Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଗୁଜୁରାଟରେ ୬୬ବର୍ଷ ପରେ ହେବ ଫାଶୀ, ନାବାଳିକାକୁ ଦୁଷ୍କର୍ମ ପରେ ହତ୍ୟା କରିଥିବା ଦୋଷୀ ଲାଗି ଡେଥ୍‌ ଓ୍ବାରେଣ୍ଟ ଜାରି

8/02/2020 at 4:22 PM

ସୁରଟ ୦୮।୦୨:  ସାରାଦେଶରେ ନିର୍ଭୟା ଦୋଷୀଙ୍କୁ ପାଶୀ ନେଇ ରାଜନୀତି ଚାଲିଥିବା ବେଳେ ଗୁଜୁରାଟର ସୁରଟ ଆସିଛି ଏକ ଖବର । ନାବାଳିକାକୁ ଦୁଷ୍କର୍ମ ଓ ହତ୍ୟା ଅଭିଯୋଗରେ ଜଣେ ଦୋଷୀଙ୍କୁ ଫାଶୀ ଦଣ୍ଡ ଦେବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ସେସନ୍ସ କୋର୍ଟ ଦୋଷୀଙ୍କୁ ଫାଶୀ ଦେବା ପାଇଁ ନିର୍ଦ୍ଦେଶ ଦେଇଛନ୍ତି । କିନ୍ତୁ ସବୁଠାରୁ ବଡ କଥା ହେଉଛି ଗୁଜୁରାଟ ୬୬ବର୍ଷ ହେଲା କାହାକୁ ଫାଶୀ ଦିଆଯାଉନାହିଁ । ୬୬ବର୍ଷ ପରେ ଜଣେ ଦୋଷୀକୁ ଫାଶୀ ଦେବାକୁ ଯାଉଛି ପ୍ରଶାସନ ।  ଏଥିଲାଗି ଡ଼େଥ୍ ଓ୍ବେରଣ୍ଟ ଜାରି ହୋଇଛି ।

ଆସନ୍ତା ଫେବୃଆରୀ ୨୯ ସକାଳ ୪ଟା ୩୯ମିନିଟେର ଫାଶୀ ଦିଆଯିବ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି ।ତଳ କୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ଦୋଷୀ ଗୁଜୁରାଟ ହାଇକୋର୍ଟର ଦ୍ବାରସ୍ଥ ହୋଇଥିଲା । କିନ୍ତୁ ହାଇକୋର୍ଟ ଦୋଷୀଙ୍କ ଆବେଦନକୁ ଖାରଜ କରିଦେଇଥିଲେ । ଦୋଷୀର ଆବେଦନ ଖାରଜ ହେବା ପରେ ସାବରମତି ଜେଲ୍ ପ୍ରଶାସନ ଦୋଷୀ ଅନିଲ ଯାଦବକୁ ଫାଶୀ ଦେବା ପାଇଁ ପ୍ରସ୍ତୁତି ଆରମ୍ଭ କରିଦେଇଛି । ତେବେ ସାବରମତି ଜେଲରେ ଫାଶୀ ପୂର୍ବରୁ ରିହର୍ରସେଲ ଆରମ୍ଭ ହୋଇଗଲାଣି । ଫାଶୀ ପାଇଁ ଗୁଜୁରାଟ ଜହ୍ଲାଦ ଫାଶୀ ଦେବେନାହିଁ । ଅନିଲଙ୍କୁ ଫାଶୀ ଦେବା ପାଇଁ ନିର୍ଭୟା ଦୋଷୀଙ୍କ ପାଇଁ ନିଯୁକ୍ତ ହୋଇଥିବା ପବନ ଜହ୍ଲାଦକୁ ଡକାଯାଇଥିବାର ସୂଚନା ମିଳିଛି ।

ଆଗକୁ ଯଦି କୌଣସି ଆଇନ ବିକଳ୍ପ ବାଧା ସୃଷ୍ଟି ନକରେ, ତେବେ ଧାର୍ଯ୍ୟ ତାରିଖ ଅନୁସାରେ ଅନିଲକୁ ଫାଶୀ ଦିଆଯିବ । ଜେଲରେ ଥିବା ଫାଶୀ ଘର ଗତ ୬୬ବର୍ଷ ହେଲା ବ୍ୟବହାର କରାଯାଇନାହିଁ । ସାବରମତି ଜେଲରେ ଶେଷ ଫାଶୀ ୧୯୫୩ରେ ଦିଆଯାଇଥିଲା । ବର୍ତ୍ତମାନ ପର୍ଯ୍ୟନ୍ତ ରାଜକୋଟ ଜେଲରେ ୪ ଓ ବଡୋଦୋର ଜେଲରେ ୩ଜଣ କଏଦୀଙ୍କୁ ଫାଶୀ ଦିଆଯାଇଛି । ୧୯୫୩ରେ କାନା ପରବତକୁ ଶେଷ ଥର ପାଇଁ ଅହମ୍ମଦାବାଦର ସାବରମତି ଜେଲରେ ଫାଶୀ ଦିଆଯଇଥିଲା ।

କଣ ଥିଲା ମାମଲା-

ସୁରଟର ଏକ ଦଳିତ ପରିବାରରେ ୩.୫ବର୍ଷ ବୟସର ନାବାଳିକାକୁ ୧୪ଅକ୍ଟୋବର ୨୦୧୮ରେ ସଂଧ୍ୟାରେ ହଠାତ୍‌ ନିଖୋଜ ହୋଇଯାଇଥିଲେ । ପରିବାର ଲୋକଙ୍କ ପକ୍ଷରୁ ବହୁ ଖୋଜଖୋଜି ପରେ କୌଣସି ଖୋଜ ଖବର ମିଳିନଥିଲା । ପରଦିନ ପରିବାର ପକ୍ଷରୁ ଲିମ୍ବାୟତ ଥାନାରେ ଅଭିଯୋଗ କରାଯାଇଥିଲା । ଥାନାରେ ନିଖୋଜ ମାମଲା ରୁଜୁ କରାଯାଇଥିଲା । ପୋଲିସ ଖୋଜଖୋଜି କରିବା ସମୟରେ ପଡୋଶୀ ଘର ନିକଟରୁ ଏକ ଅଖା ଭିତରେ ନାବାଳିକାଙ୍କ ମୃତଦେହ ମିଳିଥିଲା । ପୋଲିସ ଦୁଷ୍କର୍ମ ଓ ହତ୍ୟା ମାମଲାରେ ବିହାରର ବାସିନ୍ଦା ଅନିଲ ଯାଦବକୁ ଗିରଫ କରିଥିଲେ । ପୋଲିସ ଆଗରେ ଅନିଲ ନିଜର ସମସ୍ତ ଦୋଷ ସ୍ବୀକାର କରିଥିଲା । ଏହି ମାମଲାରେ ସୁରତ ସେସନ କୋର୍ଟ ଅନିଲ ଯାଦବକୁ ଦୋଷୀ ସାବ୍ୟସ୍ତ କରି ଫାଶୀ ଦଣ୍ଡ ଦେଇଥିଲେ । ତେବେ ଅନିଲ ଯାଦବର ଫାଶୀ ସମୟ ପାଖେଇ ଆସିଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଜହ୍ଲାଦ ନିଯୁକ୍ତି ହୋଇନାହିଁ । କେବଳ ଗୁଜୁରାଟ ନୁହେଁ ପଞ୍ଜାବ, ହରିୟାଣା, ଉତ୍ତରଖଣ୍ଡରେ ଜହ୍ଲାଦ ନିଯୁକ୍ତ ହୋଇନାହିଁ ।

   Related Posts