Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

କୃଷକ ଆନ୍ଦୋଳନରେ ସାମିଲ ହେବାକୁ ସିନ୍ଧ ସୀମାରେ ପହଞ୍ଚିଲେ ଶାହିନବାଗର ଲୋକପ୍ରିୟ ବିଲ୍କିସ୍ ଦାଦି

1/12/2020 at 4:31 PM

ନୂଆଦିଲ୍ଲୀ ୦୧/୧୨ : ନାଗରିକତା ସଂଶୋଧନ ଆଇନ (CAA), ରାଷ୍ଟ୍ରୀୟ ନାଗରିକତା ରେଜିଷ୍ଟର (CAA) ଓ ଶାହିନବାଗର ଦାଦି ବିଲ୍କିସ ବାନୋ ବର୍ତ୍ତମାନ କୃଷକ ଆନ୍ଦୋଳନରେ ସାମିଲ ହୋଇଛନ୍ତି। କୃଷକ ଆନ୍ଦୋଳନରେ ସାମିଲ ହେବାକୁ ସେ ଆଜି ସିନ୍ଧ ସୀମାରେ ପହଞ୍ଚିଛନ୍ତି। ସୋମବାର ରାତିରେ ସୋସିଆଲ ମିଡ଼ିଆରେ ବିଲ୍କିସ୍ ଦାଦିଙ୍କ ଏକ ଭିଡିଓ ଭାଇରାଲ ହୋଇଥିଲା। ଭିଡିଓରେ ଦାଦି କୃଷକଙ୍କ ଧାରଣା ସ୍ଥଳରେ ନଜର ଆସିଥିଲେ।

ବାକିଉ ଅଭିନେତ୍ରୀ କଙ୍ଗନା ରଣାୱତ ଦାଦିଙ୍କୁ ନେଇ ଏକ ବିବାଦୀୟ ଟ୍ୱିଟ କରିଥିଲେ। କଙ୍ଗନାଙ୍କ ଟ୍ୱିଟ୍ ପରେ ଲୋକେ କଙ୍ଗନାଙ୍କୁ ଟ୍ରୋଲ କରୁଛନ୍ତୁ। ଟାଇମ୍ ମାଗାଜିନର ୨୦୨୦ ବର୍ଷର ୧୦୦ ପ୍ରଭାବଶାଳୀ ଲୋକଙ୍କ ତାଲିକାରେ ବିଲ୍କିସ୍ ବାନୋଙ୍କ ନାଁ ସାମିଲ ହେବାପରେ ଏହିସବୁ ବାଦବିବାଦ ଆରମ୍ଭ ହୋଇଥିଲା। ଜଣେ ବ୍ୟକ୍ତି ଦିଲ୍ଲୀରେ ଚାଲିଥିବା କୃଷକ ଆନ୍ଦୋଳନ ମଧ୍ୟରେ ଜଣେ ବୃଦ୍ଧାଙ୍କ ଫଟୋ ବିଲ୍କିସ ବାନୋଙ୍କ ସହ ମିଶାଇ ସେୟାର କରିଥିଲେ ଏବଂ ଦାବି କରିଥିଲେ ଯେ ଫଟୋରେ ଥିବା ଦୁଇ ମହିଳା ବାସ୍ତବରେ ଜଣେ।

ବିଲ୍କିସ୍ ବାନୋ ସିଏଏ ଆଇନ ବିରୋଧ ପ୍ରଦର୍ଶନ ବେଳେ କେବଳ ଖାସ୍ ମଉକାରେ ହିଁ ନଜର ଆସୁନଥିଲେ ବରଂ ସକାଳୁ ରାତି ଯାଏଁ ମଧ୍ୟ ଧାରଣା ଦେଇଥିବା ନଜର ଆସିଥିଲେ। ସେ ଏହି ବିରୋଧ ପ୍ରଦର୍ଶନରେ ଶେଷ ଯାଏଁ ରହିବେ ବୋଲି କହିଥିଲେ।

ଟାଇମ୍ ମାଗାଜିନର ସାମ୍ବାଦିକ ରାଣା ଆୟୁବ ନିଜ ଲେଖାରେ ବିଲ୍କିସ୍ ଦାଦିଙ୍କ ସମ୍ପର୍କରେ ଲେଖିଛନ୍ତି। ଦାଦି ଦିଲ୍ଲୀର ହାଡଭଙ୍ଗା ଶୀତରେ ଧାରଣାସ୍ଥଳରେ ରହି ଶାହିନବାଗ ଲୋକଙ୍କୁ ସମର୍ଥନ କରିଥିଲେ ସେ ଲେଖିଛନ୍ତି। ଦାଦିଙ୍କୁ ନେଇ ମଧ୍ୟ ଖୁବ ଚର୍ଚ୍ଚା ହୋଇଥିଲା। ବିରୋଧ ପ୍ରଦର୍ଶନ ବେଳେ ଜଣେ ତାଙ୍କୁ ତାଙ୍କ ନାଁ ପଚାରିଥିଲେ। ଦାଦି ସିଧାସିଧା ଜବାବ ଦେଇଥିଲେ ‘ମୁଁ ନାଁ କହିବିନି କାରଣ ମୋ ପାଖରେ ଦସ୍ତାବିଜ ନାହିଁ ‘

ବିଲ୍କିସ୍ ଦାଦି ନାଁରେ ଲୋକପ୍ରିୟ ବିଲ୍କିସ୍ ବାନୋଙ୍କ ଘର ଉତ୍ତର ପ୍ରଦେଶର ବୁଲନ୍ଦସହରରେ। କିନ୍ତୁ ସେ ନିଜ ପରିବାର ସହ ଦିଲ୍ଲୀରେ ରହୁଛନ୍ତି। ତାଙ୍କ ସ୍ୱାମୀ ଚାଷ କରୁଥିଲେ। ତାଙ୍କର ମୃତ୍ୟୁ ହୋଇସାରିଛି। ପ୍ରଦର୍ଶନ ବେଳେ ଦାଦି କହିଥିଲେ ଯେ ଜୀବନରେ ସେ କେବେ କୌଣସି ରାଜନୈତିକ ଆନ୍ଦୋଳନରେ ସାମିଲ ହୋଇନଥିଲେ। ଆଗରୁ ସେ କେବେ ନିଜ ଘର ଛାଡି ବାହାରେ ଧାରଣା ଦେଇନଥିଲେ। କିନ୍ତୁ ଏହି ପ୍ରଦର୍ଶନ ବେଳେ ସେ ଖାଇବା, ଶୋଇବା ସବୁ ଧାରଣାସ୍ଥଳରେ ହିଁ କରୁଥିଲେ।

   Related Posts