Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର : ପଛରୁ ଆସି ଝାମ୍ପି ନେଲେ ୨ଲକ୍ଷ ଟଙ୍କା, ଲୁଟେରାଙ୍କ ଆକ୍ରମଣରେ ବାଇକ ଆରୋହୀ ଗୁରୁତର
  • ||
  • ବ୍ରହ୍ମପୁର : ୪୫ଗ୍ରାମର ବ୍ରାଉନସୁଗାର ଜବତ, ଜଣେ ଗିରଫ
  • ||
  • ନବରଙ୍ଗପୁର : ଭିଜିଲାନ୍ସ ଜାଲରେ ଜିଆର୍‌ଏସ୍‌, ଘରୁ ଜବତ ହେଲା ନଗଦ ୧୭ଲକ୍ଷରୁ ଅଧିକ ଟଙ୍କା
  • ||
  • ବ୍ରହ୍ମପୁରରେ ନକଲି ଲଙ୍କାଗୁଣ୍ଡ କାରଖାନା ଠାବ, ବିପୁଳ ପରିମାଣର ସାମଗ୍ରୀ ଜବତ
  • ||
  • ମୋହନା : ଅପରେସନ୍ ଗ୍ରୀନ କ୍ଲିନ୍, ପୁଣି ୧୨ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ
  • ||
  • ପୁରୀ : ପ୍ରତିକ୍ଷାର ଅନ୍ତ, ଆଜିଠୁ ବିନା କୋଭିଡ଼ ରିପୋର୍ଟରେ କାଳିଆ ଦର୍ଶନ
  • ||
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||

ମୁର୍ମୂଷୁ ଅବସ୍ଥାରେ ଉଦ୍ଧାର ହୋଇଥିବା ଯୁବତୀଙ୍କର ମୃତ୍ୟୁ , ଡାକ୍ତରଖାନାରେ ଭର୍ତ୍ତି କରିଥିବା ଯୁବକ ଫେରାର, ହତ୍ୟା ଅଭିଯୋଗ

3/11/2019 at 8:20 PM

ଭଦ୍ରକ/ଯାଜପୁର ୦୩।୧୧ –  ନଦୀ ପଠା ରୁ ମୁର୍ମୁଷ ଅବସ୍ଥା ରେ ଉଦ୍ଧାର ଯୁବତୀ କଟକ ବଡ ମେଡିକାଲ ରେ ମୃତ୍ୟୁ ହୋଇଛି । ଉଦ୍ଧାର ଯୁବତୀ ଙ୍କୁ ନଦୀ ପଠା ରୁ ଆଣି ମେଡିକାଲ ରେ ଭର୍ତ୍ତି କରିଥିବା ଦୁଇ ଯୁବକ ଫେରାର ହୋଇଯିବା ପରେ ଘଟଣା ନୂଆମୋଡ ନେଇଛି । ମୃତକ  ଙ୍କ ଗାଁ ଓ ପରିବାର ଲୋକ ଙ୍କ ଅଭିଯୋଗ ରେ ଯୁବତୀ ଙ୍କୁ ଅପହରଣ କରି ନେଇ ଗଛ ରେ ଗାଡି ଧକ୍କା ଦେଇ ହତ୍ୟା କରି ଥିବା ଅଭିଯୋଗ ହୋଇଛି । ଭଦ୍ରକ ଜିଲ୍ଲା ଧାମନଗର ଥାନା ଅଞ୍ଚଳ ରେ ଏହି ଘଟଣା ଘଟିଛି । ଏହି ଘଟଣାକୁ ଭଦ୍ରକ ଏସ୍‌ପି ତଦନ୍ତ କରିବେ ବୋଲି ଆଇଜି ନିର୍ଦେଶ ଦେଇଛନ୍ତି ।

