Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

କରୋନାରୁ ସୁସ୍ଥ ହୋଇ ପୁଣି ବିଷ ଓଗାଳିଲେ ଆଫ୍ରିଦି : ଶିଶୁ ସହିତ ଯବାନଙ୍କ ଭାଇରାଲ୍ ଫଟୋକୁ ନେଇ କହିଲେ ଏହିଭଳି

2/07/2020 at 3:23 PM

ନୂଆଦିଲ୍ଲୀ ୦୨/୦୭ : ପାକିସ୍ତାନ ବିବାଦୀୟ କ୍ରିକେଟର ସାହିଦ ଆଫ୍ରିଦି ସବୁବେଳେ ଭାରତ ବିଷୟରେ କିଛି ନା କିଛି ମନ୍ତବ୍ୟ ଦେଇ ଚର୍ଚ୍ଚିତ ହୋଇଥାନ୍ତି । କେତେବେଳେ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ତ ପୁଣି କେବେ କାଶ୍ମୀର ପ୍ରସଙ୍ଗରେ ମନ୍ତବ୍ୟ ଦେଇ ବିବାଦ ଘେରରେ ପଡିଯାନ୍ତି । କିଛି ଦିନ ପୂର୍ବରୁ ସାହିଦ ଆଫ୍ରିଦି କରୋନାରେ ସଂକ୍ରମିତ ହୋଇଥିଲେ । ସେଥିପାଇଁ ସେ ଘରେ କ୍ଵାରେଣ୍ଟାଇନରେ ଥିଲେ । କିନ୍ତୁ ସୁସ୍ଥ ହେବାପରେ ସେ ପୁଣିଥରେ ବିଷ ଓଗାଳିବା ଆରମ୍ଭ କରିଛନ୍ତି । ସୁସ୍ଥ ହେବାପରେ ସେ କାଶ୍ମୀର ପ୍ରସଙ୍ଗରେ ମନ୍ତବ୍ୟ ଦେଇଛନ୍ତି ।

କାଶ୍ମୀର ସୋପୋରରେ ବୁଧବାର ଦିନ ଆତଙ୍କୀ ହମଲା ହୋଇଥିଲା ।  ଏଥିରେ ଜଣେ ୬୫ ବର୍ଷ ବୟସ୍କ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା । ତାଙ୍କ ସହିତ ତାଙ୍କର ୩ ବର୍ଷର ନାତି ମଧ୍ୟ ଥିଲା । ତାଙ୍କ ମୃତ୍ୟୁ ପରେ ରକ୍ତ ଜୁଡୁବୁଡୁ ମୃତଦେହ ପାଖରେ ବସି ଶିଶୁଟି କାନ୍ଦୁଥିଲା । ସିଆରପିଏଫ ଯବାନ ଶିଶୁଟିକୁ କ୍ରସ ଫାଇରିଙ୍ଗ ଜାଗାରୁ ଉଦ୍ଧାର କରି ତାଙ୍କ ଘରେ ପହଞ୍ଚାଇଥିଲେ । ଆଫ୍ରିଦି ଏହି ଘଟଣାର ଏକ ଫଟୋ ସୋସିଆଲ ମିଡ଼ିଆରେ ସେୟାର କରିଛନ୍ତି । ଆଫ୍ରିଦି ଏହି ଘଟଣାକୁ ନେଇ ବିଷ ଓଗାଳିଛନ୍ତି । ସେ ଲେଖିଛନ୍ତି ଫଟୋ କାଶ୍ମୀରବାସୀଙ୍କ ପରିସ୍ଥିତି ବଖାଣି ପାରିବନାହିଁ । କେବଳ ସେତିକି ନୁହେଁ ସେ ନିଜର ଏହି ବୟାନକୁ ଟ୍ୱିଟରରେ ପିନ ମଧ୍ୟ କରିଛନ୍ତି ।

ଆଫ୍ରିଦି ରାଜନୀତିକୁ ଓହ୍ଲାଇବାକୁ ଯୋଜନା କରୁଛନ୍ତି ବୋଲି ଶୁଣିବାକୁ ମିଳିଛି । ସେଥିପାଇଁ ସେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଅନୁସରଣ କରୁଛନ୍ତି । ଭାରତ ବିରୋଧରେ ଲଗାତାର ବୟାନବାଜି କରୁଛନ୍ତି ।

   Related Posts