Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||
  • ନିଆଳି : ଭାରସାମ୍ୟ ହରାଇ ନାଳକୁ ଖସିପଡିଲା ଟ୍ରକ୍ : ଜଣେ ମୃତ, ଦୁଇ ଗୁରୁତର
  • ||

ସେକ୍ସ ରାକେଟ୍‌ରେ ସଂପୃକ୍ତ ବିଧାୟକ ଗିରଫ ଭୟରେ ହେଲେ ଅଣ୍ଡରଗ୍ରାଉଣ୍ଡ, ଓ୍ବାରେଣ୍ଟ ପାଇଁ କୋର୍ଟରେ ଆବେଦନ କଲା ପୋଲିସ…

12/09/2019 at 12:34 PM

ପାଟନା୧୨|୯: ବିହାରର ବହୁ ଚର୍ଚ୍ଚିତ ଆରା-ପାଟନା ସେକ୍ସ ରାକେଟରେ ସଂପୃକ୍ତ ଆରଜେଡି ବିଧାୟକ ଅରୁଣ ଯାଦବଙ୍କ ଗିରଫଦାରୀ ପାଇଁ ଓ୍ବାରେଣ୍ଟ ଜାରି ହୋଇଛି। ବିଧାୟକଙ୍କ ଗିରଫ ପାଇଁ ଅନୁସନ୍ଧାନ ଅଧିକାରୀ ଚନ୍ଦ୍ରଶେଖର ଗୁପ୍ତା ଆରା କୋର୍ଟରେ ଆବେଦନ କରିଛନ୍ତି। ସେକ୍ସ ରାକେଟରେ ବିଧାୟକ ଅରୁଣ ଯାଦବଙ୍କ ସଂପୃକ୍ତି ଥିବା ନେଇ କୋର୍ଟରେ ପୀଡ଼ିତା ନାବାଳିକା ବୟାନ ଦେଇଥିଲେ। ଗିରଫଦାରୀ ଓ୍ବାରେଣ୍ଟ ଜାରି ହେବା ପରେ ବିଧାୟକ ଅରୁଣ ଯାଦବ ଅଣ୍ଡରଗ୍ରାଉଣ୍ଡ ହୋଇଯାଇଛନ୍ତି।

ସୂଚନାଯୋଗ୍ୟ ଯେ, ସେକ୍ସ ରାକେଟର ପର୍ଦ୍ଦାଫାଶ ହେବା ଦିନଠାରୁ ବିଧାୟକଙ୍କ ସଂପୃକ୍ତି ଥିବା ନେଇ ଖୋଳତାଡ଼ ଚାଲିଥିଲା। ଶେଷରେ ଧାରା ୧୬୪ରେ ନାବାଳିକା ପୀଡ଼ିତାଙ୍କ ବୟାନ ରେକର୍ଡ କରାଯାଇଥିଲା। ସେହି ବୟାନରେ ବିଧାୟକ ତାଙ୍କୁ ଦୁଷ୍କର୍ମ କରିଥିବା କଥା ପୀଡ଼ିତା କହିଥିଲେ। ଏହି ଘଟଣା ପରେ ବିଧାୟକଙ୍କୁ ମୋବାଇଲ ଫୋନ ଦ୍ବାରା ପୋଲିସ ତାଙ୍କ ସହ ଯୋଗାଯୋଗ କରିବା ପାଇଁ ଚେଷ୍ଟା କରିଥିଲା। ହେଲେ ତାଙ୍କ ଫୋନ ସେ ସ୍ବିଚ୍‌ଅଫ୍‌ କରି ଦେଇଥିଲେ ବୋଲି ପୋଲିସ ସୂଚନା ଦେଇଛି।ଏହା ପରେ ବିଧାୟକଙ୍କ ଅନ୍ୟ ଏକ ମୋବାଇଲ ନମ୍ବରକୁ ପୋଲିସ କଲ କରିଥିଲା।ବିଧାୟକ ଅରୁଣ ଯାଦବଙ୍କ ସଂପର୍କୀୟ ଫୋନ ରିସିଭ୍‌କରି ନୋ କମେଣ୍ଟ କହି ଫୋନ କାଟି ଦେଇଥିଲେ।

ପୋଲିସର ସୂଚନା ମୁତାବକ, ସେକ୍ସ ରାକେଟର ପରିଚାଳିକା ଅନିତା ଦେବୀ ଲଗାତାର ଭାବେ ବିଧାୟକ ଅରୁଣ ଯାଦବଙ୍କ ସହ ଯୋଗାଯୋଗ କରୁଥିଲା। ସଚିବାଳୟ ନିକଟରେ ଥିବା ବିଧାୟକଙ୍କ ଘରର ପଛବାଟରେ ନାବାଳିକା ପୀଡ଼ିତାଙ୍କୁ ସେଠାକୁ ପଠାଯାଉଥିଲା ବୋଲି ପୋଲିସ କହିଛି।

ଗତ ଜୁଲାଇ ୧୮ ତାରିଖରେ ପାଟନା ସେକ୍ସ ରାକେଟର ପର୍ଦ୍ଦାଫାଶ ହୋଇଥିଲା। ଏହି ସେକ୍ସ ରାକେଟରେ ମାଷ୍ଟର ମାଇଣ୍ଡ ଅନିତା ଦେବୀକୁ ପୋଲିସ ଗିରଫ କରିବା ସହ ପୀଡ଼ିତା ନାବାଳିକାଙ୍କୁ ଉଦ୍ଧାର କରାଯାଇଥିଲା। ଏଥିସହ ସେକ୍ସ ରାକେଟର ପରିଚାଳିକା ଅନିତା ଦେବୀ, ଦେହ ବ୍ୟବସାୟ ଦଲାଲ ସଂଜିତ, ଇଞ୍ଜିନିୟର ଅମରେଶ୍‌ ଓ ସଂଜ୍‌ୟ ଯାଦବଙ୍କୁ ପୋଲିସ ଗିରଫକରି ଜେଲ ପଠାଇସାରିଛି।

   Related Posts