ଭଦ୍ରକ ଜିଲ୍ଲା ଧାମନଗର ବ୍ଲକ ଅର୍ଜୁନପୁର ନିକଟ କୋଚିଳା ନଦୀ ପଠାରୁ ମୁର୍ମୁଷ ଅବସ୍ଥା ରେ ଯୁବତୀ ଙ୍କୁ ଉଦ୍ଧାର କରି ଦୁଇଜଣ ଯୁବକ ଧାମନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ । ଯୁବତୀ ଜଣକ ଯାଜପୁର ଜିଲ୍ଲା ଅହିୟାସ ଅଞ୍ଚଳ ର । ସେଠାରେ ଯୁବତୀଙ୍କୁ ଆଣିଥିବା ଦୁଇଜଣ ଯୁବକ ଯୁବତୀ ଙ୍କ ଦୁର୍ଘଟଣା ହୋଇଥିବା ଯୋଗୁଁ ନଇ ପଠା ରେ ପଡିଥିବା କହିଥିଲେ । ପରେ ଯୁବକ ଦୁଇ ଜଣ ମେଡିକାଲରୁ ଫେରାର ହୋଇଯାଇଥିଲେ । ଗୁରୁତର ଯୁବତୀଙ୍କୁ ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଭଦ୍ରକ ମୁଖ୍ୟ ଡାକ୍ତରଖାନା କୁ ଆଣିଥିଲେ । ଡାକ୍ତର ଯୁବତୀଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର  କରାଯାଇଥିଲା । ଯୁବତୀଙ୍କ ଘର ଲୋକେ ଖବର ପାଇ ଗୁରୁତର ଯୁବତୀଙ୍କୁ ଭଦ୍ରକ ରୁ କଟକ ସ୍ଥାନାନ୍ତର କରିଥିଲେ । ସେଠାରେ ଯୁବତୀ ଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ମୃତ୍ୟୁ ପରେ ଘର ଲୋକେ ଯୁବତୀ ଙ୍କୁ ଅପହରଣ କରି ନେଇଥିବା ଅଭିଯୋଗ କରିଛନ୍ତି ।  

ଯୁବତୀଙ୍କ ଗାଁ ଲୋକ ଙ୍କ କହିବା କଥା ଯେ ଯୁବକ ଜଣକ ନିଜ ସମ୍ପର୍କୀୟଙ୍କ ଘର କୁ ଆସୁଥିଲେ । ଗତକାଲି ଯୁବକ ଜଣଙ୍କ ଯୁବତୀ ଙ୍କୁ ତାଙ୍କ ଭିଣୋଇଙ୍କ ପାଖକୁ ନେବାକୁ କହି ବାଇକରେ ବସାଇ ନେଇଯାଇଥିଲେ ଦ୍ରୁତଗତି ରେ ଗାଡିରେ ବସାଇ ନେଇଯାଇଥିବା ପ୍ରତ୍ୟକ୍ଷଦର୍ଶୀ କହିଛନ୍ତି । ଅନ୍ୟ ପଟେ ଦୁଇଯୁବକ ଫେରାର ହୋଇଯାଇଛନ୍ତି । ତେବେ ଯୁବତୀ ଙ୍କୁ ଗାଡିରେ ନେଉଥିବା ବେଳେ ଗାଡି କୁ ଗଛ ରେ ଧକ୍କା କରି ଯୁବତୀଙ୍କୁ ହତ୍ୟା ଉଦ୍ୟମ କରିଥିବା ଅଭିଯୋଗ କରିଛନ୍ତି ଯୁବତୀଙ୍କ ବାପା ।  ପୋଲିସରେ ଦୁଇ ଯୁବକଙ୍କ ବିରୋଧ ରେ ଅଭିଯୋଗ କରିବେ ବୋଲି ସୂଚନା ଦେଇଛନ୍ତି ।

ପ୍ରଥମେ ଅପହରଣ ଓ ପରେ ଗାଡି ଧକ୍କା ପୁଣି ଯୁବତୀ ଙ୍କୁ ମେଡିକାଲ ରେ ଗୁରୁତର ଅବସ୍ଥାରେ ଛାଡି ପଳାଇଯିବାକୁ ନେଇ ସନ୍ଦେହ ଘନୀଭୂତ ହେବା ରେ ଲାଗିଛି । ପୋଲିସ ତଦନ୍ତ ପରେ ଘଟଣାର ସତ୍ୟାସତ୍ୟ ଜଣାପଡିବ ।

   Related Posts