Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ତାତିରେ ଜଳୁଛି ସାରା ଭାରତ : ଅସହ୍ୟ ତାତିରେ ଏବେ ସୁଦ୍ଧା ଗଲାଣି ୩୦ ଜୀବନ, ୩ ସପ୍ତାହ ଧରି ଜାରି ରହିବ ଏମିତି ସ୍ଥିତି

2/06/2019 at 3:37 PM

ନୂଆଦିଲ୍ଲୀ ୨|୬: ତାତିରେ ସାରା ଭାରତ ଜଳୁଛି । ରାଜସ୍ଥାନରୁ ତେଲେଙ୍ଗାନା ପର୍ଯ୍ୟନ୍ତ ଅସହ୍ୟ ତାତି ଏବେ ସୁଦ୍ଧା ୩୦ଜୀବନ ନେଲାଣି । ଆସନ୍ତା ୩ସପ୍ତାହ ଧରି ଏମିତି ସ୍ଥିତି ଜାରି ରହିବ । ଉତ୍ତର ପଶ୍ଚିମ ଭାରତରେ ଅନେକ ସହରରେ ରେଡ ୱାର୍ଣିଂ ଜାରି କରିଛି ଭାରତୀୟ ପାଣିପାଗ କେନ୍ଦ୍ର ।

ଉତ୍ତର ପଶ୍ଚିମଭାରତରେ ଆକାଶରୁ ନିଆଁ ବର୍ଷୁଛି । ଗତକାଲି ଚୁରୁରେ ଦେଶର ସର୍ବାଧିକ ତାପମାତ୍ରା ୫୦.୮ଡିଗ୍ରୀ ଥିଲା । ଆସନ୍ତା ଦୁଇ ଦିନ ଧରି ଆହୁରି ଅସ୍ତବ୍ୟସ୍ତ କରିବ । ତାପମାତ୍ରା ୫୩ଡିଗ୍ରୀ ପହଞ୍ଚିପାରେ ବୋଲି ସତର୍କ କରିଛି ଭାରତୀୟ ପାଣିପାଗ ବିଭାଗ । ଆସନ୍ତା ୩ସପ୍ତାହ ପର୍ଯ୍ୟନ୍ତ ଅସହ୍ୟ ଗରମରେ ସନ୍ତୁଳି ହେବାକୁ ପଡିବ ।

ଦିଲ୍ଲୀ ସମେତ ଉତ୍ତର ପଶ୍ଚିମ ଭାରତ ଅସହ୍ୟ ଗ୍ରୀଷ୍ମ ତାପରେ ଆଉଟୁପାଉଟୁ ହେଉଛି । ରାଜସ୍ଥାନର ଅନେକ ସ୍ଥାନରେ ତାପମାତ୍ରା ୪୭ଡିଗ୍ରୀ ଉପରେ ରହୁଛି । ଉତ୍ତରପ୍ରଦେଶର ବାନ୍ଦାରେ ପାରଦ ୪୮ଡିଗ୍ରୀ ଥିବା ବେଳେ ଦିଲ୍ଲୀରେ ମଧ୍ୟ ତାପମାତ୍ରା ୪୭ଡିଗ୍ରୀ ଛୁଇଁଥିଲା ।

ଗ୍ରୀଷ୍ମଲହରୀ ଯୋଗୁଁ ଦେଶରେ ଅଂଶୁଘାତଜନିତ ମୃତ୍ୟୁ ସଂଖ୍ୟା ୩୦ରେ ପହଞ୍ଚିଛି । ରାଜସ୍ଥାନ, ଉତ୍ତରପ୍ରଦେଶ, ମଧ୍ୟପ୍ରଦେଶ, ତେଲେଙ୍ଗାନାରେ ପ୍ରଚଣ୍ଡ ଖରା ଯୋଗୁ ଅଂଶୁଘାତ ମୃତ୍ୟୁ ସଂଖ୍ୟା ବଡିବାରେ ଲାଗିଛି । ସ୍ଥିତି ଏପରି ହୋଇଛି ଯେ, ଉତ୍ତର ଭାରତ ଏବଂ ଉତ୍ତର ପଶ୍ଚିମ ଭାରତର ବିଭିନ୍ନ ସହରରେ ରେଡ୍ ୱାର୍ଣିଂ ଜାରି କରିଛି ଭାରତୀୟ ପାଣିପାଗ ବିଭାଗ ।

ଏପଟେ ଓଡିଶାରେ ବି ତ୍ରାହି ନାହିଁ । ସାରା ରାଜ୍ୟରେ ପ୍ରବଳ ତାତି । ପଶ୍ଚିମ ଓଡିଶା ଅସ୍ତବ୍ୟସ୍ତ । ୧୦ଟି ସହରର ପାରଦ ୪୦ ଡିଗ୍ରୀ ଉପରକୁ ଯାଇଥିବାବେଳେ ରାଜ୍ୟର ସବୁଠାରୁ ଉତ୍ତପ୍ତ ସହର ଝାରସୁଗୁଡ଼ାରେ ପାରଦ ୪୨.୬ ଡ଼ିଗ୍ରୀକୁ ଛୁଇଁଛି ।

ପାଣିପାଗ ବିଭାଗ ପୂର୍ବାନୁମାନ ଅନୁଯାୟୀ ମୌସୁମୀ ଓଡ଼ିଶା ଛୁଇଁବାରେ ବିଳମ୍ବ ହେଉଥିବା ଯୋଗୁଁ ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିବ। ଆଜି ମଧ୍ୟ ପଶ୍ଚିମ ଓଡ଼ିଶା ଓ ଦକ୍ଷିଣ ଓଡ଼ିଶାର କିଛି ସ୍ଥାନରେ ତାତି ଅସହ୍ୟ ହେବ ବୋଲି ସତର୍କ କରିଛି ପାଣିପାଗ କେନ୍ଦ୍ର।

   Related Posts