୍ଟକ୍ ଏକ୍ସଚେଞ୍ଜର ସୁଚକାଙ୍କ ଅନୁଯାୟୀ ସେନସେକ୍ସ ୩୪ ଅଙ୍କ ବୃଦ୍ଧି ପାଇ ୪୭,୭୮୫ରେ ଖୋଲିଥିଲା । ଯେତେବେଳେକି ନିଫ୍ଟି ୧୫ ଅଙ୍କ ବୃଦ୍ଧି ପାଇ ୧୩,୯୯୬.୧୦ରେ ଖୋଲିଥିଲା । ଏହା ପରେ ସେୟାର ବଜାର ବନ୍ଦ ହେବା ବେଳକୁ ସେନସେକ୍ସ ୧୧୭.୬୫ ଅଙ୍କ ବୃଦ୍ଧି ସହ ୪୭,୮୬୮,୯୮ ଏବଂ ନିଫ୍ଟି ୩୬.୭୫ ଅଙ୍କ ବୃଦ୍ଧି ପାଇ ୧୪,୦୧୮.୫୦ରେ ବନ୍ଦ ହୋଇଥିଲା ।

ସେୟାର ବଜାର ପାଇଁ ବର୍ଷ ୨୦୨୦ ଉତ୍ଥାନ- ପତନ ଭରା ଥିଲା । ଜାନୁୟାରୀ ୨୦୨୦ରେ ସେୟାର ବଜାର ରେକର୍ଡ ସୃଷ୍ଟି କରିଥିଲା । ଏହା ବାଦ କରୋନା ମହାମାରୀ କାରଣରୁ ସେୟାର ବଜାର ପ୍ରାୟ ୪୦ ପ୍ରତିଶତ ପର୍ଯ୍ୟନ୍ତ ଖସିଆସିଥିଲା । ନିଫ୍ଟି ୨୩ ମାର୍ଚ୍ଚ ୨୦୨୦ରେ ତାର ସର୍ବନିମ୍ନ ସ୍ତର ୭୬୦୦କୁ ଖସିଆସିଥିଲା । ଏହା ପରେ ବର୍ଷର ଶେଷ ଭାଗରେ ସେୟାର ବଜାରରେ ବ୍ୟାପକ ବୃଦ୍ଧି ଦେଖିବାକୁ ମିଳିଥିଲା । ରେକର୍ଡ ସୃଷ୍ଟି କରିବା ସହ ପ୍ରତିଦିନ ଉଚ୍ଚତ୍ତମ ସ୍ତରକୁ ଉଠିଥିଲା ସେୟାର ବଜାର ।

   Related Posts