Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଶରଦ ପାଓ୍ୱାର ଦେଖାଇଲେ ଏମିତି ପାଓ୍ୱାର , ଢିଲା ପଡିଗଲା ଅଜିତ୍‌ଙ୍କ ଚାତୁରୀ

26/11/2019 at 5:28 PM

ମୁମ୍ବଇ ୨୬।୧୧ – ମହାରାଷ୍ଟ୍ର ରାଜନୀତିରେ ମହା ନାଟକ ଦେଖିବାକୁ ମିଳିଛି । ଏନ୍‌ସିପି ନେତା ଅଜିତ୍‌ ପାଓ୍ୱାରଙ୍କ ସମର୍ଥନରେ ବିଜେପି ସରକାର ଗଠନ କରିଥିଲା । ଅଜିତ୍‌ ପାଓ୍ୱାର ଉପ ମୁଖ୍ୟମନ୍ତ୍ରୀ ଓ ଦେବେନ୍ଦ୍ର ଫଡନାଭିସ୍‌ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ । ବଡ ନାଟକୀୟ ଢଙ୍ଗରେ ଏହି ସବୁ ଘଟଣା ଘଟିଥିଲା। କାହାକୁ ଏ ବିଷୟରେ ସାମାନ୍ୟ ସୂଚନା ବି ମିଳି ନଥିଲା ।

ହେଲେ ସୁପ୍ରିମକୋର୍ଟ ବୁଧବାରରେ ଫ୍ଲୋର ଟେଷ୍ଟ ବା ସଂଖ୍ୟା ଗରିଷ୍ଠତା ହାସଲ ପାଇଁ ମତଦାନ କରିବାକୁ ନିର୍ଦଶ ଦେବାରୁ ପୁଣି ଆଉ ଏକ ଘଟଣା ଦେଖିବାକୁ ମିଳିଥିଲା । ଅଜିତ୍‌ ପାଓ୍ୱାର ଉପ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଏହାପରେ ମୁଖ୍ୟମନ୍ତ୍ରୀ ପଦରୁ ଦେବେନ୍ଦ୍ର ଫଡନାଭିସ୍‌ ଇସ୍ତଫା ଦେଇଥିଲେ ।


ମାତ୍ର ଏହା ଭିତରେ ଶରଦ ପାଓ୍ୱାର ଓ ଅଜିତ୍‌ ପାଓ୍ୱାରଙ୍କ ମଧ୍ୟରେ ଶକ୍ତି ପ୍ରଦର୍ଶନ ଦେଖିବାକୁ ମିଳିଥିଲା । ଶରଦ ପାଓ୍ୱାର ଏମିତି ପାଓ୍ୱାର ଦେଖାଇଲେ ଯେ ଅଜିତ୍‌ ପାଓ୍ୱାର ପାଓ୍ୱାର କମ୍‌ ପଡିଗଲା । ସେ ବାଧ୍ୟ ହୋଇ ନିଜ ପଦରୁ ଇସ୍ତଫା ଦେଇ ପୁଣି ଶରଦଙ୍କ ପାଖକୁ ଫେରିଲେ ।

ଫଡନାଭିସ୍‌ ଇସ୍ତଫା ଦେବାପରେ ଶିବସେନା , କଂଗ୍ରେସ ଓ ଏନ୍‌ସିପିର ସରକାର ଗଠନ ହେବା ପାଇ ରାସ୍ତା ପରିଷ୍କାର ହୋଇଯାଇଛି । ମାତ୍ର ଏବେ ଏକ ପ୍ରଶ୍ନ ଉଠିଛି । ଫଡନାଭିସ୍‌ଙ୍କ ସରକାର ମାତ୍ର ୮୦ ଘଣ୍ଟା ତିଷ୍ଟି ରହିପାରିଲା । ଅଜିତ୍‌ ପାଓ୍ୱାର ଏନ୍‌ସିପି ବିଧାୟକଙ୍କ ସମର୍ଥନ ପାଇବା ପାଇଁ ଯେଉଁ ଚେଷ୍ଟା କରିଥିଲେ ସେଥିରେ ସଫଳ ହୋଇ ପାରିଲେ ନାହିଁ । ଏଥିରେ ଏନ୍‌ସିପର ସଞ୍ଜୟ ମୁଣ୍ଡେଙ୍କ ସମର୍ଥନ ମିଳିଥିଲା । ମାତ୍ର ସଞ୍ଜୟ ବି ଶରଦ ପାଓ୍ୱାରଙ୍କ ପଟକୁ ଢଳିଛନ୍ତି ।

ନିଜର ୫୦ ବର୍ଷର ରାଜନୈତିର ଅଭିଜ୍ଞତାରୁ ଶରଦ ପାଓ୍ୱାର ମାତ୍ର ୨୪ ଘଣ୍ଟା ମଧ୍ୟରେ ଅଜିତ୍‌ଙ୍କ ପଟକୁ ଯାଇଥିବା ବିଧାୟକମାନଙ୍କୁ ନିଜ ପଟକୁ ଆଣିବାରେ ସକ୍ଷମ ହୋଇଥିଲେ । ଏହାପରେ ପାର୍ଟି ଛାଡିବାର ସମ୍ଭାବନା ଥିବା ସମସ୍ତ ନେତାଙ୍କ ଉପରେ ଶରଦ ପାଓ୍ୱାର ନଜର ରଖିଥିଲେ। ସେମାନଙ୍କୁ ପ୍ରତି ୩ ଘଣ୍ଟାର ହାଜିରା ଲଗାଇବା ପାଇଁ ନିର୍ଦେଶ ଦିଆଯାଇଥିଲା । ନିଖୋଜ ହୋଇଯାଇଥିବା ବିଧାୟକମାନଙ୍କୁ ଏନ୍‌ସିପିର କାର୍ଯ୍ୟକର୍ତ୍ତା ଖୋଜିଆଣିଥିଲେ ।

ଶରଦ ପାଓ୍ୱାର ନିଜ ଅଭିଜ୍ଞତାରୁ ପାର୍ଟି ଛାଡିବାପାଇଁ ପ୍ରସ୍ତୁତ ହୋଇଥିବା ୧୫ ଜଣ ବିଧାୟକଙ୍କୁ ନିଜ ସପକ୍ଷକୁ ଆଣିପାରିଥିଲେ ।

   Related Posts