Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୂକମ୍ପରେ ଥରିଲା ଋଷ୍ ଏବଂ ଆର୍ଜେଣ୍ଟିନାରେ, ରିକ୍ଟର ସ୍କେଲରେ ୬.୪ ଓ ୬.୩ ତୀବ୍ରତା
  • ||
  • କରୋନା କବଳରୁ ବର୍ତ୍ତିବା ପାଇଁ ଶ୍ରୀଲଙ୍କା ଜେଲ୍‌ରେ କଏଦୀଙ୍କ ଭୟଙ୍କର ଦଙ୍ଗା : ୮ମୃତ
  • ||
  • ନୂଆଦିଲ୍ଲୀ : ସନ୍ଦୀପ କଟାରିଆ ହେଲେ ବାଟା ଗ୍ଲୋବାଲର ସିଇଓ, ପ୍ରଥମ ଭାରତୀୟ ଭାବେ ମିଳିଲା ଦାୟିତ୍ୱ
  • ||
  • ଲ୍ୟାଣ୍ଡମାଇନ୍ ବିସ୍ଫୋରଣରେ ଉଡିଲା ଟାଟା ସୁମୋ, ୨ ଗୁରୁତର
  • ||

ସାହିନବାଗରେ ସିଏଏ ବିରୋଧରେ କରୁଥିଲେ ଆନ୍ଦୋଳନ, ଏବେ ପଦ୍ମ ଧରିଲେ ସାମାଜିକ କାର୍ଯ୍ୟକର୍ତ୍ତା ଶେହଜାଦ ଅଲି

16/08/2020 at 5:01 PM

ନୂଆଦିଲ୍ଲୀ ୧୬।୦୮: କିଛି ଦିନ ପୂର୍ବେ ବିଜେପିକୁ ଘୋର ବିରୋଧ କରୁଥିବା ତଥା ସାହିନବାଗରେ ସରକାର ବିରୋଧରେ ସ୍ଵର ଉତ୍ତୋଳନ କରୁଥିବା ସାମାଜିକ କାର୍ଯ୍ୟକର୍ତ୍ତା ଶେହଜାଦ ଅଲି ବିଜେପିରେ ଯୋଗ ଦେଇଛନ୍ତି। ସେ ଦୀର୍ଘ ଦିନ ଧରି ମୁସଲିମଙ୍କ ଅଧିକାର ପାଇଁ କାମ କରୁଥିଲେ ଏବଂ ବିଜେପି, ଆରଏସଏସକୁ ବିରୋଧ କରୁଥିଲେ। ଏବେ ତାଙ୍କ କହିବା କଥା ବିଜେପି ମୁସଲମାନଙ୍କ ଶତ୍ରୁ ନୁହଁନ୍ତି। ଆମ ସମୁଦାୟର କିଛି ଲୋକ ବିଜେପିକୁ ନିଜର ଶତ୍ରୁ ଭାବନ୍ତି, ମୁଁ ସେମାନଙ୍କୁ ଭୁଲ୍ ସାବ୍ୟସ୍ତ କରିବାକୁ ଚାହୁଁଛି।

ଦିଲ୍ଲୀ ବିଜେପି ପ୍ରଦେଶ ସଭାପତି ଆଦେଶ ଗୁପ୍ତାଙ୍କ ଉପସ୍ଥିତିରେ ଶେହଜାଦ ଅଲି ଆଜି ବିଜେପିରେ ସାମିଲ ହୋଇଛନ୍ତି। ପଦ୍ମ ଧରିବା ପରେ ସେ କହିଛନ୍ତି ମୁଁ ବିଜେପିରେ ସାମିଲ ହୋଇ ଯାଇଛି, ଯଦ୍ଵାରା ନିଜ ସମୁଦାୟର ସେହି ଲୋକଙ୍କୁ ଭୁଲ ସାବ୍ୟସ୍ତ କରିବି ଯେଉଁମାନେ ଏହି ପାର୍ଟିକୁ ନିଜର ଶତ୍ରୁ ବୋଲି ଭାବନ୍ତି। ସିଏଏ ମାମଲାରେ ଏକାଠି ବସି ଆଲୋଚନା କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି। ସାହିନବାଗରେ ଧାରଣା ଶେଷ ହେବା ପରଠୁ ତାଙ୍କର ଆଭିମୁଖ୍ୟରେ ପରିବର୍ତ୍ତନ ଦେଖିବାକୁ ମିଳିଥିଲା। ସେ ସାମାଜିକ ଗଣମାଧ୍ୟମରେ ସରକାରଙ୍କ ପକ୍ଷ ନେବ ଆରମ୍ଭ କରି ଦେଇଥିଲେ।

ନାଗରିକତା ସଂଶୋଧନ ଆଇନକୁ ନେଇ ସମଗ୍ର ଦେଶରେ ବିରୋଧ ପ୍ରଦର୍ଶନ ଜାରି ରହିଥିଲା। ଏହି ସମୟରେ ସାହିନବାଗ ବିରୋଧର କେନ୍ଦ୍ରସ୍ଥଳ ପାଲଟି ଥିଲା। ଏଠାରେ ମହିଳାମାନେ ପାଖାପାଖି ତିନି ମାସ ପର୍ଯ୍ୟନ୍ତ ଧାରଣାରେ ବସିଥିଲେ। ଏହି ସମୟରେ ପୂରା ଦେଶରେ ସିଏଏ ବିରୋଧକାରୀଙ୍କ ଭିଡ ସାହିନବାଗରେ ଦେଖିବାକୁ ମିଳିଥିଲା। ଶେହଜାଦ ଅଲି ମଧ୍ୟ ବହୁତ ସକ୍ରିୟ ଥିଲେ ଏବଂ ସିଏଏ ବିରୋଧରେ ମୁଖର ହୋଇ ନିଜର ପ୍ରତିକ୍ରିୟା ରଖୁଥିଲେ। ଏହା ପୂର୍ବରୁ ସେ ବିଜେପି ଓ ଆରଏସଏସ ବିରୋଧୀ ବୟାନ ଦେଉଥିଲେ।

ସାହିନବାଗରେ ଧାରଣା ସମାପ୍ତ କରିବାକୁ ସୁପ୍ରିମକୋର୍ଟ ମଧ୍ୟ ହସ୍ତକ୍ଷେପ କରିଥିଲେ ଏବଂ ପ୍ରଦର୍ଶନକାରୀଙ୍କ ସହ ଆଲୋଚନା କରିବାକୁ ଦୁଇ ଜଣ ଓକିଲଙ୍କୁ ନିଯୁକ୍ତ କରିଥିଲେ। ତଥାପି ଏହାର ସମାଧାନର ବାଟ ବାହାରି ପାରିନଥିଲା। ମାତ୍ର କରୋନା ସଂକ୍ରମଣ ଆରମ୍ଭ ହେବା ପରେ ଏହି ଧାରଣା ଆପେ ଆପେ ସମାପ୍ତ ହୋଇଥିଲା।

   Related Posts