ହୋଟେଲରେ ଚାଲିଥିଲା ସେକ୍ସ ରାକେଟ : ୯ ମହିଳାଙ୍କ ସମେତ ୧୧ଜଣ ଗିରଫ

Published By : Prameya-News7 Bureau | June 06, 2019 IST

ପର୍ଯ୍ୟାଟନ ନଗରୀ ଭାବେ ପ୍ରସିଦ୍ଧ ମନାଲିରେ ଏକ ସେକ୍ସ ରାକେଟର ପର୍ଦାଫାଶ ହୋଇଛି । ପୋଲିସ ୯ ମହିଳାଙ୍କ ସମେତ ୧୧ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ମଧ୍ୟରେ ୨ଜଣ ଦଲାଲ ଅଛନ୍ତି । ବହୁତ ଦିନ ହେଲା ଏଠାରେ ସେକ୍ସ ରାକେଟ ଚଳାଯାଉଥିଲା କିନ୍ତୁ ସ୍ଥାନୀୟ ଲୋକେ ଏ ସମ୍ପର୍କରେ କିଛି ଜାଣିନଥିଲେ ।

{"id":120358}

ପ୍ରଥମେ ସ୍ଥାନୀୟ ମହିଳାମାନେ ଏ ସମ୍ପର୍କରେ ଜାଣିବାକୁ ପାଇଲେ । ଏହାପରେ ସ୍ଥାନୀୟ ମହିଳାମାନେ ପର୍ଯ୍ୟଟନ କ୍ଷେତ୍ର ମନାଲିର ଛବି ଖରାପ ନ କରିବା ପାଇଁ ଏକଜୁଟ୍ ହୋଇଥିଲେ । ମହିଳାମାନେ ମନାଲିର ଏକ ହୋଟେଲରେ ଚାଲୁଥିବା ସେକ୍ସ ରାକେଟର ପର୍ଦାଫାଶ କରିଥିଲେ । ଧନ୍ଦା ଚଳାଉଥିବା ୨ ଦଲାଲଙ୍କୁ ମଧ୍ୟ ଗିରଫ କରାଇଥିଲେ । ମହିଳାମାନେ ପ୍ରଥମେ ପ୍ରଶାସନ ଏବଂ ହୋଟେଲ କର୍ତୃପକ୍ଷଙ୍କ ସହ ଆଲୋଚନା କରି ରାସ୍ତାକୁ ଓହ୍ଲାଇଥିଲେ ।

{"id":120359}

ହୋଟେଲରେ ସେକ୍ସ ରାକେଟ ଚାଲୁଥିବା ଜାଣି ମହିଳାମାନେ ପୋଲିସକୁ ଖବର ଦେଇଥିଲେ । ଗତକିଛି ଦିନ ହେଲା ଦେହ ବ୍ୟବସାୟ କରୁଥିବା ଏହି ଯୁବତୀମାନେ ଖୋଲାଖୋଲି ଭାବେ ଧନ୍ଦା କରୁଥିଲେ । ପୋଲିସ ୧୧୪ ଆକ୍ଟରେ ମାମଲା ରୁଜ୍ଜୁ କରି ଚଢ଼ାଉ କରିଥିଲା । ଚଢ଼ାଉରେ ସମୁଦାୟ ୧୧ ଜଣଙ୍କୁ ଗିରଫ କରିଥିଲା ପୋଲିସ । ଏହି ମହିଳାମାନେ ପଞ୍ଜାବ, ଉତ୍ତର ପ୍ରଦେଶ ଏବଂ ହରିୟାଣାରୁ ଆସିଥିବା ଜଣାପଡିଛି ।

{"id":120360}