Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଶାହିଦ ଆଫ୍ରିଦିଙ୍କ ବିସ୍ଫୋରକ ବୟାନ-‘ଭାରତରେ ମୋଦି ସରକାର ଥିବା ଯାଏଁ ହୋଇପାରିବନି ଭାରତ-ପାକିସ୍ତାନ ମ୍ୟାଚ୍’

27/09/2020 at 11:41 AM

ନୂଆଦିଲ୍ଲୀ ୨୭/୦୯ : ପାକିସ୍ତାନ କ୍ରିକେଟ ଖେଳାଳିଙ୍କୁ ଆଇପିଏଲ ଖେଳିବାକୁ ମଉକା ମିଳେନାହିଁ । ଏହାକୁ ନେଇ ପାକିସ୍ତାନୀ କ୍ରିକେଟର୍ସଙ୍କ ଭିନ୍ନ ଭିନ୍ନ ମନ୍ତବ୍ୟ ସାମ୍ନାକୁ ଆସିଥାଏ । ପାକିସ୍ତାନର ପୂର୍ବତନ ଅଧିନାୟକ ତଥା ଅଲରାଉଣ୍ଡର ଶାହିଦ ଆଫ୍ରିଦିଙ୍କ ଏକ ବିସ୍ଫୋରକ ବୟାନ ସାମ୍ନାକୁ ଆସିଛି । ସେ କହିଛନ୍ତି ଯେପର୍ଯ୍ୟନ୍ତ ଭାରତରେ ମୋଦି ସରକାର ରହିବ ସେପର୍ଯ୍ୟନ୍ତ ଭାରତ-ପାକିସ୍ତାନ ମଧ୍ୟରେ ଦ୍ୱିପାକ୍ଷିକ ସିରିଜ୍ ହୋଇପାରିବନାହିଁ । ସେ କହିଛନ୍ତି ପାକିସ୍ତାନ କ୍ରିକେଟର୍ସ ଆଇପିଏଲ ମିସ କରୁଛନ୍ତି । ଆଫ୍ରିଦିଙ୍କ କହିବାନୁସାରେ, ପାକିସ୍ତାନର ଯୁବ କ୍ରିକେଟରମାନେ ଏହି ଲିଗରେ ଖେଳିବା ଦ୍ୱାରା ବହୁତ ଲାଭବାନ ହୋଇଥାନ୍ତେ ।

ଆରବ ନ୍ୟୁଜ ସହ କଥାବାର୍ତ୍ତାରେ ଆଫ୍ରିଦି କହିଛନ୍ତି ଯେ, ପାକିସ୍ତାନ ସରକାର ସବୁବେଳେ ଭାରତ ସହ କ୍ରିକେଟ ଖେଳିବାକୁ ପ୍ରସ୍ତୁତ । କିନ୍ତୁ ଭାରତରେ ବର୍ତ୍ତମାନ ଶାସନାଧୀନ ସରକାର ଥିବାବେଳେ ଦୁଇ ଦେଶ ମଧ୍ୟରେ କ୍ରିକେଟର କୌଣସି ଆଶା ନାହିଁ । ଯେପର୍ଯ୍ୟନ୍ତ ମୋଦି ଶାସନରେ ରହିବେ ଭାରତ ପାକିସ୍ତାନ ମଧ୍ୟରେ କୌଣସି ଦ୍ୱିପାକ୍ଷିକ ସିରିଜ୍ ହୋଇପାରିବନାହିଁ । ଏହାସହ ସେ ଆଗକୁ କହିଛନ୍ତି, ଦୁନିଆର ସବୁଠାରୁ ମହଙ୍ଗା କ୍ରିକେଟ ଲିଗ ଆଇପିଏଲରେ ନ ଖେଳିବାରୁ ପାକିସ୍ତାନ ଖେଳାଳିଙ୍କର ବହୁତ କ୍ଷତି ହେଉଛି ।

ଭାରତ ପାକିସ୍ତାନ ମଧ୍ୟରେ ଗତ ୧୩ ବର୍ଷ ହେଲା କୌଣସି ଟେଷ୍ଟ ସିରିଜ ହୋଇନାହିଁ । ଶେଷଥର ୨୦୦୭ ମସିହାରେ ଉଭୟ ଦେଶ ମଧ୍ୟରେ ଟେଷ୍ଟ ସିରିଜ ହୋଇଥିଲା । ଭାରତ ଏହି ସିରିଜ ୧-୦ରେ ଜିତିଥିଲା । ଏହାସହ ଉଭୟ ଟିମ ମଧ୍ୟରେ ଗତ ୭ ବର୍ଷ ହେଲା ଏକଦିବସୀୟ ଦ୍ୱିପାକ୍ଷିକ ସିରିଜ୍ ହୋଇନାହିଁ । ୨୦୧୩ ମସିହାରେ ପାକିସ୍ତାନ ଟିମ ଭାରତକୁ ଆସିଥିଲା । ପାକିସ୍ତାନ ସେହି ସିରିଜରେ ୨-୧ରେ ଜିତିଥିଲା ।

ପିସିବିର ଚେୟାରମ୍ୟାନ୍ ଏହସାନ ମଣି କିଛି ଦିନ ପୂର୍ବରୁ କହିଥିଲେ ଯେ ବିସିସିଆଇ ସହିତ ଗତ କିଛି ବର୍ଷ ମଧ୍ୟରେ ଦୁଇ ଦେଶ ମଧ୍ୟରେ ସିରିଜକୁ ନେଇ ଅନେକ ଆଲୋଚନା ହୋଇଛି । ଟି -୨୦ କ୍ରିକେଟ୍ ହେଉ କିମ୍ବା ଦ୍ୱିପାକ୍ଷିକ ସିରିଜ୍ ଅନେକ ଥର ଆଲୋଚନା ହୋଇଛି । କିନ୍ତୁ ଏପର୍ଯ୍ୟନ୍ତ କୌଣସି ପ୍ରସଙ୍ଗରେ ଆଲୋଚନା ହୋଇନାହିଁ ।

   Related Posts