Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ: ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ : ଟସ୍ ଜିତିଲା ଅଷ୍ଟ୍ରେଲିଆ, ପ୍ରଥମେ କରିବ ବ୍ୟାଟିଂ
  • ||
  • ଚଳିତ ବର୍ଷ ବିନ୍ଦୁସାଗରରେ ଡଙ୍ଗା ଭସା ଉପରେ ରୋକ୍, ନିଷ୍ପତ୍ତି ନେଲା ବିଏମସି
  • ||

ରଙ୍ଗିଲା ସାର୍ : ଛାତ୍ରୀଙ୍କୁ ଯୌନ ନିର୍ଯାତନା ଅଭିଯୋଗ, ଶିକ୍ଷକ ଗିରଫ

9/08/2020 at 11:27 AM

କୋରେଇ ୦୯।୦୮: ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ତାରାକୋଟ ଅଞ୍ଚଳର ଜଣେ ଟ୍ୟୁସନ୍‌ ଶିକ୍ଷକ ଦୀର୍ଘଦିନ ହେବ ଜନୈକ ନାବାଳିକା ଛାତ୍ରୀଙ୍କୁ ଯୌନ ନିର୍ଯାତନା ଦେଇ ଆସୁଥିଲେ । ଯାହାକୁ ନେଇ ଶୁକ୍ରବାର ଜିଲ୍ଲା ଶିଶୁ ସୁରକ୍ଷା ବିଭାଗର ଜଣେ ଅଧିକାରିଣୀ କୋରେଇ ଥାନାରେ ଅଭିଯୋଗ କରିଥିଲେ । ପୁଲିସ ମାମଲା ରୁଜୁ କରି ଅଭିଯୁକ୍ତ ଟ୍ୟୁସନ ଶିକ୍ଷକଙ୍କୁ ଗିରଫ କରିଛି । ପୀଡ଼ିତା ଛାତ୍ରୀଙ୍କ ବୟାନ ରେକର୍ଡ କରିବା ସହିତ ଛାତ୍ରୀ ଓ ଅଭିଯୁକ୍ତ ଶିକ୍ଷକଙ୍କ ଡାକ୍ତରୀମାଇନା କରାଯାଇଥିଲା । ପରେ ତାଙ୍କୁ କୋର୍ଟ ଚାଲାଣ କରାଯାଇଛି । ଘଟଣାଟି ସମଗ୍ର କୋରେଇ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି । ଅଭିଯୁକ୍ତ ଟ୍ୟୁସନ ଶିକ୍ଷକ ଏହି ଥାନା ଅନ୍ତର୍ଗତ ହଳଦୀଗଡ଼ିଆ ପଞ୍ଚାୟତ ଶାଳକଣା ଗ୍ରାମର ବିଶ୍ୱନାଥ ବିଶ୍ୱାଳଙ୍କ ପୁଅ ରମାକାନ୍ତ (୫୪) ।

ସୂଚନାଯୋଗ୍ୟ ଯେ, ରମାକାନ୍ତ ତାରାକୋଟ ଅଞ୍ଚଳର ଜଣେ ଛାତ୍ରୀଙ୍କୁ କିଛି ବର୍ଷ ଧରି ନିୟମିତ ତାଙ୍କ ଘରକୁ ଯାଇ ଟ୍ୟୁସନ କରୁଥିଲେ । ନାବାଳିକାଙ୍କ ସରଳତାର ସୁଯୋଗ ନେଇ ରମାକାନ୍ତ ତାଙ୍କ ସହ ଥଟ୍ଟାମଜା ଆଳରେ ଅସଦାଚରଣ କରୁଥିଲେ । ନାବାଳିକା ଜଣକ ବୁଝିପାରିନଥିଲେ ବି ଏହା ନକରିବା ପାଇଁ ବାରଣ କରୁଥିଲେ । ହେଲେ ରମାକାନ୍ତ ଏହି ପ୍ରବୃତ୍ତିକୁ ଛାଡ଼ି ନପାରି ଛାତ୍ରୀଙ୍କୁ ଯୌନ ନିର୍ଯାତନା ଦେଇ ଆସୁଥିଲେ । ଛାତ୍ରୀଙ୍କୁ ଉଚ୍ଚ ଶିକ୍ଷିତା କରିବା ସହିତ ବିଭିନ୍ନ ପ୍ରଲୋଭନ ଦେଖାଇ ଏହି କଥା କାହା ଆଗରେ ନକହିବାକୁ ରମାକାନ୍ତ ତାଙ୍କୁ କହୁଥିଲେ । ଗତ ଜୁଲାଇ ୨୯ ତାରିଖରେ ରମାକାନ୍ତ ଛାତ୍ରୀଙ୍କ ଘରେ ପହଞ୍ଚି ତାଙ୍କୁ ଯୌନ ନିର୍ଯାତନା ଦେଇଥିଲେ । ଛାତ୍ରୀ ଜଣକ ଭାରସାମ୍ୟ ହରାଇ ବସିଥିଲେ ବି ଘରେ କହିନପାରି ଜଣେ ସାଙ୍ଗକୁ ଜଣାଇଥିଲେ ।

ଏହାକୁ ନେଇ କେହି ଜଣେ ଚଳିତ ମାସ ୬ ତାରିଖରେ କେନ୍ଦ୍ର ଶିଶୁ ସୁରକ୍ଷା ସମିତିରେ ଅଭିଯୋଗ କରିଥିଲା । କେନ୍ଦ୍ର ଶିଶୁ ସୁରକ୍ଷା ସମିତି ପକ୍ଷରୁ ଏହାର ତଦନ୍ତ ପାଇଁ ଯାଜପୁର ଜିଲ୍ଲା ଶିଶୁ ସୁରକ୍ଷା ବିଭାଗକୁ ନିର୍ଦ୍ଦେଶ ଦିଆଯାଇଥିଲା । ପୁଲିସ ଓ ଶିଶୁ ସୁରକ୍ଷା ବିଭାଗ ଶାଳକଣା ଗ୍ରାମରେ ପହଞ୍ଚି ଟ୍ୟୁସନ ଶିକ୍ଷକ ରମାକାନ୍ତଙ୍କୁ ଥାନାକୁ ଆଣିବା ସହ ପୀଡ଼ିତା ଛାତ୍ରୀଙ୍କୁ ଥାନାକୁ ଡକାଇଥିଲେ । ଦୀର୍ଘ ସମୟ ପଚରାଉଚରା ପରେ ନାବାଳିକାଜଣକ ପୁଲିସ ନିକଟରେ ତାଙ୍କ ସହିତ ଘଟିଥିବା ପ୍ରତିଟି ଘଟଣା ସମ୍ପର୍କରେ କହିଥିଲେ । ପୁଲିସ ମାମଲା ରୁଜୁ କରି ଆଜି ଅଭିଯୁକ୍ତ ଶିକ୍ଷକ ଓ ପୀଡ଼ିତା ଛାତ୍ରୀଙ୍କୁ ଡାକ୍ତରୀମାଇନା କରାଇଥିଲା ।

   Related Posts