Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

ଧଳା ଚାଦରରେ ଘୋଡେଇ ହୋଇ ରହିଛି କାଶ୍ମୀର : ପ୍ରବଳ ତୁଷାରପାତ, ଜନଜୀବନ ଅସ୍ତବ୍ୟସ୍ତ

3/11/2018 at 3:49 PM

ଶ୍ରୀନଗର ୩/୧୧ : ତୁଷାରପାତରେ ଘୋଡେଇ ହୋଇ ରହିଛି ପୁରା କାଶ୍ମୀର | ଜାମ୍ମୁ କାଶ୍ମୀରରେ ପ୍ରବଳ ମାତ୍ରାରେ ତୁଷାରପାତ ହୋଇ ରାସ୍ତାଘାଟ ବନ୍ଦ ହୋଇଯାଇଛି | ରାସ୍ତା ଉପରେ ମଧ୍ୟ ବରଫ ଜମାହେଇ ରହିଥିବାରୁ ଗାଡି ମଟର ଚଳାଚଳ ହୋଇପାରୁନାହିଁ | ଆଜି ସକାଳୁ ତୁଷାରପାତ ସହ ବର୍ଷା ମଧ୍ୟ ହୋଇଛି | କାଶ୍ମୀରର ଯୋଜିଲା ପାସ, ଦ୍ରାସ, କାର୍ଗିଲ, ସୋନମାର୍ଗ, ଗୁଲମାର୍ଗ ଆଦି ଅଂଚଳରେ ତୁଷାରପାତ ସହ ଗତ ୧୨ ଘଣ୍ଟା ହେଲା ବର୍ଷା ମଧ୍ୟ ହେଉଛି । ଏବେ ମଧ୍ୟ ସେଠାରେ ବର୍ଷା ଜାରି ରହିଛି | ତେବେ ଆସନ୍ତାକାଲିଠାରୁ ପାଣିପାଗରେ ସାମାନ୍ୟ ପରିବର୍ତ୍ତନ ଦେଖାଦେବ ବୋଲି ପାଣିପାଗ ବିଭାଗ କହିଛି | ଗୁଲମାର୍ଗ ଏବଂ ପହଲମାର୍ଗ ଅଂଚଳର ପାହାଡିଆ ଅଂଚଳକୁ ଯେଉଁ ପର୍ଯ୍ୟଟକମାନେ ଆସିଥିଲେ ସେମାନେ ତୁଷାରପାତ ଯୋଗୁଁ ବହୁ ଆସିବିଧାର ସମ୍ମୁଖୀନ ହୋଇଛନ୍ତି | ଜଣେ ପର୍ଯ୍ୟଟକ ଦୁଃଖ ପ୍ରକାଶ କରି କହିଛନ୍ତି ଯେ, ସେ ସେଠାକୁ ବୁଲାବୁଲି କରିବାକୁ ଯାଇଥିଲେ କିନ୍ତୁ ସବୁ ତାଙ୍କ ଭାବନାରେ ହିଁ ରହିଗଲା | କିନ୍ତୁ ତୁଷାରପାତ ଦେଖି ସେ ବହୁତ ଖୁସି ମଧ୍ୟ ହୋଇଥିବା କହିଛନ୍ତି |

ତୁଷାରପାତ ଯୋଗୁଁ କାଶ୍ମୀରର ଏହି ସବୁ ପାହାଡିଆ ଅଂଚଳରେ ଅତ୍ୟଧିକ ଥଣ୍ଡା ପବନ ବହୁଛି | ତେବେ ରାତିରେ ତାପମାତ୍ରା ଆହୁରି କମ ରହୁଛି |

ସୂଚନାଯୋଗ୍ୟ ଯେ, ଶ୍ରୀନଗରରେ ବର୍ଷ ତମାମ ତାପମାତ୍ରା ସର୍ବନିମ୍ନ ରହିଥାଏ | କିନ୍ତୁ ବର୍ଷର ଏହି ସମୟରେ ଶ୍ରୀନଗରର ତାପମାତ୍ରା ୧.୮ ଡିଗ୍ରୀ ସେଲସିଅସ ରହିଥାଏ | ତେବେ ଏଥର ପହଲଗ୍ରାମରେ ତାପମାତ୍ରା ୦.୪ ଡିଗ୍ରୀ ସେଲସିଅସ ରହିଥିବାବେଳେ ଗୁଲମାର୍ଗରେ ମାଇନସ ୩ ଡିଗ୍ରୀ ସେଲସିଅସ ରହିଛି | କାର୍ଗିଲର ତାପମାତ୍ରା ମାଇନସ ୪.୮ ରହିଛି ଯାହାକି ପୁରା ରାଜ୍ୟର ସର୍ବନିମ୍ନ ତାପମାତ୍ରା ଏବଂ ସେଠାରେ ଅତ୍ୟଧିକ ଥଣ୍ଡା ଅନୁଭୂତ ହେଉଛି |

ତୁଷାରପାତ ଏବଂ ବର୍ଷା ଯୋଗୁଁ ବିମାନ ସେବା ଆଜି ଅପରାହ୍ନ ୩ଟା ଯାଏଁ ବନ୍ଦ ରହିଥିଲା |

   Related Posts