ବୈାଦ୍ଧ ଜିଲ୍ଲାରେ ଭୟଙ୍କର ବନ୍ୟା ପରିସ୍ଥିତି
Published By : Prameya-News7 Bureau | August 28, 2018 IST
ବୌଦ୍ଧ ୨୯/୮ ଲଘୁଚାପ ଜନିତ ଲଗାଣ ବର୍ଷ। ଫଳରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ରେ ବନ୍ୟା ପରିସ୍ଥିତି ଉପୁଜିଛି । ତେଲ ନଦୀର ଉପର ମୁଣ୍ଡରେ ପ୍ରବଳ ବର୍ଷ। ସହିତ କଳାହାଣ୍ଡିର ହାତୀ ନଦୀର ବନ୍ୟା ପାଣି ତେଲନଦୀରେ ପ୍ରବାହିତ ହେଉଥିବାରୁ କଣ୍ଟାମାଳ ତେଲନଦୀରେ ବିପଦ ସଙ୍କେତ ଉପରେ ବନ୍ୟାଜଳ ପ୍ରବାହିତ ହେଉଛି । ଫଳରେ କଣ୍ଟାମାଳ - ଘଣ୍ଟାପଡା ୪୧ ନଂ ରାଜ୍ୟ ରାଜପଥର ଅଡାଗୁଡି ପୋଲ ଉପରେ ୩ ଫୁଟ ଉଚ୍ଚତାରେ ବନ୍ୟାଜଳ ପ୍ରବାହିତ ହେଉଥିବାରୁ ଯୋଗାଯୋଗ ସଂପୂର୍ଣ୍ଣ ଭାବେ ବିଛିନ୍ନ ହୋଇଛି । ବ୍ଲକର ୧୧ ଗୋଟି ପଞ୍ଚାୟତ ବନ୍ୟାରେ ପ୍ରଭାବିତ ହୋଇଥିବାବଳେ ଏହି ଅଞ୍ଚଳର ଶହ ଶହ ହେକ୍ଟର ଚାଷ ଜମି ଜଳମଗ୍ନ ହୋଇଛି । ବରଗାଁ, ଉମା. ଖୁଣ୍ଟିଗୁଡା, ଖମନ ମୁଣ୍ଡ. କୁଲତାଯୋର , ଘଣ୍ଟାପଡା ,ରେଙ୍ଗାଲୀ ଏବଂ ଆମ୍ବଗାଁ ପଞ୍ଚାୟତର ୪୦ ରୁ ଉଦ୍ଧ୍ର୍ବ ଗାଁ ବାହ୍ୟ ଜଗତରୁ ବିଛିନ୍ନ ହୋଇଥିବା ଜଣାପଡିଛି । ଅନ୍ୟପଟେ ବନ୍ୟାଜଳ ପ୍ରବାହିତ ଫଳରେ ତେଲନଦୀରେ କୂଳରେ ଥିବା କମଘାଟ , ଗମ୍ଭାରୀପଦର ଘଣ୍ଟାପଡା , ମଲ୍ଲିକୁଦ ଦେଉଳି ଆଦି ଗ୍ରାମବାସୀ ଆତଙ୍କିତ ଅବସ୍ଥାରେ ଥିବାବେଳେ ଅନେକ ଗାଁର ରାସ୍ତା ପୋଲ ଗୁଡିକ ଧୋଇନେଇଥିବା ଜଣାପଡିଛି । ସେପଟେ କଣ୍ଟାମାଳ ବିଡିଓ ଏବଂ ତହସିଲଦାର ବନ୍ୟା ଅଞ୍ଚଳ ଗୁଡିକ ବୁଲି ସ୍ଥିତି ଅନୁଧାୟନ କରୁଛନ୍ତି। ହୀରାକୁଦରୁ ୨୦ ଗୋଟି ଗେଟ୍ ଦେଇ ବନ୍ୟାଜଳ ନିଷ୍କାସନ ହେଉଥିବାରୁ ବୌଦ୍ଧ ମହାନଦୀରେ ବନ୍ୟା ପରିସ୍ଥିତି ଦେଖାଦେଇଛି । ବନ୍ୟାଜଳ ର ବିପଦ ସଙ୍କେତ ୮୭.୮୦ ଥିବାବଳେ ଜଳସ୍ତର ବତ୍ଥମାନ ୮୬.୪୦ ରହିଛି । ତେବେ ମହାନଦୀ ର ବନ୍ୟାଜଳ ହରଭଙ୍ଗା ବ୍ଲକରେ ବିଶେଷ ଭାବେ ପ୍ରଭାବିତ ହୋଇଛି । ଜଗନ୍ନାଥ ସଡକର ୫ ଗୋଟି ସ୍ଥାନରେ ୫ ଫୁଟ ଉଚ୍ଚତାରେ ବନ୍ୟା ଜଳ ପ୍ରବାହିତ ହେଉଛି ଫଳରେ ବୌଦ୍ଧ ହରଭଙ୍ଗା ଯୋଗାଯୋଗ ସଂପୂର୍ଣ୍ଣ ବିଛିନ୍ନ ହୋଇପଡିଛି । ହରଭଙ୍ଗା ବ୍ଲକ ର ସାମ୍ପୋଚ , କରଡି ,ଧଳପୁର , ଶାକୁସିଙ୍ଗା ଭେଜିଗୁଡା ସୁରୁଣ୍ଡି ପାଣିଘରା, କୁଶଙ୍ଗ ପଞ୍ଚାୟତର ଅତଲସରା ଏବଂ କୁମାରୀ ଗାଁ ପାଣି ଘେରରେ ରହିଛି । ମହାନଦୀର ଜଳସ୍ତର କ୍ରମଶଃ ବୃଦ୍ଧି ପାଉଥିବାବେଳେ ନଦୀକୂଳିଆ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ହରଭଙ୍ଗା ବିଡିଓ ଏବଂ ତହସିଦାର ବନ୍ୟା ଅଞ୍ଚଳ ବୁଲି ସ୍ଥତିର ଅନୁଧ୍ୟାନ କରୁଥିବାବେଳେ ୯ ଗୋଟି ବନ୍ୟା ଆଶ୍ରୟସ୍ଥଳୀ ପ୍ରସ୍ତୁତ କରିଛନ୍ତି।