ପ୍ୟାରିସ, ୩୦ ।୦୯: ଆମେରିକାର ଷ୍ଟାର ଟେନିସ୍ ଖେଳାଳି ସେରେନା ଓ୍ୱିଲିୟମସନ୍ ମାଂସପେଶୀରେ ଆହତ ଜନିତ କାରଣରୁ ବୁଧବାର ଫ୍ରେଞ୍ଚ୍ ଓପନରୁ ବାଦ୍ ପଡିବା ନେଇ ନିଷ୍ପତ୍ତି ନେଇଛନ୍ତି । ସେ ପ୍ରଥମ ସେଟରେ ସାମିଲ ହେବା ପରେ କ୍ରିଷ୍ଟି ଅନଙ୍କୁ ସିଧା ସେଟରେ ହରାଇଥିଲେ । ଏହାସହ ସୋମବାର ଫ୍ରେଞ୍ଚ୍ ଓପନର ସିଙ୍ଗିଲରେ ଦ୍ୱିତୀୟ ରାଉଣ୍ଡରେ ସ୍ଥାନ ପକ୍କା କରିଥିଲେ ।
ସେରେନା କ୍ରିଷ୍ଟିଙ୍କୁ ୭-୬ ଓ ୯-୦ ସେଟରେ ପରାସ୍ତ କରିଥିଲେ । ସେ ୪୦-୦ ସ୍କୋର ପାଇଁ ସର୍ଭିସ କରୁଥିଲେ ମଧ୍ୟ କ୍ରିଷ୍ଚି ତିନୋଟି ମ୍ୟାଚ୍ ପଏଣ୍ଟ ବଞ୍ଚାଇଥିଲେ । ସେରେନା ବ୍ରେକ୍ ପଏଣ୍ଟ୍ ବଞ୍ଚାଇବା ସହ ପରେ ଏସଙ୍କ ସହ ଆମେରିକାର ନିଜ ପାର୍ଟନରଙ୍କୁ ବାହାରର ରାସ୍ତା ଦେଖାଇଥିଲେ ।
wp:html/wp:htmlSerena Williams has withdrawn from #RolandGarros with an achilles injury. pic.twitter.com/u6vGa9JCkX
— Roland-Garros (@rolandgarros) September 30, 2020
୩୯ ବର୍ଷୀୟା ସେରେନା ଦ୍ୱିତୀୟ ରାଉଣ୍ଡରେ ସେଭେତାନା ପିରୋନକୋଭାଙ୍କୁ ଭେଟିଥାନ୍ତେ । କିନ୍ତୁ ତାଙ୍କର ମାଂସପେଶୀ ସମସ୍ୟା ଗୁରୁତର ଥିଲା । ତିନିଥରର ଚାମ୍ପିଅନ ସେରେନା ଚଳିତ ବର୍ଷ ଆଉ ଖେଳିପାରିବେ ନାହିଁ ବୋଲି ମଧ୍ୟ କହିଛନ୍ତି ।
ସେ କହିଛନ୍ତି ଯେ, ସେ ଅଳ୍ପ ସମୟ ଅଭ୍ୟାସ କରିଥିଲେ । କିନ୍ତୁ ଆହତ ସମସ୍ୟା ପାଇଁ ଯନ୍ତ୍ରଣା ଅନୁଭବ ହୋଇଥିଲା । ଏନେଇ ସେ ତାଙ୍କ କୋଚ୍ଙ୍କ ପରାମର୍ଶ ନେଇଥିଲେ । ଏପରିକି ଚାଲିବାକୁ ମଧ୍ୟ ତାଙ୍କୁ କଷ୍ଟ ହେଉଥିଲା । ବିଶ୍ରାମ ନେଇ ସେ ସୁସ୍ଥ ହେବାକୁ ପ୍ରୟାସ କରିବେ ବୋଲି କହିଛନ୍ତି ।
ସୂଚନାଯୋଗ୍ୟ, ୟୁଏସ ଓପନ ସେମି ଫାଇନାଲରେ ଭିକ୍ଟୋରିଆ ଆଜାରନେକାଙ୍କଠୁ ପରାସ୍ତ ହେବା ସମୟରୁ ସେରେନା ଆହତ ଜନିତ ସମସ୍ୟା ଦେଇ ଗତି କରୁଛନ୍ତି । ତେବେ ନିକଟରେ ସେ ସାମାନ୍ୟ ସୁସ୍ଥ ହୋଇ ଖେଳିବା ପାଇଁ ପ୍ରସ୍ତୁତ ଥିଲେ । ଏବେ ପୁଣି ସେ ଆହତ ହୋଇଛନ୍ତି । ତାଙ୍କ ଅଣ୍ଟାରେ ଆଘାତ ଲାଗିଛି । ଏବେ ସେ ୨ ସପ୍ତାହ ସମ୍ପୂର୍ଣ୍ଣ ଭାବେ ବିଶ୍ରାମ ନେବେ ।