Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୦୪କରୋନା ସଂକ୍ରମିତ ଚିହ୍ନଟ
  • ||
  • ଚିତ୍ରକୋଣ୍ଡାରେ BSF ଜବାନଙ୍କ କମ୍ବିଂ ଅପରେସନ, ଟିଫିନ୍ ବୋମା ଉଦ୍ଧାର
  • ||
  • ଶ୍ରୀଜଗନ୍ନାଥ ଷ୍ଟାଡିୟମ ନିକଟରେ ଉଚ୍ଛେଦ କାର୍ଯ୍ୟ ଆରମ୍ଭ, ୨ ଫ୍ଲାଟୁନ ଫୋର୍ସ ମୃତୟନ
  • ||
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ଡିସେମ୍ବର ସୁଦ୍ଧା ଆସିପାରେ କରୋନା ଭ୍ୟାକ୍‌ସିନ୍ : ଭାରତରେ ଗୋଟିଏ କୋଟି ଡୋଜ୍ ପ୍ରସ୍ତୁତ, ୧୦୦୦ ଟଙ୍କା ହୋଇପାରେ ଦାମ୍

22/07/2020 at 1:46 PM

ନୂଆଦିଲ୍ଲୀ ୨୨/୦୭ : ମଙ୍ଗଳବାର ଦିନ ଅକ୍ସଫୋର୍ଡ ୟୁନିଭର୍ସିଟି କରୋନା ଭ୍ୟାକସିନର ଦ୍ୱିତୀୟ ପର୍ଯ୍ୟାୟ ମାନବ ପରୀକ୍ଷଣ ପୁରା କରିଥିବା ଖୁସି ଖବର ଦେଇଥିଲା | ବର୍ତ୍ତମାନ ଦେଶରେ ମଧ୍ୟ କରୋନା ଭ୍ୟାକସିନକୁ ନେଇ ଭଲା ଖବର ଶୁଣିବାକୁ ମିଳିଛି | ଭାରତରେ ଅକ୍ସଫୋର୍ଡର ଏହି ଭ୍ୟାକସିନର ଉତ୍ପାଦନ ଆରମ୍ଭ ହୋଇସାରିଛି | ଦେଶର ସିରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଏହି ଭ୍ୟାକସିନ ଉତ୍ପାଦନ କାମ ଆରମ୍ଭ କରୁଛି | ସୂଚନା ଅନୁଯାୟୀ, ଏହି ଭ୍ୟାକସିନର ଗୋଟିଏ କୋଟି ଡୋଜ ପ୍ରସ୍ତୁତ ହୋଇଛି | ନଭେମ୍ବର ମାସ ସୁଦ୍ଧା ଭ୍ୟାକସିନର ଅନ୍ତିମ ପର୍ଯ୍ୟାୟ ଫଳାଫଳ ଆସିବାର ଅନୁମାନ କରାଯାଉଛି |

ସିରମ ଇନଷ୍ଟିଚ୍ୟୁଟର କାର୍ଯ୍ୟକାରୀ ନିର୍ଦେଶକ ଡ.ରାଜୀବ ଢୋରେ କହିଛନ୍ତି ଯେ, ଅଧିକ ସଂଖ୍ୟାରେ ଭ୍ୟାକସିନ ଉତ୍ପାଦନ କରାଯାଇଛି | ସପ୍ଲାଏ ପାଇଁ ଭ୍ୟାକସିନକୁ ଶିଶିରେ ଭର୍ତ୍ତି କରିବା କାମ ବାକି ଅଛି | ଡିସେମ୍ବର ମାସ ସୁଦ୍ଧା ଭ୍ୟାକସିନ ରେଡି ହୋଇଯିବ ବୋଲି ଆଶଙ୍କା କରାଯାଉଛି | ପ୍ରତି ସପ୍ତାହରେ ସେ ଭ୍ୟାକସିନର ଲକ୍ଷ ଲକ୍ଷ ଡୋଜ ପ୍ରସ୍ତୁତ କରିଛନ୍ତି ବୋଲି କହିଛନ୍ତି | ଆଗାମୀ ଦିନରେ ଅକ୍ସଫୋର୍ଡ ଭ୍ୟାକସିନର କୋଟିଏ ଡୋଜ ତିଆରି କରିବେ ବୋଲି ସେ କହିଛନ୍ତି | ଏହି ଭ୍ୟାକସିନ ସଫଳ ହେବ ବୋଲି ସେ ଆଶା ପ୍ରକାଶ କରିଛନ୍ତି | ଥରେ ଭାରତ ସରକାରଙ୍କୁ ସୁରକ୍ଷା ଓ କ୍ଲିନିକାଲ ଟ୍ରାଏଲ ଡାଟା ଦେଲେ ନଭେମ୍ବର ସୁଦ୍ଧା ଲାଇସେନ୍ସ ମିଳିଯିବ ବୋଲି ସେ କହିଛନ୍ତି | 

