Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଦଳା : ଖାକି ଉପରେ ଖାକିର ଜୁଲମ୍, ବିଚ୍ ରାସ୍ତାରେ ଏସଆଇଙ୍କୁ ଆକ୍ରମଣ କଲେ ଜେଲ୍ ଓ୍ୱାର୍ଡର
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୪୩୨ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୩୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଗାଜା ଉପରେ ଇସ୍ରାଏଲର ପୁଣି ରକେଟ୍ ଆକ୍ରମଣ, ଭାଙ୍ଗିଲା ଅସ୍ତ୍ରବିରତି ରାଜିନାମା
  • ||
  • ମର୍ମନ୍ତୁଦ ଦୁର୍ଘଟଣା : ଟ୍ରଲରକୁ ପଛପଟୁ ପିଟିଲା ପିକ୍‌ଅପ୍‌ ଭ୍ୟାନ୍‌, ୨ ମୃତ
  • ||

ଶିଳ୍ପ ସଂସ୍କାର ପାଇଁ ଓଡ଼ିଶା ସରକାରଙ୍କ ମାରାଥନ୍‌ ସଚେତନତା ଅଭିଯାନ

20/10/2019 at 5:41 PM

ଭୁବନେଶ୍ଵର, ରାଜ୍ୟ ସରକାରଙ୍କ ଶିଳ୍ପ ବିଭାଗ ଏବଂ ଇପିକଲ୍‌ଙ୍କ ମିଳିତ ପ୍ରଚେଷ୍ଟାରେ ଆରମ୍ଭ ହୋଇଛି ଶିଳ୍ପ ସଂସ୍କାର ସଚେତନତା ଅଭିଯାନ। ଆଜି ଅନୁଗୁଳଠାରୁ ଏହାର ଶୁଭାରମ୍ଭ ହୋଇଛି। ଆସନ୍ତା ୮ ତାରିଖ ଯାଏ ଏହି କାର୍ଯ୍ୟକ୍ରମ ଚାଲିବ, ଯେଉଁଥିରେ ଶିଳ୍ପ ବିଭାଗର ବରିଷ୍ଠ ଅଧିକାରୀମାନେ ଜିଲ୍ଲାସ୍ତରରେ ବିଭିନ୍ନ ଶିଳ୍ପାନୁଷ୍ଠାନ ପ୍ରତିନିଧିମାନଙ୍କୁ ଗୋଟିଏ ମଞ୍ଚରେ ଏକାଠି କରି ଶିଳ୍ପ ସଂସ୍କାର ବିଷୟରେ ଅବଗତ କରାଇବେ। ଏହି ଅଭିଯାନରେ ରାଜ୍ୟର ୭୨୦ରୁ ଅଧିକ ଶିଳ୍ପାନୁଷ୍ଠାନଙ୍କ ପାଖରେ ପହଞ୍ଚିବାର ଲକ୍ଷ୍ୟ ରଖିଛି ଶିଳ୍ପ ବିଭାଗ।

ନାଲ୍‌କୋ ଅଡିଟୋରିୟମ୍‌ଠାରେ ହୋଇଥିବା ଆଜିର ପ୍ରଥମ କର୍ମଶାଳାରେ ଅନୁଗୁଳ, ବୌଦ୍ଧଳ ଢେଙ୍କାନାଳ, କନ୍ଧମାଳ, କେନ୍ଦୁଝର ପ୍ରଭୃତି ଜିଲ୍ଲାରେ ଶିଳ୍ପ ସ୍ଥାପନ କରିଥିବା ଅନୁଷ୍ଠାନମାନେ ଯୋଗ ଦେଇଥିଲେ। ୨୩ ତାରିଖରେ ଭୁବନେଶ୍ଵରରେ ଏକ କର୍ମଶାଳା ଆୟୋଜନ କରାଯାଇଛି। ଏହି କର୍ମଶାଳାରେ ଖୋର୍ଦ୍ଧା, କଟକ, ପୁରୀ, ଜଗତସିଂହପୁର, ଯାଜପୁର, କେନ୍ଦ୍ରାପଡ଼ା ପ୍ରଭୃତି ଜିଲ୍ଲାର ପାଖାପାଖି ୧୪୪ ଶିଳ୍ପାନୁଷ୍ଠାନ ଏବଂ ସେମାନଙ୍କ ପ୍ରତିନିଧି ଯୋଗ ଦେବାର କାର୍ଯ୍ୟକ୍ରମ ରହିଛି।

ସେହିପରି ୩୧ ତାରିଖରେ ଶିଳ୍ପ ବିଭାଗର ବରିଷ୍ଠ ଅଧିକାରୀମାନେ ବ୍ରହ୍ମପୁରଠାରେ ଦକ୍ଷିଣ ଓଡ଼ିଶାରେ ସ୍ଥାପିତ ଶିଳ୍ପାନୁଷ୍ଠାନ, ନଭେମ୍ବର ୫ ତାରିଖରେ ସମ୍ବଲପୁରଠାରେ ପଶ୍ଚିମାଞ୍ଚଳରେ ସ୍ଥାପିତ ଶିଳ୍ପାନୁଷ୍ଠାନ, ୬ ନଭେମ୍ବରରେ ସୁନ୍ଦରଗଡ଼ର ଶିଳ୍ପାନୁଷ୍ଠାନଗୁଡ଼ିକୁ ବିଭାଗ ପକ୍ଷରୁ ଶିଳ୍ପ ସଂସ୍କାର ବିଷୟରେ ସଚେତନ କରିବା ଲକ୍ଷ୍ୟ ରଖାଯାଇଛି। ବାଲେଶ୍ଵରଠାରେ ନଭେମ୍ବର ୮ ତାରିଖରେ ଏହିଭଳି ଏକ ସଚେତନତା କର୍ମଶାଳା ଅନୁଷ୍ଠିତ ହେବ। ଏଥିରେ ବାଲେଶ୍ଵର, ଭଦ୍ରକ, ମୟୁରଭଞ୍ଜରେ କାର୍ଯ୍ୟକରୁଥିବା ୧୪୧ ଶିଳ୍ପାନୁଷ୍ଠାନ ଯୋଗ ଦେବେ। 

   Related Posts