ନବରଙ୍ଗପୁର ୬|୩: ନବରଙ୍ଗପୁର ପୋଲିସ ଦ୍ବାରା ସେକ୍ସ ରାକେଟ ଠାବ ହୋଇଛି । ଏହି ଘଟଣାରେ ତିନିଜଣ ପୁରୁଷ, ଜଣେ ମହିଳା ଓ ଦୁଇଜଣ ନାବାଳିକାଙ୍କୁ ଗିରଫ କରିଛି ନବରଙ୍ଗପୁର ପୋଲିସ । ନବରଙ୍ଗପୁର ସହରର ରାଜୁ ସାହି ଠାରେ ଏହି ସେକ୍ସ ରାକେଟ ଚାଲୁଥିବା ନେଇ ଗତ ଦୁଇ ତାରିଖ ଦିନ ଖବର ପାଇବା ପରେ ଏସପି ଙ୍କ ନିର୍ଦ୍ଦେସ କ୍ରମେ ପୋଲିସ ଏକ ଟିମ୍ ଗଠନ କରି ଚଢ଼ାଉ କରିଥିଲା ।
{"id":91150}
ନବରଙ୍ଗପୁର ସହରର ରାଜୁ ସାହିର ଏକ ଭଡା ଘରେ ଏହି ରାକେଟ୍ ଚାଲିଥିବା ବେଳେ ଚଢ଼ାଉ ସମୟରେ ସେହି ଘରେ ଜଣେ ପଶ୍ଚିମବଙ୍ଗ ର ନାବାଳିକାକୁ ପାଇଥିଲା ପୋଲିସ । ପୋଲିସ ତାକୁ ପଚରାଉଚରା କରିବା ପରେ ନାବାଳିକା ଠାରୁ ଖବର ପାଇ ପୋଲିସ ଜୟପୁର ସହରର ପରାବେଢା ଠାରେ ଥିବା ଏକ ଭଡା ଘରେ ରେଡ଼ କରିଥିଲା । ସେଠାରୁ ଜଣେ ମହିଳା ଓ ଇଚ୍ଛାପୁରର ଜଣେ ପୁରୁଷକୁ ଗିରଫ କରିଥିଲା । ଉକ୍ତ ମହିଳା ଜଣକ ହିଁ କିଙ୍ଗପିନ୍ ବୋଲି ପୋଲିସ ସୂଚନା ଦେଇଛି ।
{"id":91151}ତେବେ ଏଥିରେ ସମ୍ପୃକ୍ତ ଥିବା ଅନ୍ୟ ଦୁଇଜଣ ପୁରୁଷ ଓ ଜଣେ ନାବାଳିକା କୁ ମଧ୍ୟ ଗିରଫ କରିବାରେ ସଫଳ ହୋଇଛି ପୋଲିସ । ସମ୍ପୃକ୍ତ ମହିଳା ଏବଂ ତାର ସହଯୋଗୀମାନେ ଦେହବ୍ୟବସାୟ ପାଇଁ ବିଭିନ୍ନ ସ୍ଥାନରୁ ଝିଅ ମାନଙ୍କୁ ଆଣି ନବରଙ୍ଗପୁର ଓ ଜୟପୁରରେ ରଖି ଦେହ ବ୍ୟବସାୟ ଚଳାଉଥିଲେ । ତେବେ ନବରଙ୍ଗପୁର ର ରାଜୁ ସାହିର ଉକ୍ତ ଘରଟି ସୁରେନ୍ଦ୍ର ପଣ୍ଡା ନାମକ ଏକ ବ୍ୟକ୍ତି ଘରଭଡା ନେଇଥିବା ଜଣାପଡିଥିବାବେଳେ ଉକ୍ତ ବ୍ୟକ୍ତି କୁ ପୋଲିସ ଖୋଜୁଛି ।
{"id":91152}ସେଠାରୁ ପୋଲିସ ପ୍ରଥମେ ଜଣେ ବଙ୍ଗୀୟ ନାବାଳିକା ଝିଅକୁ ପାଇବା ପରେ ସବୁକଥା ଜଣାପଡ଼ିଲା ବୋଲି ସୂଚନା ଦେଇଛନ୍ତି ତଦନ୍ତକାରୀ ଅଧିକାରୀ । ତେବେ ଏ ମାମଲାରେ ଅନ୍ୟ କେତେଜଣ ସାମିଲ ଅଛନ୍ତି ସେ ସମ୍ପର୍କରେ ଅଭିଯୁକ୍ତମାନଙ୍କୁ ଅଟକ ରଖି ଅଧିକ ତଦନ୍ତ ଜାରି ରହିଥିବା ସୂଚନା ଦେଇଛନ୍ତି ଅତିରିକ୍ତ ଏସପି ।