ଅକ୍ସଫୋର୍ଡ ୟୁନିଭର୍ସିଟିରେ ତିଆରି ହେଉଥିବା ଭ୍ୟାକସିନ ଭାରତରେ ଉତ୍ପାଦନ ସହିତ ମାନବ ପରୀକ୍ଷଣ ମଧ୍ୟ ହେବ | ଭାରତରେ ପାଖାପାଖି ୧୫୦୦ ଲୋକଙ୍କ ଉପରେ ଭ୍ୟାକସିନ ପରୀକ୍ଷଣ କରାଯିବ | ପରୀକ୍ଷା ଫଳାଫଳ ନଭେମ୍ବର ଆସିପାରେ ବୋଲି ସେ କହିଛନ୍ତି | ଭାରତରେ ଆଗାମୀ ମାସରୁ ପରୀକ୍ଷଣ ଆରମ୍ଭ ହେବ ଏବଂ ମାସେ ଦୁଇ ମାସ ଭିତରେ ତାର ଫଳାଫଳ ସାମ୍ନାକୁ ଆସିବ ବୋଲି ଡ.ରାଜୀବ କହିଛନ୍ତି | 

ସିରମ ଇନଷ୍ଟିଚ୍ୟୁଟ ଅଫ ଇଣ୍ଡିଆର ମୁଖ୍ୟ ଆଦର ପୁନାଵାଲା ଏକ ଇଂରାଜୀ ନ୍ୟୁଜ ଚାନେଲ ସହ କଥାବାର୍ତ୍ତାରେ କହିଛନ୍ତି ଯେ, ଭ୍ୟାକସିନ ପାଇଁ ୨୦ କୋଟି ଡଲାର ନିବେଶ କରାଯାଇଛି | ସେ କହିଛନ୍ତି ଏହି ନିଷ୍ପତ୍ତି ନେବା ପାଇଁ ଅଧା ଘଣ୍ଟା ସମୟ ଲାଗିଥିଲା | ଅକ୍ସଫୋର୍ଡ ଭ୍ୟାକସିନର ଦ୍ୱିତୀୟ ପର୍ଯ୍ୟାୟ ପରୀକ୍ଷଣ ପାସ ହୋଇଯାଇଥିଲେ ମଧ୍ୟ ଏହାର ଫାଇନାଲ ଫଳାଫଳ ସଫଳ ହେବ ନା ନାହିଁ ତାହା ସ୍ପଷ୍ଟ ହୋଇପାରିନାହିଁ | ସେଥିପାଇଁ ବର୍ତ୍ତମାନ ଭ୍ୟାକସିନର କୋଟିଏ ଡୋଜ ତିଆରି କରି ଷ୍ଟକ ରଖିବା ରିସ୍କ ବୋଲି ସେ କହିଛନ୍ତି |

ଆଦର ପୁନାଵାଲାଙ୍କ କହିବାନୁଯାୟୀ, ବଜାରରେ ଭ୍ୟାକସିନର ମୂଲ୍ୟ ପାଖାପାଖି ହଜାରେ ଟଙ୍କା ରହିବ | ଦେଶର ସେବା କରିବା ସବୁଠାରୁ ବଡ କର୍ତ୍ତବ୍ୟ ବୋଲି ସେ କହିଛନ୍ତି | ସେ ଯେଉଁ ନିଷ୍ପତ୍ତି ନେଇଛନ୍ତି ତାହା ସଫଳ ହେଲେ ଦେଶର ଭଲା ହେବ ବୋଲି ସେ କହିଛନ୍ତି | ସିରମ ଇନଷ୍ଟିଚ୍ୟୁଟ ଦୁନିଆର ସବୁଠାରୁ ବଡ ଭ୍ୟାକସିନ ନିର୍ମାତା କମ୍ପାନୀ |  

   Related Posts